Bæjarráð

Farið yfir þær fyrirspurnir sem hafa borist í útboði vegna úrgangsmála. Bæjarráð samþykkir breytingar á útboði í samræmi við þær fyrirspurnir og felur verkefnastjóra að koma þeim á framfæri við EFLU.

Starfsmenn skipulags- og framkvæmdasviðs fóru yfir stöðu mála og þær aðgerðir sem fara þarf í við vatnsveituna á Stöðvarfirði. Farið var yfir niðurstöður þrýstiprófana og þær framkvæmdir sem nauðsynlegar eru við veituna í haust. Bæjarráð samþykkir að farið verði í framkvæmdir við vatnsveituna og keypt geislatæki fyrir þéttbýli. Skipulags- og framkvæmdasviði falið að hefja vinnu við verkið.

Fært í trúnaðarmálabók. Bæjarstjóra falið að halda utan um málið í samráði við lögmann sveitarfélagsins.

Fjölskyldunefnd vísar reglum Fjarðabyggðar um frístundaheimili til bæjarráðs til samþykktar.

Bæjarráð samþykkir reglurnar og vísar þeim til staðfestingar bæjarstjórnar.

Vísað frá fjölskyldunefnd til afgreiðslu bæjarráðs drögum að reglum um veitingu fjárstyrks til greiðslu lögmannsaðstoðar vegna barnaverndarmála.

Bæjarráð samþykkir reglurnar og vísar þeim til staðfestingar bæjarstjórnar.

Umræða tekin um lóðamál Fjarðabyggðarhafna.

Stjórn Rarik og framkvæmdastjórn óska eftir að hitta bæjarstjóra ásamt fulltrúum Fjarðabyggðar á hádegisfundi þriðjudaginn 23. september.

Umhverfis-, orku- og loftslagsráðuneytið kynnir til samráðs Áform um breytingu á lögum nr. 49/1997 um varnir gegn snjóflóðum og skriðuföllum.

Umsagnarfrestur er til og með 19.09.2025 og er bæjarstjóra falið að skila inn umsögn vegna málsins.

Framlagðar ályktanir frá Náttúrverndarsamtökum Austurlands til kynningar.

Framlagður tölvupóstur frá sambandi Íslenskra sveitarfélaga þar sem óskað er eftir tilnefningum Fjarðabyggðar í bakhópa sambandsins vegna úrgangsmála og hringrásarhagkerfis og annan um loftslagsmál. Fulltrúar Fjarðabyggðar verða Aron Leví Beck (Úrgangsmál og hringrásarhagkerfis) og Birgitta Rúnardóttir (Loftslagsmál).

Framlögð til kynningar fundargerð frá sameiginlegum fundi bæjarstjórnar Fjarðabyggðar og sveitarstjórnar Fljótsdalshrepps frá 29. ágúst sl.

Fundargerð stjórnar Samtaka sveitarfélaga á köldum svæðum nr. 87.

Breyting á nefndarskipan Framsóknarflokks 2022 - 2026.

Jón Kristinn Arngrímsson er tilnefndur sem varamaður í hafnarstjórn í stað Árna Björns Guðmundssonar.

Fundargerð fjölskyldunefndar frá 1. september lögð fram til umfjöllunar og afgreiðslu.