Bæjarráð

Lagt fram yfirlit um rekstur málaflokka, launakostnað og framkvæmdir á árinu 2018 auk deildayfirlit fyrir málaflokka 02 - 27 á árinu 2018.

Lögð fram til kynningar ályktun félagsfundar Samtaka fyrirtækja í velferðarþjónustu og bréf Sambands íslenskra sveitarfélaga um stöðu viðræðna við Sjúkratryggingar Íslands og Heilbrigðisráðuneytið um þjónustu og gjaldskrá hjúkrunarheimila. Málið hefur þegar verið kynnt í framkvæmdaráði hjúkrunarheimila og félagsmálanefnd. Bæjarráð lýsir yfir áhyggjum af stöðu viðræðna við ríkisvaldið um rekstur hjúkrunarheimilanna og framtíð þeirra.

Fyrir liggur beiðni frá Margréti Bjarnadóttur um að fá leigt skrifstofurými í Íþróttamiðstöð Eskififjarðar fyrir nuddstofu. Bæjarráð er sammála um að leigja aðstöðu og felur íþrótta- og tómstundafulltrúa að ganga frá samningi.

Lagt fram minnisblað sviðsstjóra framkvæmdasviðs er varðar fyrirkomulag snjómoksturs og garðsláttar fyrir eldri borgara og öryrkja. Bæjarráð vísar málinu til félagsmálastjóra og sviðsstjóra framkvæmdasviðs, með ósk um að útbúnar verði nánari reglur og gjaldskrá. Málinu er jafnframt vísað til félagsmálanefndar.

Óskað er eftir tilnefningum í stjórn Lánasjóðs sveitarfélaga fyrir kl. 12:00 mánudaginn 4.mars nk. Lagt fram til kynningar.

Fyrirspurn Öryrkjabandalags Íslands er varðar notendaráð fatlaðs fólks. Óskað er svara innan tveggja vikna. Vísað til félagsmálastjóra til afgreiðslu og til umfjöllunar í félagsmálanefnd.

Vísað til bæjarráðs frá hafnarstjórn. Erindi hefur borist frá skiptastjóra Sjóstangar ehf. varðandi sokkna eikarbátinn Sögu SU606 sem stendur Fjarðabyggð til boða til eignar, vegna skuldar þrotabúsins við Breiðdalsvíkurhöfn. Hafnarstjórn hefur afþakkað boðið og vísar málinu til bæjarráðs til staðfestingar. Bæjarráð staðfestir ákvörðun hafnarstjórnar.

Tillögur ráðuneytis um auglýsingu vegna byggðakvóta Fjarðabyggðar fiskveiðiárið 2018 - 2019. Stuðst er við úthlutun fyrri ára og munu sömu sérrreglur gilda og frá fyrra fiskveiðiári.
Bæjarráð samþykkir tillögu ráðuneytis og felur atvinnu- og þróunarstjóra að senda tillögu um sérreglur til atvinnu- og nýsköpunarráðuneytis.

Lagt fram sem trúnaðarmál.

Samgöngu- og sveitarstjórnarráðuneytið kynnir til samráðs. Umsagnarfrestur er til og með 7.mars. Atvinnu- og þróunarstjóra falið að yfirfara málið og gefa umsögn ef þörf er á.

Fundargerð eigna- skipulags- og umhverfisnefndar, nr. 225 frá 11.febrúar 2019, lögð fram til umfjöllunar.

Fundargerð hafnarstjórnar, nr. 212 frá 11.febrúar 2019, lögð fram til umfjöllunar.

Fundargerð fræðslunefndar, nr. 66 frá 13.febrúar 2019, lögð fram til umfjöllunar.

Fundargerð barnaverndarnefndar nr. 95 frá 15.febrúar 2019, lögð fram til umfjöllunar.