Bæjarráð

Lagt fram minnisblað bæjarstjóra er varðar fjárhagsáætlun Fjarðabyggðar 2018 til 2022. Minnisblaði og tillögu fjármálastjóra að bráðabirgðafjárhagsrömmum vísað til fastanefnda.

Framlagður viðauki nr. 5 við fjárhagsáætlun Fjarðabyggðar. Viðaukinn er til samantektar á afgreiðslu bæjarráðs um viðhald á skólahúsnæði og leiðréttingar á viðauka 2 og upphaflegri fjárhagsáætlun ársins 2017. Bæjarráð samþykkir viðauka nr. 5 með breytingum sbr. 5.fundarlið. Viðauka nr. 5 vísað til samþykktar í bæjarstjórn.

Lagður fram listi yfir 200 stærstu birgja Fjarðabyggðar á árinu 2016 vegna umræðu um innkaup Fjarðabyggðar. Vísað til bæjarstjóra og sviðsstjóra til frekari skoðunar.

Lögð fram samantekt fjármálastjóra um innkaupareglur bæjarins. Með vísun til nýrra laga um opinber innkaup nr. 120/2016, er þörf á endurskoðun innkaupareglna Fjarðabyggðar frá grunni. Vísað til fjármálastjóra til frekari skoðunar.

Lögð fram tillaga sviðstjóra framkvæmda- og umhverfissviðs að tækjakaupum og sölu ársins 2017. Bæjarráð fór yfir tillöguna og er sammála um að áætlun verði lækkuð úr 11 milljónum í 4 milljónir.

Tilboð vegna sölu Blómsturvalla 26-32 í Neskaupstað. Eitt tilboð barst frá Leigufélaginu Stöplum að fjárhæð 10 milljónir kr. Bæjarráð fór yfir tilboðið og er sammála um að taka ekki tilboði. Fjármálastjóra falið að auglýsa eignina á almennum markaði.

Framlagður ársreikningur Uppsala fyrir árið 2016. Félagsmálanefnd vísaði ársreikningi til bæjarráðs og vekur athygli á ábendingum og athugasemdum endurskoðanda í kjölfar könnunar á ársreikningi félagsins árið 2016. Vísað til fjármálastjóra til áframhaldandi skoðunar í samráði við forstöðumann og félagsmálastjóra.

Framlagður ársreikningur Hulduhlíðar fyrir árið 2016. Félagsmálanefnd vísaði ársreikningi til bæjarráðs og vekur athygli á ábendingum og athugasemdum endurskoðanda í kjölfar könnunar á ársreikningi félagsins árið 2016. Vísað til fjármálastjóra til áframhaldandi skoðunar í samráði við forstöðumann og félagsmálastjóra.

Vísað frá eigna- skipulags- og umhverfisnefnd. Óskað er staðfestingar bæjarráðs á auglýsing um leigu nytjaréttar af æðarvarpi á jörðinni Búlandsborg í Norðfirði. Leigutímabilið er frá 1. október 2017 til 30. september 2022. Bæjarráð samþykkir efni auglýsingar og felur skipulags- og byggingarfulltrúa að auglýsa nytjaréttinn.

Bréf Önnu Berg Samúelsdóttur og Stefáns Hrafnkelssonar er varðar deiliskipulag hesthúsabyggðar á Reyðarfirði og gerð vegar inn í hesthúsahverfið Koll í Reyðarfirði. Vísað til eigna- skipulags- og umhverfisnefndar.

Kynning á verkefninu Neskaupstaður Art Attack Residency. Eigna-, skipulags- og umhverfisnefnd hefur samþykkt að taka þátt í verkefninu með það sem að nefndinni snýr. Nefndin fól sviðstjóra framkvæmda- og umhverfissviðs og skipulags- og byggingarfulltrúa að útfæra svæði og fleti í samstarfi við forsvarsmenn verkefnisins. Bæjarráð samþykkir að styrkja verkefnið um allt að 1 milljón, takist af liðnum óráðstafað. Bæjarráð hvetur áhugasama aðila í öðrum bæjarhlutum að horfa til verkefnisins með þátttöku í huga. Vísað til menningar- og safnanefndar til kynningar.

Trúnaðarmál. Ályktun nemendaverndarráðs Grunnskólans á Eskifirði frá 2.júní 2017, er varðar nemendur með skilgreinda fötlun. Vísað til fræðslustjóra og fræðslunefndar til meðferðar.

Bréf Íbúðalánasjóðs frá 24.maí þar sem sveitarfélög eru hvött til að hefjast handa við gerð húsnæðisáætlana.

Minnisblað félagsmálastjóra er varðar breytingar á frítekjumörkum vegna húsnæðisbóta. Vísað til áframhaldandi vinnu hjá félagsmálastjóra og fjármálastjóra.

Lagður fram tölvupóstur framkvæmdastjóra Austurbrúar er varðar fundi á Egilsstöðum í tengslum við breytingar á virðisaukaskattskerfinu, með ráðherrum ferða- og fjármála sem haldinn var 6. júní og framkvæmdastjóra Samtaka aðila í Ferðaþjónustu ( SAF ) sem fyrirhugaður er 13.júní. Bæjarstjóri sótti fund 6.júní. Vísað til forstöðumanns stjórnsýslu.

Óskað er staðfestingar bæjarráðs á samningi við Ástrós um rekstur upplýsingamiðstöðvar í Brekkunni á Stöðvarfirði. Bæjarráð samþykkir samning.

Fundargerð 135. fundar stjórnar Heilbrigðiseftirlits Austurlands frá 24.maí 2017, lögð fram til kynningar.

Ársreikningur Kaupfélags Fáskrúðsfirðinga fyrir árið 2016, lagður fram til kynningar.

Ársreikningur Loðnuvinnslunnar fyrir árið 2016, lagður fram til kynningar.

Ársskýrsla Heilbrigðiseftirlits Austurlands fyrir árið 2016, lögð fram til kynningar.

Fundargerð félagsmálanefndar, nr. 95 frá 30.maí 2017, lögð fram til kynningar.

Fundargerð eigna- skipulags- og umhverfisnefndar, nr. 95 frá 6.júní 2017, lögð fram til kynningar.