Hafnarstjórn

Áframhaldandi umræða um starfs- og fjárhagsáætlun Fjarðabyggðarhafna fyrir árið 2026. Starfsmönnum falið að vinna áfram að starfs- og fjárhagsáætlun 2026 og leggja fyrir að nýju.

Lögð fram gögn vegna valkosta við dýpkun. Til umfjöllunar í vinnu við starfs-og fjárhagsáætlun 2026 og undirbúning næstu skrefa í haust. Beðið er niðurstöðu EFLU vegna efnismagns og málið tekið fyrir þegar sú niðurstaða liggur fyrir.

Lagðar fram upplýsingar um afhendingartíma í tengslum við kaup á bílavogum. Hafnarstjórn felur starfsmönnum að panta tvær bílavogir og setja upp.

Erindi frá Torcargo ehf. dags. 1. september þar sem óskað er eftir undanþágu frá hafnsöguskyldu að og frá Mjóeyrarhöfn fyrir Viktor Tsurlia, skipstjóra á Mv Sigyn W. Hafnarstjórn samþykkir umbeðna undanþágu.

Lögð fram til kynningar umsögn vegna endurnýjunar heimavigtunarleyfis fiskimjölsverksmiðju Loðnuvinnslunnar.

Tekið fyrir að nýju erindi frá Björgunarbátasjóði SVFÍ Neskaupstað þar sem óskað er eftir styrk vegna endurnýjunar á björgunarskipinu Hafbjörgu. Hafnarstjórn samþykkir að styrkja Björgunarbátasjóð SVFÍ Neskaupstað um fimm milljónir á ári í þrjú ár, samtals 15 milljónir. Áætlað er að nýtt björgunarskip komi árið 2027 og miðað er að því að greiðslu styrkja verði lokið við komu skipsins.

Framlögð beiðni Menningarstofu Fjarðabyggðar um styrk til fjögurra menningarverkefna á árinu 2025. Hafnarstjórn samþykkir umbeðinn styrk og felur jafnframt formanni og varaformanni hafnarstjórnar að móta tillögu um styrkjafyrirkomulag næsta árs og leggja fyrir hafnarstjórn á næsta fundi.

Vísað frá stjórn menningarstofu til hafnarstjórnar tillögu verkefnastjóra safna um sögu og myndaskilti í Neskaupstað, uppsetningu þeirra og beiðni um stuðning. Hafnarstjórn tekur vel í erindið og felur stjórnanda Fjarðabyggðarhafna og verkefnastjóra safna að vinna málið saman.

Sjávarútvegsráðstefnan 2025 verður haldin í Hörpu dagana 6.-7.nóvember næstkomandi. Formaður mun sækja ráðstefnuna.

Fundargerð 474. fundar Hafnasambands Íslands lögð fram til kynningar