Bæjarráð

Fyrirspurn Agnars Bóassonar er varðar aðkeypta þjónustu sveitarfélagsins og búsetu starfsmanna þess. Lögð fram drög að svari bæjarstjóra. Bæjarráð felur bæjarstjóra að svara Agnari á grundvelli framlagðra draga.

Lögð fram umsókn Grétars Arnar Sigfinnssonar, dagsett 28. september 2017, þar sem óskað er eftir um 70 m2 stækkun til norðurs á lóð hans að Gilsbakka 14 á Norðfirði. Eigna-, skipulags- og umhverfisnefnd hefur samþykkt stækkunina fyrir sitt leyti og vísar endanlegri afgreiðslu til bæjarráðs. Bæjarráð samþykkir stækkun lóðar.

Samningur við Vini Valhallar lagður fram til samþykktar. Bæjarráð samþykkir samning og felur bæjarstjóra undirritun hans.

Samþykkt Ofanflóðasjóðs að mat fari fram á eignum - Kirkjustíg 7 og Strandgötu 45 Eskifirði. Lagt fram til kynningar og vísað til eigna-skipulags og umhverfisnefndar.

Ofanflóðasjóður hefur samþykkt að styrkja gerð heimildarmyndar um snjóflóðið í Neskaupstað 1974, um 1.000.000 kr. Lagt fram til kynningar.

Beiðni Neytendasamtakanna um styrk. Bæjarráð getur því miður ekki orðið við beiðni að þessu sinni.

Aðalfundur Heilbrigðiseftirlits Austurlands verður haldinn 1. nóvember á Vopnafirði. Bæjarráð felur bæjarstjóra að fara með umboð bæjarins á fundinum.

Ársskýrsla Jöfnunarsjóðs sveitarfélaga lögð fram til kynningar.

Framlagðir skilmálar verkefnisins Ísland ljóstengt 2018 ásamt upplýsingum um umsóknarferlið sem er í tveim hlutum A og B. Vísað til sviðsstjóra veitusviðs til frekari vinnslu.

Upplýsingar frá Samgöngu- og sveitarstjórnarráðuneyti um byggðastyrki til lagningar ljósleiðara í dreifbýli. Vísað til sviðsstjóra veitusviðs til frekari vinnslu.

Framlagt bréf Vodafone um ljósleiðaralagningu og áhuga félagsins á að taka þátt í verkefnum sem tengjast uppbyggingu þeirra. Vísað til sviðsstjóra veitusviðs til frekari vinnslu.

Fundargerð stjórnarfundar Náttúrustofu Austurlands, frá 12.september 2017, lögð fram til kynningar. Bæjarstjóra falið að hefja undirbúning að endurnýjun samnings við Náttúrstofu Austurlands að höfðu samráði við Fljótsdalshérað.

Á fundi Hafnarstjórnar Fjarðabyggðar þann 10. október 2017 var fjárhagsáætlun ársins 2018 ásamt langtímaáætlun samþykkt og vísað til bæjarráðs. Umfjöllun um fjárhagsáætlun hafnarsjóðs. Bæjarráð vísar áætlun til fjárhagsáætlunarvinnu.

Á fundi menningar- og safnanefndar 12.október voru lögð fram drög að starfsáætlun ársins 2018, sundurliðun á fjárhagsramma málaflokks menninarmála og drög að verkefnum og fjárhagsútgjöldum og styrkjum menningarstofu. Menningar- og safnanefnd samþykkti drög að starfsáætlun og vísaði til afgreiðslu bæjarráðs. Menningar- og safnanefnd telur að hækkun fjárhagsramma málaflokks menningarmála milli áranna 2017 og 2018 taki ekki fyllilega tillit til þess að Menningarstofa Fjarðabyggðar var sett á laggirnar á árinu. Nefndin leggur því til við bæjarráð að fjárheimildir málaflokksins verði endurskoðaðar með þetta í huga. Umfjöllun um fjárhagsáætlun menningarmála. Bæjarráð vísar áætlun til fjárhagsáætlunarvinnu.

Starfs- og fjárhagáætlun fræðslumála lögð fram til samþykktar í bæjarráði. Umfjöllun um fjárhagsáætlun fræðslumála. Bæjarráð vísar áætlun til fjárhagsáætlunarvinnu.

