Bæjarráð

Farið yfir vinnu við endurskipulagningu á starfsemi þjónustumiðstöðva og hafnarstarfsemi með það í huga að mynda eina þjónustu- og framkvæmdamiðstöð.

Framlögð tvö bréf Atvinnuvega- og nýsköpunarráðuneytis, þar sem annarsvegar er hafnað beiðni Fjarðabyggðar um að tvöföldun aflamarks verði sleppt og hinsvegar rökstuðningur fyrir því að ekki sé úthlutað byggðakvóta til fleiri byggðarlaga en Stöðvarfjarðar og Mjóafjarðar í Fjarðabyggð.

Framlögð drög að samningi við Advania og minnisblað um innleiðingu á Vinnustund sem leysir af hólmi Bakvörð sem viðveruskráningarkerfi Fjarðabyggðar.
Bæjarráð samþykkir samning fyrir sitt leyti og felur bæjarstjóra undirritun samnings.

Farið yfir innleiðingu íbúagáttar Fjarðabyggðar og næstu skref í rafrænni þjónustu með rafrænum eyðublöðum. Framlagt minnisblað. Gert er ráð fyrir að íbúagátt verði uppfærð í desember og ný rafræn eyðublöð verði tekin í gagnið á árinu 2017.
Bæjarráð samþykkir uppfærsluna og felur bæjarstjóra undirritun skjala vegna innleiðingar.

Framlögð drög að verklagsreglum vegna aðgangs þjónustuaðila
að upplýsingatæknikerfum hjá Fjarðabyggð. Reglurnar eru byggðar á fyrirliggjandi öryggiskröfum og ráðstöfunum í upplýsingatæknimálum.
Bæjaráð samþykkir fyrir sitt leyti og vísar uppfærðum reglum til staðfestingar bæjarstjórnar.

Bréf velferðarráðuneytisins til bæjarráðs Fjarðabyggðar er varðar tilraunaverkefni um móttöku flóttafólks. Jafnframt lagðar fram leiðbeinandi reglur til sveitarfélaga, frá því í maí 2014, um móttöku flóttafólks.
Vísað til frekari vinnslu á fjölskyldusviði og til umfjöllunar í félagsmálanefnd.

Bæjarráð samþykkir á grundvelli fyrirspurna að auglýsa félagsheimilið Félagslund laust til umsóknar á grundvelli "reglna um styrki í tengslum við atvinnuuppbyggingu vegna endurgerðar gamalla húsa og fasteigna í eigu Fjarðabyggðar."
Forstöðumanni stjórnsýslu, í samráði við bæjarstjóra, falið að auglýsa félagsheimilið Félagslund laust til umsóknar sbr. samþykktina.

Framlagt minnisblað markaðs- og kynningarfulltrúa þar sem lagt er til að áfram verði tekið þátt í klasaverkefninu "Meet the locals". Um er að ræða árlegt gjald kr. 30.000.
Bæjarráð samþykkir að taka þátt í klasaverkefninu.

Framlagt minnisblað markaðs- og kynningarfulltrúa vegna beiðni um áframhaldandi stuðning við þáttagerð á N4.
Bæjarráð samþykkir áframhaldandi stuðning við þáttagerðina með sama hætti og var á árinu 2016.

Bæjarstjóri fer yfir stöðu viðræðna við hlutastarfandi sjúkraflutningamenn um kjör.
Bæjarstjóra falið að ganga frá samningi við hlutastarfandi sjúkraflutningamenn í samræmi við samþykkt fundar.

Nýgerður kjarasamningur Félags grunnskólakennara ræddur. Bæjarstjóri gerir grein fyrir fundi sveitarfélaga sem haldinn var 1. desember sl.með samninganefnd Sambands íslenskra sveitarfélaga.

Framlagt bréf Sambands íslenskra sveitarfélaga um vinnu við gerð húsnæðisáætlana vegna íbúðarhúsnæðis og nýtingu áætlana sem stjórntækis í skipan húsnæðismála.
Lagt fram til kynningar og vísað til félagsmálanefndar.

TRÚNAÐARMÁL.
Farið yfir stöðu mála sem tengjast olíubirgðastöð í Reyðarfirði.

Sveitarstjórnarþing Evrópuráðsins er pólitískur samstarfsvettvangur evrópskra sveitarfélaga og svæða. Ísland á þrjá fulltrúa á þinginu sem stjórn sambandsins tilnefnir til fjögurra ára í senn.
Framlögð kynning á þinginu og helstu málum sem það fjallaði um á haustþingi sínu í október sl., svo sem aðgerðir til að berjast gegn spillingu á sveitarstjórnarstigi og öfgahyggju meðal íbúa, kynjaða fjárhagsáætlunargerð og hvernig sé hægt að auka þátttöku kvenna í sveitarstjórnarmálum.

Fundargerð stjórnar Sambands íslenskra sveitarfélaga, nr. 844 frá 25.nóvmeber 2016, lögð fram til kynningar.

Framlögð til kynningar fundargerð stjórnar samtaka sjávarútvegssveitarfélaga frá 24. nóvember sl.

Framlögð til kynningar fundargerð fræðslunefndar nr. 34 frá 30. nóvember 2016.