Bæjarráð

Framlagt yfirlit yfir rekstur málaflokka og fjárfestingar janúar - júní 2019 og skatttekjur og launakostnað janúar - júlí 2019.

Lögð fram umfjöllun og tillögur fjármálastjóra um forsendur tekju- og gjaldaliða fyrir fjárhagsáætlun Fjarðabyggðar og stofnana fyrir árið 2020 og 3ja ára áætlun fyrir árin 2021 - 2023. Jafnframt fylgir þjóðhagsspá Hagstofu Íslands og bréf frá hagdeild Sambands íslenskra sveitarfélaga er varðar forsendur fyrir vinnslu fjárheimilda fyrir árið 2020.

Framlagt gagntilboð kaupanda við gagntilboði Fjarðabyggðar vegna Hrauntúns 6 á Breiðdalsvík. Fjármálstjóri leggur til að gagntilboði kaupanda verði tekið. Bæjarráð samþykkir að ganga að gagntilboði kaupanda.

Kauptilboð frá Guðmundi Péturssyni í hesthús að Símonartúni á Eskifirði. Kaupandi mun kosta niðurrif og brottflutning hússins en ekki verður um aðrar greiðslur að ræða. Sviðsstjóri framkvæmdasviðs mælir með töku tilboðsins. Bæjarráð samþykkir kauptilboð og felur fjármálastjóra að ganga frá samkomulagi við kaupanda um að gengið verði vel frá svæðinu af hans hálfu.

Framlagt minnisblað um framkvæmd sundkennslu á Reyðarfirði og ástand sundlaugar íþróttahússins. Bæjarráð felur framkvæmdasviði að fá fagaðila til að greina betur raunkostnað og framkvæmd við viðgerð á sundlaug íþróttahússins á Reyðarfirði. Jafnframt er fræðslustjóra, í samráði við skólastjórnendur, falið að finna lausn á sundkennslu fyrir nemendur í Grunnskóla Reyðarfjarðar, ef ekki tekst að koma sundlauginni í nothæft ástand á komandi haustönn 2019.

Atvinnu- og þróunarstjóri, íþrótta- og tómstundafulltrúi og sviðsstjóri framkvæmdasviðs hafa forgangsraðað verkefnum og metið kostnað framkvæmdaliða vegna endurbóta á skíðasvæðinu í Oddsskarði. Bæjarráð staðfestir forgangsröðun eins og hún er sett fram í minnisblaði og felur sviðsstjóra framkvæmdasviðs að halda utan um verkefnið og kostnað vegna þess. Vísað til kynningar í íþrótta- og tómstundanefnd og eigna- skipulags- og umhverfisnefnd.

Samgöngu- og sveitarstjórnarráðuneytið kynnir til samráðs mál nr. 206/2019 - Tillaga til þingsályktunar um stefnumótandi áætlun ríkisins í málefnum sveitarfélaga. Umsagnarfrestur er til og með 10.september.

Fundargerð eigna- skipulags- og umhverfisnefndar nr. 239 lögð fram til umfjöllunar.