Bæjarráð

Framlagður viðauki 2 við fjárhagsáætlun Fjarðabyggðar fyrir árið 2018 í samræmi við samþykkt bæjarráðs 23. apríl 2018 um kaup á hesthúsi að Símonartúni á Eskifirði.
Bæjarráð samþykkir viðaukann fyrir sitt leyti og vísar honum til staðfestingar bæjarstjórnar. Jafnframt vísað til stjórnar til undirbúnings sameiningar sveitarfélaganna.

Framlögð drög að svörum við fyrirspurn Agnars Bóassonar um endurvinnslu á úrgangi.
Bæjarráð felur sviðsstjóra framkvæmda- og umhverfissviðs að svara fyrirspurn.

Framlög úttektarskýrsla Mannvirkjastofnunar dagsett 18. apríl 2018 ásamt og minnisblað slökkviliðsstjóra.
Bæjarráð vísar til slökkviliðsstjóra úrvinnslu athugasemda þeirra sem koma fram í úttektarskýrslu Mannvirkjastofnunar.

Framlagt frumvarp til laga um breytingu á ýmsum lagaákvæðum sem tengjast fiskeldi (lögleiðing áhættumats erfðablöndunar, úthlutun eldissvæða með auglýsingu, opinber birting upplýsinga, stjórnvaldssektir o.fl.), breyting á lögum 71/2008.
Bæjarráð tekur undir umsögn Sambands íslenskra sveitarfélaga.

Framlagt bréf Liðsemdar ehf. þar sem óskað er eftir aðgengi að líkhúsi Fjarðabyggðar á Eskifirði vegna fyrirhugaðrar stofnunar útfararþjónustu.
Bæjarráð samþykkir afnotin af húsinu og felur sviðsstjóra framkvæmda- og umhverfissviðs að gera samning um afnotin.

Framlagt minnisblað fjármálastjóra um uppfærslu á fjárhagsupplýsingakerfi Fjarðabyggðar.
Bæjarráð samþykkir fyrir sitt leyti tillögu fjármálastjóra að uppfærslu kerfisins og vísar erindi til kynningar í stjórn til undirbúnings sameiningar sveitarfélaganna.

Vísað frá íþrótta- og tómstundanefnd til staðfestingar bæjarráðs drögum að samningi við Karatedeild Þróttar vegna rekstrar- og uppbyggingarsamnings fyrir árið 2018 vegna aðstöðu deildarinnar í Nesgötu 7a í Neskaupstað.
Bæjarráð staðfestir samninginn og felur bæjarstjóra undirritun hans.

Vísað frá íþrótta- og tómstundanefnd til staðfestingar bæjarráðs drögum að samningi við Lyftingarfélag Austurlands vegna rekstrar- og uppbyggingarsamnings fyrir árið 2018 vegna aðstöðu deildarinnar í Nesgötu 7a í Neskaupstað.
Bæjarráð samþykkir samninginn og felur bæjarstjóra undirritun hans.

Framlagður til kynningar tölvupóstur Sambands íslenskra sveitarfélaga um framlög jöfnunarsjóðs til innleiðingar persónuverndarlaga.

Framlögð til kynningar tillaga til þingsályktunar um stefnumótandi byggðaáætlun 2018 - 2024, 480. mál. Umsagnarfrestur er til 4. maí nk.

Framlagt til kynningar frumvarp til laga um Póst- og fjarskiptastofnun o.fl. (gjaldtaka fyrir tíðnir og alþjónusta), 454. mál. Umsagnafrestur er til 4. maí nk.

Framlögð til kynningar tillaga til þingsályktunar um stefnumarkandi landsáætlun um uppbyggingu innviða til verndar náttúru og menningarsögulegum minjum 2018 - 2029

Framlagt til kynningar frumvarp til laga um skipulag haf- og strandsvæða, 425. mál. Umsagnarfrestur er til 4. maí nk.

Framlagt til kynningar frumvarp til laga um mat á umhverfisáhrifum (EESreglur, stjórnvaldssektir o.fl.), 467. mál.

Lögð fram til kynningar gögn vegna aðalfundar Sparisjóðs Austurlands sem haldinn var í vikunni.

Framlögð til kynningar fundargerð framkvæmdastjórnar Skólaskrifstofu Austurlands frá 18.apríl sl.

Framlögð til kynningar fundargerð stjórnar Samtaka sjávarútvegssveitarfélaga nr. 44 auk endanlegrar stefnu og aðgerðaáætlunar í fiskeldi.

Framlagt bréf Fylkis ehf. um stöðu uppbyggingar fasteigna að Skólaveg 98 - 112.

Bæjarráð Fjarðabyggðar samþykkir í tengslum við átak heilbrigðisráðherra um fjölgun hjúkrunarrýma á landinu að fela bæjarstjóra að rita bréf til ráðuneytisins þar sem farið er framá að Fjarðabyggð verði úthlutað rýmum til uppbyggingar hjúkrunarheimilis á Norðfirði. Jafnframt að óska eftir að Fjarðabyggð fái úthlutað rýmum til breytinga fyrir Uppsali á Fáskrúðsfirði. Fjarðabyggð hefur um langt skeið átt í viðræðum við ráðuneytið um þá brýnu þörf sem er fyrir uppbyggingu hjúkrunarheimilis á Norðfirði sbr. fyrri bókanir bæjarráðs. Við það ástand verður ekki unað lengur og því óskar Fjarðabyggð eftir því að fá úthlutað óráðstöfuðum hjúkrunarrýmum sem eru til ráðstöfunar.

Bæjarráð Fjarðabyggðar fagnar fjögurra milljarða aukaframlagi ríkisstjórnarinnar til viðhalds vega á landinu. Telur bæjarráð einsýnt að í þessari fjárveitingu komi til framlag til viðhalds Suðurfjarðarvegar sem löngu er orðið tímabært. Með aukinni umferð hefur ástand Suðurfjarðarvegar versnað til mikilla muna og því er brýnt að farið verði í framkvæmdir nú þegar. Enda gegnir Suðurfjarðarvegur því hlutverki að tengja saman hverfi sveitarfélagsins og er íbúum okkar nauðsynlegt til að sækja vinnu og þjónustu þvert á Fjarðabyggð.

Bæjarstjórn samþykkti að bæjarráði sem stjórnkerfisnefnd sveitarfélagsins taki til starfa á fundi sínum 26. apríl sl.
Greinargerð og tillaga bæjarráðs sem merkt er trúnaðarmál vísað til afgreiðslu bæjarstjórnar.

Fundargerð eigna- skipulags- og umhverfisnefndar, nr. 202 frá 24.apríl 2018, lögð fram til kynningar.

Fundargerð barnaverndarnefndar, nr. 83 frá 26.apríl 2018, lögð fram til kynningar.

Framlögð til kynningar fundargerð stjórnar til undirbúnings sameiningar sveitarfélaganna nr. 2. frá 11. apríl sl.