Bæjarráð

Framlögð skýrsla KPMG vegna stjórnsýsluskoðunar 2018. Um er að ræða minniháttar ábendingar.
Bæjarstjóra falið að fylgja eftir ábendingum með sviðsstjórum.

Vísað frá félagsmálanefnd til afgreiðslu bæjarráðs endurbættum drögum að reglum um garðslátt fyrir öryrkja og ellilífeyrisþega þar sem athugasemdir nefndar frá síðasta fundi eru teknar til greina.
Bæjarráð samþykkir reglurnar með breytingum og vísar þeim kynningar í félagsmálanefnd og eigna- skipulags- og umhverfisnefndar og til staðfestingar bæjarstjórnar. Jafnframt vísar bæjarráð til eigna-, skipulags- og umhverfisnefndar gerð gjaldskrár fyrir þjónustu.

Vísað frá félagsmálanefnd til afgreiðslu bæjarráðs endurbættum drögum að reglum um snjómokstur fyrir öryrkja og ellilífeyrisþega þar sem athugasemdir nefndar frá síðasta fundi eru teknar til greina.
Bæjarráð samþykkir reglurnar með breytingum og vísar þeim kynningar í félagsmálanefnd og eigna- skipulags- og umhverfisnefndar og til staðfestingar bæjarstjórnar. Jafnframt vísar bæjarráð til eigna-, skipulags- og umhverfisnefndar gerð gjaldskrár fyrir þjónustu.

Vísað frá eigna-, skipulags- og umhverfisnefnd til staðfestingar bæjarráðs lóðarumsókn Fjarðabyggðar, dagsett 2. apríl 2019, þar sem sótt er um lóðina við Leirukrók 4 á Eskifirði undir móttökustöð á sorpi.
Bæjarráð samþykkir úthlutun lóðarinnar.

Lögð er til endurskoðun á reglum um kjör kjörinna fulltrúa hjá Fjarðabyggð þar sem bætt er við reglurnar heimild til greiðslu nefndarlauna til kjörinna fulltrúa sveitarfélagsins í öldungaráði.
Bæjarrá samþykkir endurskoðaðar reglur og vísar þeim til staðfestingar bæjarstjórnar.

Framlagt sem trúnaðarmál minnisblað um ljósleiðaraverkefni Fjarðabyggðar á árinu 2019.
Máli vísað til eigna-, skipulags- og umhverfisnefndar til kynningar. Bæjarráð samþykkir að boðin verði út lagning ljósleiðara þar sem tengdir verði 32 tengistaðir í Norðfjarðarsveit og í botni Eskifjarðar ásamt reksturs ljósleiðarakerfisins. Jafnframt að hafinn verði undirbúningur að útboði sölu og reksturs ljósleiðarakerfis í Breiðdal.

Framlagt erindi Laxa frá 8. apríl er varðar samvinnu um framtíðaruppbyggingu seiðaeldis í landi Flateyrar í Reyðarfirði.
Bæjarráð samþykkir að hefja viðræður við Laxa hf. og felur bæjarstjóra að vinna málið áfram með atvinnu- og þróunarstjóra.

Framlagt minnisblað bæjarstjóra um stofnun starfshóps um almenningssamgöngur í Fjarðabyggð.
Bæjarráð samþykkir tillögu bæjarstjóra og skipar starfshóp um verkefnið. Starfshópinn skipi Karl Óttar Pétursson bæjarstjóri, Gunnar Jónsson bæjarritari, Þórður Vilberg Guðmundsson upplýsingafulltrúi, Valgeir Ægir Ingólfsson atvinnu- og þróunarstjóri auk Eydísar Ásbjörnsdóttur formanns bæjarráðs og Pálínu Margeirsdóttur formanns íþrótta- og tómstundanefndar.

Framlögð til kynningar skýrsla Ríkisendurskoðunar um samanburð milli embætta sýslumanna.

Atvinnuveganefnd Alþingis sendir til umsagnar frumvarp til laga um veitingastaði, gististaði og skemmtanahald (stjórnvaldssektir og eftirlit með gististarfsemi), 784. mál. Umsagnarfrestur er til 2. maí nk.
Vísað til umfjöllunar í eigna-, skipulags- og umhverfisnefnd. Sviðsstjóra umhverfis- og skipulagssviðs falið að yfirfara frumvarpið og skila umsögn ef þurfa þykir.

Framlagt boð á ársfundur Lífeyrissjóðsins Stapa verður haldinn miðvikudaginn 8. maí kl. 14:00 á Akureyri.

Fundargerð 10.fundar stjórnar SSA frá 12.mars 2019, lögð fram til kynningar.

Boðað er til að aðalfundar Sambands sveitarfélaga á Austurlandi 7. maí 2019 kl 10:00. á Egilsstöðum.
Fulltrúar Fjarðabyggðar sækja fundinn í samræmi við kjör þeirra.

Fundargerð íþrótta- og tómstundanefndar, nr. 59 frá 9.apríl 2019, lögð fram til umfjöllunar.

Fundargerð landbúnaðarnefndar, nr. 22 frá 4.apríl 2019, lögð fram til umfjöllunar.

Fundargerð öldungaráðs nr. 1 frá 9.apríl 2019, lögð fram til umfjöllunar.