Bæjarráð

Farið yfir stöðu vinnslu ársreiknings Fjarðabyggðar og stofnana fyrir árið 2018.

Rætt um fyrirkomulag sumaropnunar leikskóla í Fjarðabyggð.

Framlagður kaupsamningar vegna kaupa á eignarhlut á 1. og 2.hæð Egilsbrautar 1, fastanúmer 222-2487. Um er að ræða makaskipti á eigninni Miðstræti 1, fastanúmer 216-6326.
Bæjarráð samþykkir kaup á eigninni.
Fjármögnun vísað til gerðar viðauka við fjárhagsáætlun ársins 2019 þegar endanlegur kostnaður liggur fyrir vegna sölu annarra eigna.

Framlagt bréf Skógræktarfélags Neskaupstaðar frá 13.mars, er varðar beiðni um samstarf við uppbyggingu á útivistarsvæði á Norðfirði.
Bæjarráð líst vel á erindið og felur bæjarstjóra vinnslu þess og ræða við stjórn Skógræktarfélags Neskaupstaðar. Jafnframt er erindi vísað til kynningar eigna-, skipulags- og umhverfisnefndar.

Vísað frá íþrótta- og tómstundanefnd til umfjöllunar bæjarráðs reglum um afnot Íþróttahússins í Breiðdal utan opnunartíma. Nefndin hefur samþykkt breytingar á reglunum fyrir sitt leyti og vísar þeim aftur til bæjarráðs. Lagt fram minnisblað íþrótta- og tómstundafulltrúa.
Bæjarráð samþykkir fyrir sitt leyti reglurnar en þær verði endurskoðaðar á næsta ári. Vísað til staðfestingar bæjarstjórnar.

Vísað frá menningar- og nýsköpunarnefnd til afgreiðslu bæjarráðs fyrirkomulagi 17. júní hátíðarhalda en nefndin er sammála tillögu í minnisblaði upplýsingafulltrúa frá 6.febrúar sl. um að hátíðahöldin færist á milli byggðakjarna. Nefndin telur rétt að í samningi bæjarins og framkvæmdaraðila hverju sinni, liggi fyrir kostnaðaráætlun hátíðarinnar og greiðslur og skyldur samningsaðila séu skilgreindar.
Bæjarráð samþykkir tillögu nefndarinnar og felur upplýsingafulltrúa eftirfylgni málsins.

Vísað frá menningar- og nýsköpunarnefnd til bæjarráðs tillögu að fyrirkomulagi tendrunar jólaljósa 2019 en nefndin er sammála um að leitað verði eftir samstarfi við leik- og grunnskóla um framkvæmd tendrunar ljósa á jólatrjánum. Nefndin fól fræðslustjóra og upplýsingafulltrúa að útfæra og framkvæma tillöguna.
Bæjarráð samþykkir tillögu nefndarinnar og felur upplýsingafulltrúa eftirfylgni og innleiðingu hennar í samstarfi með fræðslustjóra.

Bréf N4 þar sem óskað er eftir að sveitarfélagið komi að kostun þáttanna "Að austan" með sambærilegum stuðningi og verið hefur síðustu ár.
Bæjarráð samþykkir að veitt styrk að fjárhæð 1.000.000 kr. sem er sambærilegur síðasta árs og er þegar ákveðinn í fjárhagsáætlun.

Framlagt bréf Eftirlitsnefndar með fjármálum sveitarfélaga frá 18.mars 2019. Óskað er upplýsinga um hvernig sveitarfélagið stendur að eftirliti og framkvæmd með fjárfestingum, samkvæmt gildandi fjárhagsáætlun ársins 2019 ásamt viðaukum.
Vísað til gerðar reglna um fjárhagsáætlun sveitarfélagsins 2020 og til úrvinnslu fjármálastjóra.

Lögð fram tvö kauptilboð frá annars vegar Sigurði Steini Einarssyni og Guðmundi R. Gíslasyni í íbúð á 2.hæð að Nesbakka 19 í Neskaupstað.
Bæjarráð samþykkir að taka hærra kauptilboði frá Sigurði og felur bæjarstjóra frágang og undirritun samninga vegna kaupanna.

Farið yfir þróun stöðugilda hjá Heilbrigðistofnun Austurlands og önnur mál tengri þjónustu stofnunarinnar.

Lögð fram lóðarumsókn Sigmars Arnar Harðarsonar, dagsett 11. mars 2019, þar sem sótt er um lóðina við Gilsholt 2 á Fáskrúðsfirði undir íbúðarhúsnæði. Eigna-, skipulags- og umhverfisnefnd hefur samþykkt, fyrir sitt leyti, að úthluta lóðinni og vísar umsókninni til bæjarráðs til endanlegrar afgreiðslu.
Bæjarráð samþykkir úthlutun lóðarinnar.

Ársreikningur Orkusveitarfélaga 2018 lagður fram til kynningar.

Fundargerð stjórnar sambandsins frá 15.mars 2019, lögð fram til kynningar.

Atvinnuveganefnd Alþingis sendir til umsagnar frumvarp til laga um töku gjalds vegna fiskeldis í sjó og fiskeldissjóð, 710. mál. Kynnt umsögn um málið.
Bæjarráð samþykkir að veitt verði umsögn um málið og felur atvinnu- og þróunarstjóra vinnslu hennar.

Umhverfis- og samgöngunefnd Alþingis sendir til umsagnar frumvarp til laga um ráðstafanir til hagkvæmrar uppbyggingar háhraða fjarskiptaneta, 639. mál. Lögð fram umsögn bæjarritara.
Bæjarráð felur bæjarritara að skila umsögn.

Nefndasvið Alþingis óskar umsagnar um frumvarp til laga um breytingar á ýmsum lagaákvæðum sem tengjast fiskeldi (áhættumat erfðablöndunar, úthlutun eldissvæða, stjórnvaldssektir).
Bæjarráð samþykkir að veitt verði umsögn um málið og felur atvinnu- og þróunarstjóra vinnslu hennar.

Fjallað um efni fundargerðar stýrihóps en hún er trúnaðarmál.

Vísað frá eigna-, skipulags- og umhverfisnefnd til bæjarráðs endurskoðuðu erindisbréfi sem hefur verið uppfært með tilliti til skipulagsbreytinga sem bæjarstjórn staðfest1 21. febrúar sl. ásamt leiðréttingu starfsheita frá fyrri breytingum. Nefndin leggur til að við fullnaðarafgreiðslur nefndarinnar verði bætt umfjöllun um grenndarkynningu sbr. 44. gr. skipulagslaga nr.123/2010 og vegna meðmæla við stofnun lóða samkvæmt 13. gr. jarðalaga nr. 81/2004.
Bæjarráð vísar tillögum nefndarinnar til skoðunar bæjarritara.

Fundargerð eigna- skipulags- og umhverfisnefndar, nr. 228 frá 18.mars 2019, lögð fram til umfjöllunar.

Fundargerð íþrótta- og tómstundanefndar, nr. 58 frá 18.mars 2019, lögð fram til umfjöllunar.

Fundargerð menningar- og nýsköpunarnefndar, nr. 11 frá 18.mars 2019, lögð fram til umfjöllunar.

Fundargerð safnanefndar, nr. 7 frá 26.febrúar 2019, lögð fram til umfjöllunar.

Fundargerð safnanefndar, nr. 8 frá 12.mars 2019, lögð fram til umfjöllunar.