Bæjarráð

Farið yfir drög að rammaúthlutun vegna fjárhagsáætlunar fyrir árið 2020.
Framlögð greining fjármálastjóra um sjóðsstöðu og rekstur ársins 2019.
Vísað til áframhaldandi vinnu við fjárhagsáætlunargerð 2020 og tekið fyrir á næsta fundi bæjarráðs.

Framlögð beiðni barnaverndarnefndar um 14 milljóna kr. aukið framlag til barnaverndarmála á árinu 2019 vegna aukins kostnaðar.
Bæjarráð samþykkir að veita aukið framlag til barnaverndarmála og vísar beiðninni til fjármálastjóra til gerðar viðauka við fjárhagsáætlun 2019.

Framlagt bréf Jóhönnu Lárusdóttur þar sem óskað er eftir viðræðum um kaup á Þinghólsvegi 9 í Mjóafirði.
Eignin er ekki á sölulista eigna og verður ekki seld að svo komnu máli. Bæjarstjóra falið að ræða við bréfritara um leigu eignarinnar og framtíðarnot hennar.

Starfshópur um endurskoðun fræðslu- og frístundastefnu leggur til að Fjarðabyggð taki upp kerfið Nóra. Nóri er upplýsinga-, þjónustu og innheimtukerfi fyrir íþróttafélög, félagasamtök, fyrirtæki og sveitarfélög. Fyrir liggur drög að samningi við Greiðslumiðlun ehf. o.fl. vegna samnings um Nóra kerfið. Kostnaður við kerfið rúmast innan fjárhagsáætlunar.
Bæjarráð samþykkir samninga vegna kerfisins og felur bæjarstjóra undirritun þeirra.

Minnisblað íþrótta- og tómstundafulltrúa um framkvæmd og uppgjör tilraunarverkefnisins Sumarfrístund á Reyðarfirði. Samkvæmt niðurstöðum könnunar sem send var til foreldra barna sem tóku þátt var mikil ánægja með verkefnið.
Bæjarráð fagnar því að tilraunaverkefnið hefur borið jafn góðan árangur og raun ber vitni. Minnisblaði er vísað til fjárhagsáætlunargerðar 2020 og lagt til að verkefnið, Sumarfrístund, verði útfært í öðrum bæjarkjörnum á árinu 2020.

Framlagður til kynningar tölvupóstur Sambands íslenskra sveitarfélaga um Evrópuviku svæða og borga 7.-10. október 2019.

Boð frá Gravelines á hina árlegu Íslandshátíð sem haldin verður 27. - 29. september nk.
Fulltrúar Fjarðabyggðar verða bæjarstjóri og forseti bæjarstjórnar á Íslandsdögunum.

Aðalfundur Breiðdalsseturs verður haldinn 7. september nk. Tilnefna þarf einn fulltrúa og annan til vara í stjórn setursins. Bæjarráð tilnefndir Karl Óttar Pétursson bæjarstjóra sem aðalmann og Önnu Margréti Birgisdóttur sem varamann í stjórn Breiðdalsseturs.

Fundargerð fræðslunefndar nr. 72 lögð fram til umfjöllunar.

Fundargerð félagsmálanefndar nr. 124 lögð fram til umfjöllunar.

Fundargerð barnaverndarnefndar nr. 103, 104 og 106 lagðar fram til umfjöllunar.