Bæjarráð

Framlagt minnisblað Sambands íslenskra sveitarfélaga um kostnað sveitarfélaga af innleiðingu á nýjum lögum um persónuvernd.

Framlagður tölvupóstur frá Sambandi íslenskra sveitarfélaga um kosningavitann sem er aðlögun upplýsingavefsins "ég kýs" að sveitarstjórnarstiginu. Kostnaður nemur 500.000 kr.
Bæjarráð tekur ekki þátt í kosningavitanum vegna sveitarstjórnakosninga 2018 sökum kostnaðar.

Vísað frá eigna- skipulags- og umhverfisnefnd til afgreiðslu bæjarráðs drögum að samningi við Landmerki ehf. og Fjallmann-solution ehf. á rekstri fimm tjaldsvæða í Fjarðabyggð.
Bæjarráð samþykkir samninginn og felur bæjarstjóra undirritun hans.

Framlagður ársreikningur Eignarhaldsfélagsins Hrauns ehf. fyrir árið 2017.
Bæjarráð samþykkir ársreikning og staðfestir hann með áritun sinni.

Framlagður ársreikningur Hitaveitu Fjarðabyggðar fyrir árið 2017.
Bæjarráð samþykkir ársreikning og staðfestir hann með áritun sinni.

Framlagður ársreikningur Rafveitu Reyðarfjarðar fyrir árið 2017.
Bæjarráð samþykkir ársreikning og staðfestir hann með áritun sinni.

Lagt fram til kynningar svar fjármálastjóra við fyrirspurn um kostnað sveitarfélagsins við þjónustu við olíuleit.

Framlögð fyrirspurn Agnars Bóassonar er varðar urðun á plasti og sorpi á árunum 2017 og 2018.
Bæjarráð þakkar bréfi og vísar fyrirspurn til sviðsstjóra framkvæmda- og umhverfissviðs. Tekið fyrir í bæjarráði að nýju þegar svar við fyrirspurn liggi fyrir. Vísað til kynningar í eigna-, skipulags- og umhverfisnefnd.

Vísað frá eigna-, skipulags- og umhverfisnefnd til afgreiðslu matsgerðum vegna uppkaupa á húseignum að Kirkjustíg 3B og 7 á Eskifirði í tengslum við ofanflóðavarna í Lambeyrará. Matsgerðir unnar af Hilmari Gunnlaugssyni lögmanni og Níelsi Indriðasyni verkfræðingi.
Bæjarráð samþykkir að óska eftir því við Ofanflóðasjóð að eignir verði keyptar upp sem hluti að ofanflóðaframkvæmdum við Lambeyrará.

Framlögð umsókn Listasmiðju Norðfjarðar um styrkveitingu til greiðslu fasteiganskatts árið 2018 vegna Þiljuvalla 11 í Neskaupstað, sbr. 4. gr. reglna um styrkveitingar til greiðslu fasteignaskatts. Styrkbeiðni er að fjárhæð kr. 329.010,-.
Bæjarráð samþykkir að veita Listasmiðju Norðfjarðar styrk til greiðslu fasteignaskatts árið 2018. Samþykkt á grundvelli 4. gr. reglna Fjarðabyggðar um styrkveitingar til greiðslu fasteignagjalda.

Framlögð drög leigusamnings um aðstöðu Menningarstofu Fjarðabyggðar í Þórsmörk í Neskaupstað ásamt drögum að yfirlýsingu.
Bæjarráð samþykkir leigusamning og yfirlýsingu og felur bæjarstjóra undirritun samnings.

Framlagt til kynningar erindi Umboðsmanns Alþingis þar sem óskað er eftir upplýsinga um þau stjórnunarstörf sem sveitarfélagið hefur ráðið í á árunum 2015, 2016 og 2017. Um er að ræða frumkvæðisathugun Umboðsmanns.
Bæjarráð felur bæjarritara að svara erindi Umboðsmanns Alþingis.

Framlagt til umsagnar frumvarp til laga um jafna meðferð á vinnumarkaði. Umsögn berist eigi síðar en 13. apríl.

Framlagt til umsagnar frumvarp til laga um lögheimili og aðsetur, 345. mál. Umsagnarfrestur er til 12. apríl nk.
Bæjarráð vísar til fyrri umsagnar um frumvarpið.

Framlagt til kynningar fundarboð Samtaka sjávarútvegsfélaga þar sem haldinn er opinn fundur um fiskeldisstefnu samtakanna föstudaginn 27. apríl nk. í Íslenska sjávarklasanum kl. 13:00.
Bæjarstjóri ásamt fulltrúum bæjarráðs munu sækja ráðstefnu. Vísað til hafnarstjórnar og eigna-, skipulags og umhverfisnefndar til kynningar.

Framlög til kynningar fundargerð stjórnar Náttúrustofu Austurlands frá 27. mars 2018. 1. fundurstjórnar á árinu 2018.

Lögð fram til kynningar fundargerð stjórnar Sambands íslenskra sveitarfélaga nr. 858 frá 23.mars sl.

Fundargerð menningar- og safnanefndar frá 27. mars framlögð til kynningar

Fundargerð eigna-, skipulags- og umhverfisnefndar frá 3. apríl lögð fram til kynningar.

Fundargerð hafnarstjórnar frá 4. apríl s.l. lögð fram til kynningar.

Framlögð til kynningar fundargerð stjórnar til undirbúnings sameiningar sveitarfélaganna.