Bæjarráð

Framlögð til kynningar samantekt fjármálastjóra um breytingar á fasteignamati í Fjarðabyggð á milli áranna 2017 og 2018. Vísað til kynningar í eigna- skipulags- og umhverfisnefnd.

Fjármálastjóri leggur fram drög að umsókn til Ofanflóðasjóðs vegna umsóknar um lán vegna ofanflóðaframkvæmda á árinu 2016. Lántakan, ef af verður, er í samræmi við fjárhagsáætlun ársins 2017. Bæjarráð samþykkir umsóknina og felur fjármálastjóra afgreiðslu málsins.

Íbúðalánasjóður leitar til sveitarfélaga á landinu með það í huga að bjóða til viðræðna um möguleg kaup á fasteignum í eigu sjóðsins. Lagt fram til kynningar og vísað til eigna- skipulags- og umhverfisnefndar. Bæjarstjóra falið að ræða við Íbúalánasjóð um sölu eignanna á almennum markaði.

Fundargerð fundar um gerð sameiginlegrar húsnæðisáætlunar fyrir Austurland .Samþykkt hefur verið að stofna starfshóp á vegum SSA og er bæjarstjóri fulltrúi bæjarins í hópnum. Fyrsti fundur verður haldinn þriðjudaginn 20.júní kl. 11.30 á Egilsstöðum.

Lagt fram og rætt minnisblað upplýsinga- og kynningarfulltrúa og atvinnu- og þróunarstjóra um þjónustu Fjarðabyggðar og ferðaþjónustuaðila gagnvart ferðamönnum sem sækja Fjarðabyggð heim, m.a. þjónustu á tjaldsvæðum, opnunartíma stofnana og safna, afþreyingu o.fl. Minnisblaði vísað til eigna- skipulags- og umhverfisnefndar, menningar- og safnanefndar og íþrótta- og tómstundanefndar.

Minnisblað atvinnu- og þróunarstjóra um stefnu Fjarðabyggðar í fiskeldismálum ásamt skjali með stefnuþáttum. Bæjarráð samþykkir efni minnisblaðsins. Fjármögnun, allt að 5 milljónir, vísað til fjármálastjóra til viðaukagerðar sem lagður verði fram á fundi bæjarstjórnar 22.júní. Vísað til staðfestingar bæjarstjórnar.

Lögð fram drög að umsögn bæjarstjóra og umsögn Sambands íslenskra sveitarfélaga frá 30.maí, um frumvarp um skipulag haf- og strandsvæða. Bæjarráð felur bæjarstjóra að ganga frá umsögn á grundvelli draga og leggja fyrir bæjarstjórn.

Lögð fram gögn bæjarstjóra er varða uppbyggingu og samstarf í menntamálum auk draga að yfirlýsingu um samstarf milli Fjarðabyggðar og nokkurra fyrirtækja um nám á háskólastigi. Bæjarráð samþykkir samtarf og fjármögnun, allt að 4 milljónir, verði tekin af liðnum óráðstafað. Vísað til endanlegrar afgreiðslu í bæjarstjórn og jafnframt til kynningar í fræðslunefnd.

Fundargerð fræðslunefndar, nr. 42 frá 14.júní 2017, lögð fram til kynningar.

Fundargerð íþrótta- og tómstundanefndar, nr. 36 frá 8.júní 2017, lögð fram til kynningar.