Bæjarráð

Fjárhagsáætlun 2019, þriggja ára áætlun 2020 - 2002 og starfsáætlun 2019, lagðar fram fyrir síðari umræðu í bæjarstjórn. Bæjarráð vísar fjárhagsáætlun 2019, þriggja ára áætlun 2020 - 2022 og starfsáætlun 2019 til síðari umræðu í bæjarstjórn.

Lagt er til að álagningarhlutfall útsvars verði hámarksútsvar, þ.e. 14,52% af útsvarsstofni í Fjarðabyggð. Tillaga þessi er í samræmi við 24.gr. laga um tekjustofna sveitarfélaga nr. 4/1995. Bæjarráð vísar ákvörðun um álagningarhlutfall útsvars til staðfestingar bæjarstjórnar.

Framlögð tillaga að álagningu fasteignagjalda á árinu 2019 ásamt tillögu að reglum um afslátt af fasteignaskatti til elli- og örorkulífeyrisþega á árinu 2019. Jafnframt lagt fram minnisblað fjármálastjóra um tillögu. Vísað til samþykktar í bæjarstjórn.

Íþrótta- og tómstundanefnd hefur samþykkt, fyrir sitt leyti, gjaldskrá fyrir líkamsræktarstöðvar vegna 2019 og vísar afgreiðslu til bæjarráðs. Bæjarráð samþykkir gjaldskrá fyrir líkamsræktarstöðvar á Eskifirði, Norðfirði og Reyðarfirði og jafnframt gjaldskrá fyrir líkamsrækt í Breiðdal.

Á fundi hafnarstjórnar Fjarðabyggðar 12. nóvember 2018 var gjaldskrá Fjarðabyggðarhafna fyrir árið 2019 samþykkt og vísað til staðfestingar í bæjarráði. Bæjarráð samþykkir gjaldskrá fyrir Fjarðabyggðarhafnir fyrir árið 2019.

Eigna- skipulags- og umhverfisnefnd hefur samþykkt, fyrir sitt leyti, gjaldskrá fyrir meðhöndlun úrgangs árið 2019 og vísar afgreiðslu til bæjarráðs. Heilt yfir hækkar gjaldskráin um 2,9% en 10% hækkun er á förgunargjöldum á blönduðum úrgangi og grófum úrgangi. Klippikort hækka um 15% en hver fjölskylda fær áfram eitt gjaldfrjálst klippikort á ári. Bæjarráð samþykkir gjaldskrá fyrir meðhöndlun úrgangs.

Framlögð til kynningar útboðslýsing vegna útboðs vátrygginga Fjarðabyggðar. Bæjarráð samþykkir útboðslýsingu, felur fjármálastjóra að auglýsa eftir tilboðum í vátryggingar Fjarðabyggðar og vinna málið áfram.

Lagt fram sem trúnaðarmál drög að samkomulagi Fjarðabyggðar og Ríkissjóðs, um fyrirhugaða sölu á húsnæði fyrrum grunnskóla við Kirkjumel í Norðfjarðarsveit. Bæjarráð vísar málinu til fjármálastjóra og sviðsstjóra framkvæmdasviðs til úrvinnslu.

Rætt um drög að samkomulagi vegna sölu á eignarhlut ríkisins í Bleiksárhlíð 56 Eskifirði - Gömlu Hulduhlíð. Bæjarstjóra falið að vinna málið áfram.

Fundargerð aðalfundur Héraðsskjalasafns Austfirðinga frá 19.nóvember 2018, lögð fram til kynningar.

Bréf Austurbrúar frá 14.nóvember er varðar framtíð flugvallarverkefnisins og fjármögnun þess. Lagt fram til kynningar og tekið fyrir á næsta fundi þegar framkvæmdastjóri Austurbrúar kemur inn á fund bæjarráðs.

Lagðar fram tillögur á vinnslustigi að breytingum á aðalskipulagi Seyðisfjarðarkaupstaðar og deiliskipulagi í Lönguhlíð til umsagnar. Óskað er eftir að umsagnir berist fyrir 10. desember nk. Vísað til eigna- skipulags- og umhverfisnefndar til afgreiðslu.

Framlagt minnisblað um umsóknir til Fjarskiptasjóðs vegna verkefnsins "Ísland ljóstengt". Umsóknarfrestur í a-hluta umsóknarferilsins var 23. nóvember sl.

Óskar Þór Guðmundsson lögreglumaður sat þennan lið fundarins og ræddi eftirlitsmyndavélar í sveitarfélaginu. Óskar mun taka saman minnisblað fyrir bæjarráð.

Lögð fram framkvæmdaáætlun umhverfisstjóra vegna hreinsunar í hverfum bæjarins, með sérstaka áherslu á bílhræ.

Fundargerð eigna- skipulags- og umhverfisnefndar, nr. 220 frá 19.nóvember 2018, lögð fram til umfjöllunar.