Bæjarráð

Drög að samningi vegna móttöku kvótaflóttamanna til Fjarðabyggðar lagður fram til samþykkktar. Jafnframt lagt fram minnisblað félagsmálastjóra og fræðslustjóra. Málið hefur verið til umræðu í félagsmálanefnd og fræðslunefnd á síðustu fundum nefndanna. Bæjarráð samþykkir drög að samningi og felur bæjarstjóra að undirrita samninginn og félagsmálastjóra og fræðslustjóra að vinna áfram að málinu.

Lagt fram minnisblað skipulags- og byggingarfulltrúa vegna stöðuleyfa og stöðuleyfisskylda lausafjármuni dagsett 16. nóvember 2017 og minnispunktar Land lögmanna varðandi stjórnsýslu vegna lausafjármuna. Lögð fram tillaga að breytingu á reglum um stöðuleyfi lausafjármuna í Fjarðabyggð.
Bréf hafa verið send á alla lóðarhafa þar sem stöðuleyfisskyldir lausafjármunir án stöðuleyfa eru staðsettir og þeir hvattir til að sækja um stöðuleyfi. Bréf þar sem lóðarhöfum er gefinn andmælaréttur vegna stöðuleyfisskyldu, hefur verið sent á þá sem ekki hafa brugðist við.
Eigna-, skipulags- og umhverfisnefnd fól skipulags- og byggingarfulltrúa að vinna málið áfram og senda lóðarhöfum bréf til áminningar um að lausafjármunir án stöðuleyfa verði fjarlægðir á kostnað eiganda sbr. heimildir í gr. 2.6.2 í byggingarreglugerð nr. 112/2012 ef ekki verði brugðist við. Nefndin samþykkti einnig, fyrir sitt leyti, að breyta reglum um stöðuleyfi lausafjármuna í Fjarðabyggð í samræmi við framlagða tillögu. Bæjarráð samþykkir breytingar á reglum um stöðuleyfi lausafjármuna, fyrir sitt leyti, og vísar þeim til samþykktar bæjarstjórnar. Bæjarstjóra falið að fara yfir útfærslu breytinga gagnvart leyfishöfum.

Bréf atvinnu- og þróunarstjóra er varðar sérstök skilyrði vegna byggðakvóta fiskveiðiárið 2017/2018. Endurskoða þarf breytingar sem bæjarráð lagði til við bæjarstjórn vegna breyttra forsendna frá ráðuneyti. Í ljósi nýrra upplýsinga frá ráðuneyti leggur bæjarráð til við bæjarstjórn að reglurnar verði staðfestar, eins og lagt var upp með í byrjun. Jafnframt er atvinnu- og þróunarstjóra falið að setja sig í samband við Byggðastofnun vegna sérstakra aðstæðna sem uppi eru í Mjóafirði. Leggja málið að nýju fyrir bæjarráð þegar niðurstaða liggur fyrir.

Fjármálastjóri sat þennan lið fundarins. Lögð fram tillaga fjármálastjóra að fjármögnun á uppgjöri skuldbindinga Fjarðabyggðar gagnvart A-deild Brúar, lífeyrissjóðs starfsmanna sveitarfélaga. Bæjarráð samþykkir tillögu fjármálastjóra og felur honum að óska eftir lántöku frá LSR vegna lífeyrisaukasjóðs og lán vegna varúðarsjóðs verði tekið hjá Brú. Jafnframt að leggja endanlega tillögu vegna lántöku fyrir bæjarráð, þegar niðurstaða liggur fyrir.

Fjármálastjóri sat þennan lið fundarins. Farið yfir söluferli Bleiksárhlíðar 56 á Eskifirði og samráð um ferlið við Fjármála- og efnahagsráðuneytið. Fjármálastjóra falið að koma nýju sölumati fasteignasala á framfæri við ráðuneytið og auglýsa fasteignina að nýju.

Lögð fram drög að samningi vegna Eistnaflugs 2018. Bæjarráð samþykkir samning fyrir sitt leyti og felur bæjarstjóra undirritun hans. Jafnframt er samningi visað til kynningar og umræðu í menningar- og safnanefnd.

Framlagt bréf Hljóðkerfaleigunnar ehf. þar sem óskað er eftir afnotum af íþróttahúsinu í Neskaupstað 26. til 28. janúar nk. Bæjarráð samþykkir afnot með sama hætti og á síðasta ári. Íþrótta- og tómstundafulltrúa falið að vera í samskiptum við umsjónarmenn blótsins vegna afnota af húsinu.

Lagt fram minnisblað sambandsins er varðar skýrslu um hvernig hægt er að verjast spillingu í opinberum innkaupum.

Lögð fram lóðarumsókn Fjarðanets hf, dagsett 12. janúar 2018, þar sem sótt er um lóðina Landanaust 3 á Norðfirði undir atvinnuhúsnæði. Eigna-, skipulags- og umhverfisnefnd hefur samþykkt, fyrir sitt leyti, að úthluta lóðinni að Landanausti 3 og vísar umsókninni til Hafnarstjórnar til umfjöllunar og bæjarráðs til endanlegrar afgreiðslu.
Erindið var tekið fyrir í hafnarstjórn 16.janúar og vísað til bæjarráðs til endanlegrar afgreiðslu. Bæjarráð samþykkir úthlutun lóðar.

Vísað til bæjarráðs frá fundi bæjarstjórnar og ungmennaráðs 11.janúar 2018. Í bréfinu er m.a. fjallað um fjármagn til ungmennaráðs. Bæjarráð þakkar erindið og felur bæjarritara og forseta bæjarstjórnar að skoða málið nánar.

Fundargerð eigna- skipulags- og umhverfisnefndar, nr. 195 frá 15.janúar 2018, lögð fram til kynningar.

Fundargerð fræðslunefndar, nr. 50 frá 17.janúar 2018, lögð fram til kynningar.

Fundargerð hafnarstjórnar, nr. 189 frá 16.janúar 2018, lögð fram til kynningar.

Fundargerð félagsmálanefndar, nr. 104 frá 16.janúar 2018, lögð fram til kynningar.

Fundargerð íþrótta- og tómstundanefndar, nr. 44 frá 18.janúar 2018, lögð fram til kynningar.