Bæjarráð

Lánasamningur við Íslandsbanka að upphæð 400 milljónir króna í samræmi við fyrri afgreiðslur bæjarráðs 24.janúar 2017 í máli nr. 1612126. Lánasamningur er hluti af endurfjármögnun skulda Fjarðabyggðar og nýtingu kaupréttar að Melgerði 13 Reyðarfirði. Bæjarráð samþykkir lántöku fyrir sitt leyti og vísar málinu til endanlegrar afgreiðslu í bæjarstjórn.

Lögð fram lánaskjöl vegna lántöku að upphæð 150 milljónir kr. við Lánasjóð sveitarfélaga i samræmi við samþyktir bæjaráðs í málum 1612126 og 1612125. Lánið er verðtryggt með breytilegum vöxtum og til 15 ára. Vextir er nú 3,4% og er lánið af eigin fé sjóðsins og uppgreiðanlegt á reglulegum gjalddögum. Bæjarráð samþykkir lántöku fyrir sitt leyti og vísar málinu til endanlegrar afgreiðslu í bæjarstjórn.

Lögð fram lánaskjöl vegna lántöku að upphæð 227 milljónir við Lánasjóð sveitarfélaga i samræmi við samþykktir bæjaráðs í málum 1612126 og 1612125. Lánið er til endurfjármögnunar á skuldum Hitaveitu Fjarðabyggðar, lánið er verðtryggt og ber fasta 2,5% vexti. Bæjarráð samþykkir lántöku fyrir sitt leyti og vísar málinu til endanlegrar afgreiðslu í bæjarstjórn.

Frá fundi bæjarráðs 19. desember sl.
Lögð fram til kynningar drög að samstarfssamningi milli Tónlistarmiðstöðvar Austurlands og Fjarðabyggðar og drög að starfslýsingu starfsmanns Menningarstofu.
Bæjarstjóra falin áframhaldandi vinnsla málsins.

Bréf Umhverfis- og auðlindaráðuneytis vegna vinnu við gerð nýrrar reglugerðar um eldvarnir og eldvarnareftirlit Óskað er umsagnar um reglugerðardrögin. Vísað til kynningar í eigna- skipulags- og umhverfisnefnd auk þess sem óskað er eftir umsögn frá skipulags- og byggingarfulltrúa og slökkviliðsstjóra.

Lagt er fyrir minnisblað framkvæmdastjóra Fjarðabyggðarhafna vegna reksturs stálþils á fyllingarsvæði á Norðfirði ásamt drögum að verksamningi vegna verksins til staðfestingar í bæjarráði. Bæjarráð samþykkir verksamning og felur bæjarstjóra undirritun samnings.

Framlögð gögn til kynningar vegna umsóknarhluta B vegna ljósleiðaravæðingar dreifbýlis, fyrirspurnir og svör og niðurstöður úthlutunar 100 milljóna. kr. viðbótarframlags til ljósleiðarvæðingar.

Lagt fram minnisblað um nokkur praktísk atriði í tengslum við innleiðingu íbúagáttar og rafrænna eyðublaða. Bæjarráð gerir ekki athugasemdir við innihald minnisblaðs og felur stjórnsýslu- og þjónustsviði áframhaldandi vinnslu málsins. Stefnt er á að opna íbúagátt á fundi bæjarstjórnar næstkomandi fimmtudag 2.febrúar.

Á fundi hafnarstjórnar þann 24. janúar sl. var fjallað um rannsóknarskýrslur sem gerðar eru fyrir Fjarðabyggð og heimildir til notkunar á þeim af þriðja aðila. Hafnarstjórn telur að ætli utanaðkomandi aðilar að nota rannsóknir gerðar fyrir sveitarfélagið og kostaðar af því, sé rétt að til komi greiðsla fyrir afnotin. Hafnarstjórn hvetur bæjarráð til að móta stefnu þar að lútandi. Bæjarráð vísar málinu til afgreiðslu hjá bæjarstjóra og framkvæmdastjóra hafna.

Framlagt minnisblað framkvæmdastjóra hafna frá 11.janúar sl. vegna framkvæmda við hafnarkant á Fáskrúðsfirði. Eitt tilboð barst í verkið sem var yfir kostnaðaráætlun og samningar hafa lækkað tilboðsfjárhæð.
Hafnarstjórn hefur samþykkt samkomulag við MVA ehf. að fjárhæð 249,4 milljónir kr. í framkvæmdir við Strandarbryggju á Fáskrúðsfirði.
Bæjarráð samþykkir samkomulagið og felur bæjarstjóra undirritun þess.
Bæjarstjóra er jafnframt falið að ganga frá svari til tilboðsgjafa sem bauð í verkið í upphafi.

Gögn lögð fram sem trúnaðarmál. Fyrir liggja tillögur bæjarráðs sem stjórnkerfisnefndar, um breytingar á stjórnskipulagi sveitarfélagsins. Bæjarráð samþykkir að vísa tillögum til afgreiðslu bæjarstjórnar. Þá er bæjarstjóra falið að ljúka við endanlegar útfærslur á tillögum ráðsins og leggja fyrir fund bæjarstjórnar.

Fundargerð eigna- skipulags- og umhverfisnefndar nr. 167 frá 23.janúar 2017, lögð fram til kynningar.

Fundargerð hafnarstjórnar nr. 172 frá 24.janúar 2017, lögð fram til kynningar.

Fundargerð fræðslunefndar nr. 36 frá 25.janúar 2017, lögð fram til kynningar.

Fundargerð íþrótta- og tómstundanefndar nr. 31 frá 26.janúar 2017, lögð fram til kynningar.

Fundargerð barnaverndarnefndar nr. 70 frá 25.janúar 2017, lögð fram til kynningar.