Skipulags- og framkvæmdanefnd

Lögð fram skipulagslýsing fyrir breytingu á Aðalskipulagi Fjarðabyggðar 2020-2040 og breytingu á deiliskipulagi iðnaðarsvæðis Nes 1 á Reyðarfirði, sbr. 30. og 40. gr. skipulagslaga nr. 123/2010. Til stendur að stækka austustu lóðirnar í deiliskipulaginu og hnika til lóðarmörkum nokkurra annarra lóða. Einnig verður gert ráð fyrir mön á austurjaðri svæðisins. Því þarf að stækka aðalskipulagsreitina AT-300 og I-300 um u.þ.b. 25 metra til austurs. Vegna áforma um breytta legu þjóðvegar fyrir botni Reyðarfjarðar stendur til að breyta vegtengingu svæðanna við Ægisgötu og færa hana austar.
Skipulags- og framkvæmdanefnd samþykkir matslýsinguna fyrir sitt leyti og vísar erindinu til afgreiðslu bæjarráðs í sumarleyfi bæjarstjórnar.

Framlögð tillaga að óverulegri breytingu á deiliskipulagi skv. 2. mgr. 43. gr. skipulagslaga nr. 123/2010. Breytingin felst í stækkun lóðar nr. 46c að Strandgötu á Eskifirði í 1.062 fermetra. Breytingin felur ekki í sér grenndaráhrif gagnvart nágrönnum.
Skipulags- og framkvæmdanefnd samþykkir óverulega breytingu á deiliskipulagi Miðbæjar á Eskifirði og vísar staðfestingu til bæjarráðs sem fer með umboð bæjarstjórnar í sumarleyfi.

Framlögð umsókn um byggingarheimild vegna flugskýlis, Norðfirði.
Skipulag- og framkvæmdanefnd samþykkir fyrirhugaðar framkvæmdir og felur byggingarfulltrúa að gefa út byggingarheimild þegar öllum tilskyldum gögnum hefur verið skilað.

Framlögð umsókn um byggingarleyfi vegna viðbyggingar við Mýrargötu 21, Norðfirði.
Skipulags- og framkvæmdanefnd felur skipulagsfulltrúa að grenndarkynna fyrirhugaðar framkvæmdir ásamt því að leita umsagnar Veðurstofu er varða styrkingar vegna ofanflóða og leggja fyrir nefndina að nýju.

Framlögð umsókn um lóðina Hlíðarbrekku 5 á Fáskrúðsfirði.
Skipulags- og framkvæmdanefnd samþykkir fyrir sitt leyti úthlutun lóðarinnar og vísar umsókninni til afgreiðslu bæjarráðs.

Framlögð umsókn um lóðina Hlíðarbrekku 7 á Fáskrúðsfirði.
Skipulags- og framkvæmdanefnd samþykkir fyrir sitt leyti úthlutun lóðarinnar og vísar umsókninni til afgreiðslu bæjarráðs.

Framlagt erindi leigutaka æðvarvarps í Seley vegna framlengingar á nýtingu æðavarps í samræmi við ákvæði samnings um þrjú ár.
Skipulags- og framkvæmdanefnd samþykkir að samningur verði framlengdur til samræmis við ákvæði samnings.

Framlagt erindi vegna ágangs hrafns í æðarvarpi og hópsöfnun hans í kringum urðunarstað í Berunesi.
Vísað til sviðsstjóra skipulags- og framkvæmdasviðs til úrbóta.

Framlagt bréf frá Sóknarnefnd Eskifjarðarkirkju vegna stækkunar á kirkjugarðinum á Eskifirði.
Skipulags- og framkvæmdanefnd tekur vel í erindi sóknarnefndarinnar og felur skipulagsfulltrúa að ræða við fulltrúa hennar og að skoða mögulega deiliskipulagsgerð svæðisins.

Vísað frá bæjarráði til skipulags- og framkvæmdanefndar bréfi Kvenfélagsins Nönnu vegna leikvalla og grænna svæða á Norðfirði.
Skipulags- og framkvæmdanefnd felur skipulagsfulltrúa ásamt garðyrkjustjóra að skoða svæði í innri hluta Neskaupstaðar sem valkosti til að setja niður leikvöll og leggja fyrir nefndina að nýju.

Lagðar fram niðurstöður verðkönnunar vegna jarðvinnu og lagna vegna Búðarvegs á Fáskrúðsfirði.
Skipulags- og framkvæmdanefnd samþykkir niðurstöður verðkönnunar og felur sviðsstjóra skipulags- og framkvæmdasviðs að ganga frá samningi við bjóðanda og felur bæjarstjóra undirritun verksamnings.

Framlögð niðurstaða verðkönnunar vegna jarðvinnu og lagna í Strandgötu í Neskaupstað.
Skipulags- og framkvæmdanefnd felur sviðstjóra að ræða við bjóðanda um verkið og ganga frá samningi um verkið og bæjarstjóra falin undirritun hans.

Fjallað um rekstur og stöðu vatnsveitu í Mjóafirði.
Skipulags- og framkvæmdanefnd vísar máli til umræðu á næsta fundi nefndarinnar.

Framlagt til kynningar boð á umhverfisþing 2025.
Nefndin sendir fulltrúa á þingið.

Framlögð til kynningar ársskýrsla Heilbrigðiseftirlits Austurlands fyrir árið 2024.