Starfs- og fjárhagáætlun íþrótta- og tómstundamála lögð fram til samþykktar í bæjarráði. Umfjöllun um fjárhagsáætlun íþrótta- og tómstundamála. Bæjarráð vísar áætlun til fjárhagsáætlunarvinnu.

Íþrótta- og tómstundanefnd hefur samþykkt fyrir sitt leyti gjaldskrá fyrir íþróttamannvirki fyrir árið 2018 og vísar þeim til bæjarráðs. Heilt yfir hækkar gjaldskráin um 2,7%. Vísað til fjárhagsáætlunargerðar.

Íþrótta- og tómstundanefnd hefur samþykkt fyrir sitt leyti gjaldskrá fyrir líkamsræktarstöðvar fyrir árið 2018 og vísar málinu til bæjarráðs. Heilt yfir hækkar gjaldskráin um 2,7%. Auk þess leggur íþrótta- og tómstundanefnd til við bæjarráð, að Fjarðabyggð gefi eldri borgurum búsettum í sveitarfélaginu frían aðgang í líkamsrætarstöðvar sínar utan álagstíma. Vísað til fjárhagsáætlunargerðar.

Fræðslunefnd skoðaði gjaldskrá tónlistarskólanna í Fjarðabyggð og bar hana saman við gjaldskrá viðmiðunarsveitarfélaga. Fjárhagsrammi fræðslunefndar gerir ráð fyrir 2,7% hækkun á gjaldskrá frá 1. janúar 2018 miðað við verðlagsspá og það er jafnframt tillaga nefndarinnar. Gjaldskrá vísað til bæjarráðs til samþykktar. Vísað til fjárhagsáætlunargerðar.

Fræðslunefnd skoðaði gjaldskrá leikskólanna í Fjarðabyggð og bar hana saman við gjaldskrá viðmiðunarsveitarfélaga og úttekt ASÍ á 15 stærstu sveitarfélögum landsins fyrir árið 2017. Fjárhagsrammi fræðslunefndar gerir ráð fyrir 2,7% hækkun á gjaldskrá frá 1. janúar 2018 miðað við verðlagsspá og það er jafnframt tillaga nefndarinnar. Gjaldskrá er vísað til samþykktar í bæjarráði. Vísað til fjárhagsáætlunargerðar.

Fræðslunefnd skoðaði gjaldskrá á skólamáltíðum í Fjarðabyggð og bar hana saman við gjaldskrá viðmiðunarsveitarfélaga fyrir árið 2017. Fjárhagsrammi fræðslunefndar gerir ráð fyrir 2,7% hækkun á gjaldskrá frá 1. janúar 2018 miðað við verðlagsspá og það er jafnframt tillaga nefndarinnar. Gjaldskrá vísað til samþykktar í bæjarráði. Vísað til fjárhagsáætlunargerðar.

Fræðslunefnd fór yfir gjaldskrá frístundaheimila (skóladagheimila) í Fjarðabyggð og bar hana saman við gjaldskrár viðmiðunarsveitarfélaga. Fjárhagsrammi fræðslunefndar gerir ráð fyrir 2,7% hækkun á gjaldskrá frá 1. janúar 2018 miðað við verðlagsspá og það er jafnframt tillaga nefndarinnar. Gjaldskrá vísað til samþykktar í bæjarráði. Vísað til fjárhagsáætlunargerðar.

Fræðslunefnd fór yfir gjaldskrá grunnskóla í Fjarðabyggð og bar hana saman við gjaldskrár viðmiðunarsveitarfélaga fyrir árið 2017. Fjárhagsrammi fræðslunefndar gerir ráð fyrir 2,7% hækkun á gjaldskrá frá 1. janúar 2018 miðað við verðlagsspá og það er jafnframt tillaga nefndarinnar. Gjaldskrá vísað til bæjarráðs til samþykktar. Vísað til fjárhagsáætlunargerðar.

Fundargerð eigna- skipulags- og umhverfisnefndar, nr. 187 frá 9.október, lögð fram til kynningar.

Fundargerð hafnarstjórnar, nr. 185 frá 10.október, lögð fram til kynningar.

Fundargerð félagsmálanefndar, nr. 99 frá 9.október, lögð fram til kynningar.

Fundargerð menningar- og safnanefndar, nr. 35 frá 12.október, lögð fram til kynningar.

Fundargerð íþrótta- og tómstundanefndar, nr. 41 frá 12.október, lögð fram til kynningar.

Fundargerð fræðslunefndar, nr. 47 frá 11.október, lögð fram til kynningar.