Bæjarráð

Umræða um stjórnkerfi og skipulag sveitarfélagsins.
Stjórnkerfisnefnd leggur til við bæjarstjórn að veitusvið Fjarðabyggðar verði fellt niður í skipuriti og fellt undir framkvæmda- og umhverfissvið og nafni sviðsins breytt í framkvæmdasvið, yfirstjórn hjúkrunarheimila flytjist frá félagsmálastjóra til fjármálastjóra og starf umhverfisstjóra færist frá framkvæmda- og umhverfissviði til skipulags- og byggingarmála. Jafnframt mun stjórnkerfisnefnd starfa áfram.
Vísað til staðfestingar bæjarstjórnar.

Forsendur fjáhagsáætlunar 2019 ræddar eftir samtöl við nefndarformenn, sviðsstjóra og forstöðumenn. Fjármálastjóri gerði nánari grein fyrir vinnu við fjárhagsáætlun á fundinum.
Vísað til áframhaldandi vinnu við fjárhagsáætlun 2019.

Sala íbúða í Breiðdal. Fyrir liggur tilboð í Sólvelli 8b á Breiðdalsvík. Tilboðsfrestur er til kl. 23:50 þann 15. október 2018.
Bæjarráð samþykkir að fela fjármálastjóra að gera gagntilboð vegna sölu á eigninni.

Farið yfir starfs- og fjárhagsáætlun og áherslur í rekstri málaflokka atvinnumála og sameiginlegs kostnaðar, fyrir árið 2019.
Vísað til áframhaldandi vinnu við fjárhagsáætlun 2019.
Starfsáætlun atvinnumála er vísað til menningar- og nýsköpunarnefndar.

Vísað frá eigna-, skipulags- og umhverfisnefnd til afgreiðslu bæjarráðs umferðarsamþykkt fyrir sameinað sveitarfélag.
Bæjarráð vísar umferðarsamþykkt til fyrri umræðu í bæjarstjórn.

Umræður um uppsetningu og rekstur rafhleðslustöðvar í Fjarðabyggð.
Bæjarráð felur sviðsstjóra framkvæmda- og umhverfissviðs að fylgja eftir verkefni og fara yfir stöðu þess.

Fulltrúi Sjálfstæðisflokksins leggur til að skoðað verði sem fyrst að sveitarfélagið selji eða losi eignarhald sitt á væntanlegum hleðslustöðvum enda á sveitarfélagið ekki að vera í samkeppnisrekstri við fyrirtæki á svæðinu.

Breyting á reglum vinnuskóla Fjarðabyggðar lagðar fram til samþykktar en eigna-, skipulags- og umhverfisnefnd hefur samþykkt breytingu á 4. grein reglnanna, er varðar bann við notkun tóbaks, rafretta og vímuefna á vinnutíma vinnuskólans.
Vísað til staðfestingar bæjarstjórnar.

Framlagt aðalfundarboð Heilbrigðiseftirlits Austurlands en fundurinn verður haldinn á Egilsstöðum 24. október nk. kl 13:30
Bæjarráð samþykkir að fela Karli Óttari Péturssyni að fara með umboð Fjarðabyggðar á aðalfundi. Jafnframt samþykkir bæjarráð að tilnefna Jón Björn Hákonarson sem aðalmann í stjórn Heilbrigðiseftirlits Austurlands og Hjördísi Helgu Seljan Þóroddsdóttur sem varamann hans. Þá er Kristín Ágústsdóttir tilnefnd sem aðalfulltrúi og Helga Hrönn Melsteð sem varafulltrúi fyrir hönd náttúruverndarnefnda.

Byggðastofnun, Samband íslenskra sveitarfélaga, Samtök sveitarfélaga á Vesturlandi og Stykkishólmsbær, standa fyrir ráðstefnu um byggðaþróun og umhverfismál - hvernig getur blómleg byggð og náttúruvernd farið saman - dagana 16. og 17. október 2018 á Fosshóteli Stykkishólmi.
Bæjarráð samþykkir að fulltrúi Fjarðabyggðar á ráðstefnunni verði atvinnu- og þróunarstjóri.

Fundargerð eigna- skipulags- og umhverfisnefndar, nr. 216 frá 8.október 2018, lögð fram til kynningar.

Fundargerð fræðslunefndar, nr. 61 frá 9.október 2018, lögð fram til kynningar.

Fundargerð menningar- og nýsköpunarnefndar, nr. 5 frá 8.október 2018, lögð fram til kynningar.

Fundargerð íþrótta- og tómstundanefndar, nr. 53 frá 9.október 2018, lögð fram til kynningar.

Fundargerð félagsmálanefndar, nr. 115 frá 9.október 2018, lögð fram til kynningar.

Fundargerð framkvæmdaráðs hjúkrunarheimilanna, nr. 7 frá 8.október 2018, lögð fram til kynningar.

Fundargerð barnarverndarnefndar, nr. 90 frá 8.október 2018, lögð fram til kynningar.