Bæjarráð

Framlögð greiðsluáætlun framlaga frá Jöfnunarsjóði sveitarfélaga vegna sameiningar sveitarfélaganna.

Menningar- og nýsköpunarnefnd vísaði til bæjarráðs vinnureglum um úthlutun menningarstyrkja til yfirferðar og samþykktar í sameinuðu sveitarfélagi.
Bæjarráð samþykkir reglurnar og vísar þeim til staðfestingar bæjarstjórnar.

Framlagt erindi frá stjórn Salthúsmarkaðarins á Stöðvarfirði sem varðar fyrirhugaðar framkvæmdir við Samkomuhúsið á Stöðvarfirði.
Bæjarráð þakkar erindið en framkvæmdir hefjast þegar starfsemi markaðarins hefur lokað. Sviðsstjóra framkvæmda- og umhverfissviðs falið að ræða við bréfritara.

Framlögð tillaga bæjarstjóra þess efnis að almannavarnanefndir Suður, og Norður-Múlasýslu verði sameinaðar í eina almannavarnanefnd í umdæmi lögreglustjórans á Austurlandi.
Bæjarráð samþykkir tillöguna fyrir sitt leyti og vísar henni til staðfestingu bæjarstjórnar.

Framlagt fundarboð ársfundar Samtaka sveitarfélaga á köldum svæðum verður haldinn föstudaginn 12. október nk. kl. 12:15 á Hilton Reykjavík Nordica.
Bæjarráð felur Eydísi Ásbjörnsdóttur að fara með umboð Fjarðabyggðar á fundinum.

Framlagt aðalfundarboð Samtaka sjávarútvegssveitarfélaga sem haldinn verður á Hilton Reykjavík Nordica kl. 12:15 Bæjarráð felur Karli Óttari Péturssyni bæjarstjóra að fara með umboð Fjarðabyggðar á fundinum.

Framlag aðalfundarboð Samtaka orkusveitarfélaga sem haldinn verður miðvikudaginn 10. október nk. kl 15:00 á Hótel Nordica.
Bæjarráð felur Karli Óttari Péturssyni bæjarstjóra að fara með umboð Fjarðabyggðar á fundinum

Framlagt fundarboð ársfundar Jöfnunarsjóðs sveitarfélaga 10. október 2018 á Hilton Nordica Reykjavík kl. 16:00. Bæjarráð felur Karli Óttari Péturssyni bæjarstjóra að fara með umboð Fjarðabyggðar á fundinum.

Vegna ábendinga er beint til eigna-, skipulags- og umhverfisnefndar að ítreka við Rarik að án tafar verði farið í vinnu við að skipta út perum í gatnalýsingu í ljósastaurum í sveitarfélaginu að undanskildum Reyðarfirði þar sem Rafveita Reyðarfjarðar sér um peruskipti.
Jafnframt leggur bæjarráð til við eigna-, skipulags- og umhverfisnefnd að fara í alvarlega skoðun á "LED" lýsingu gatnakerfisins í sveitarfélaginu.

Bæjarráð felur bæjarstjóra og slökkviliðsstjóra að hefja viðræður við Alcoa Fjarðaál vegna hugsanlegrar æfingaraðstöðu slökkviliðsins á Haga.

Rætt um háskólasetur á Austurlandi

Fundargerð félagsmálanefndar nr. 114 frá 27. september 2018 lögð fram til umfjöllunar.

Fundargerð fræðslunefndar nr. 60 frá 25. september 2018 lögð fram til umfjöllunar.

Fundargerð íþrótta- og tómstundanefndar nr. 52 frá 25. september lögð fram til umfjöllunar.

Fundargerð Barnaverndar nr. 89 frá 24. september lögð fram til umfjöllunar.

Fundargerð menningar- og nýsköpunarnefndar nr.4 frá 24. september lögð fram til kynningar.

Fundargerð safnanefndar frá 11. september 2018 lögð fram til umfjöllunar.