Bæjarráð

Umræða um málefni Rafveitu Reyðarfjarðar. Máli vísað til afgreiðslu bæjarstjórnar.

Lagt fram yfirlit yfir rekstur og fjárfestingar Fjarðabyggðar fyrir janúar - október 2019, launakostnað og skatttekjur fyrir janúar - nóvember 2019.

Framlagður viðauki nr. 6 við fjárhagsáætlun Fjarðabyggðar fyrir árið 2019. Viðaukinn er í samræmi við ýmsar samþykktir bæjarstjórnar, bæjarráðs og annarra nefnda. Viðauka nr. 6 vísað til afgreiðslu bæjarstjórnar.

Samkvæmt fjárhagsáætlun ársins 2019 var gert ráð fyrir lántöku allt að 100 m. kr. á árinu. Lagt er til að þessi lánsheimild verði nýtt. Bæjarráð samþykkir lántöku og felur fjármálastjóra afgreiðslu.

Lagt er til að kaup á Búðareyri 2 á Reyðarfirði verði að hluta fjármögnuð með lántöku hjá Sparisjóði Austurlands. Framlagt skuldabréf að fjárhæð 40,8 m.kr. til 15 ára með 6,75% vöxtum. Lánið er óverðtryggt og með fyrsta veðrétti í eigninni. Bæjarráð samþykkir lántöku. Dýrunn Pála Skaftadóttir situr hjá við afgreiðslu málsins.

Fjármálastjóri leggur fram samkomulag við Íbúðalánasjóð um flutning á eftirstöðvum láns vegna Hrauntúns 6 yfir á fasteignina Hrauntún 10, þar til samkomulag liggur fyrir um lækkun skulda Breiðdalshrepps við Íbúðalánasjóð. Bæjarráð samþykkir tillögu fjármálastjóra.

Einar Már Sigurðarson vék af fundi við afgreiðslu þessa liðar. Framlagt tilboð frá Uxavogi ehf. að upphæð 8,3 m.kr. í 3ja herbergja íbúð á fyrstu hæð í Bleiksárhlíð 2-4 á Eskfirði. Fasteignamat er 9,3 m.kr. og ásett verð 9,4 m.kr. Innréttingar og gólfefni eru mjög léleg. Fjármálastjóri og sviðsstjóri framkvæmdasviðs mæla með að tilboði verði tekið. Bæjarráð samþykkir sölu á íbúðinni.

Kauptilboð í hesthúsið á Símonartúni á Eskifirði frá Þorsteini Snorra Jónssyni að fjárhæð kr. 500.000. Bæjarráð hafnar tilboði þar sem hærra tilboð hefur borist.

Bæjarráð óskaði eftir afstöðu eigna- skipulags- og umhverfisnefndar til breytinga á deiliskipulagi svæðisins er hesthúsið við Símonartún utan Eskifjarðar, stendur á. Eigna-, skipulags- og umhverfisnefnd vísar til fyrri bókunar frá fundi nefndarinnar 11. nóvember síðastliðins er varðar Símonartún, en þar telur nefndin ekkert því til fyrirstöðu að við endurskoðun aðalskipulags verði gert ráð fyrir breyttri landnotkun við Símonartún, þannig að gert verði ráð fyrir geymslum og léttum iðnaði á svæðinu. Deiliskipulagi yrði breytt til samræmis.
Í ljósi ofangreinds samþykkir bæjarráð tilboð Gísla Hjartar Guðjónssonar í hesthúsið á Símonartúni Eskifirði að fjárhæð kr. 3.000.000. Bæjarráð felur fjármálastjóra og sviðsstjóra umhverfis- og skipulagssviðs afgreiðslu málsins.

Minnisblað slökkviliðsstjóra er varðar endurnýjun á búnaði til að bjarga fastklemmdu fólki úr bifreiðum. Bæjarráð heimilar kaup á búnaði, takist af liðnum óráðstafað.

51.sambandsþing UMFÍ sem haldið var á Laugarbakka 11. - 13, október sl., færir Fjarðabyggð og bæjarstjórn þakkir fyrir góða aðstöðu og móttökur á 9.landsmóti UMFÍ 50 , sem haldið var í Neskaupstað í sumar.

Umhverfis- og samgöngunefnd Alþingis sendir til umsagnar frumvarp til laga um breytingu á lögum um tekjustofna sveitarfélaga og sveitarstjórnarlögum (forsendur úthlutana úr Jöfnunarsjóði), 391. mál.
Umsögn þyrfti að berast eigi síðar en 9. desember. Vísað til fjármálastjóra til skoðunar.

Þjóðskjalasafn Íslands hefur sent héraðsskjalavörðum til umsagnar drög að reglum um meðferð, varðveislu og eyðingu á tölvupóstum afhendingarskyldra aðila. Frestur til að skila inn umsögn er til og með 3. janúar 2020. Vísað til stjórnsýslu- og þjónustusviðs til skoðunar.

Lagt fram bréf Náttúruverndarsamtaka Austurlands, dagsett 18. nóvember 2019, þar sem óskað er eftir styrk vegna sérstaklega mikils umfangs á 50 ára afmælisári NAUST. Eigna-, skipulags- og umhverfisnefnd hefur tekið vel í erindið og vísar því til bæjarráðs til endanlegrar afgreiðslu. Tekið fyrir að nýju í bæjarráði í upphafi nýs árs.

Framlagt erindi Krabbameinsfélags Austfjarða þar sem óskað er eftir framlagi til starfsemi félagsins. Bæjarráð fagnar öflugu starfi félagsins og vill koma að því að styrkja það með því að veita 600.000 kr. styrk á móti húsaleigu á árinu 2020. Tekist af liðnum óráðstafað.

Fundargerð eigna- skipulags- og umhverfisnefndar, nr. 248 frá 2.desember 2019, lögð fram til umfjöllunar.

Fundargerð fræðslunefndar, nr. 77 frá 4.desember 2019, lögð fram til umfjöllunar.

Fundargerð íþrótta- og tómstundanefndar, nr. 67 frá 4.desember 2019, lögð fram til umfjöllunar.