Bæjarráð

Ákvörðun um sölu Rafveitu Reyðarfjarðar í framhaldi af íbúafundi mánudaginn 16.desember. Lagðir fram tíu tölvupóstar sem borist hafa bæjarfulltrúum og bæjarskrifstofu þar sem mótmælt er fyrirhugaðri sölu Rafveitu Reyðarfjarðar. Ákvörðun um sölu Rafveitu Reyðarfjarðar vísað til bæjarstjórnar.

Lagt fram bréf Íslenskrar Orkumiðlunar frá 16.desember 2019, þar sem óskað er eftir að fá að gera tilboð í þær eignir Rafveitu Reyðarfjarðar sem ráðgert er að Orkusalan kaupi í tengslum við sölu á Rafveitunni. Bæjarráð getur ekki tekið afstöðu til erindis þessa þar sem það er komið fram eftir að söluverð til Orkusölunnar var ákveðið og birt opinberlega.

Umhverfis- og samgöngunefnd Alþingis sendir til umsagnar tillögu til þingsályktunar um fimm ára samgönguáætlun fyrir árin 2020 - 2024, 434. mál og tillögu til þingsályktunar um samgönguáætlun fyrir árin 2020 - 2034, 435. mál. Undirrituð umsögn berist eigi síðar en 10. janúar. Bæjarráð ítrekar fyrri bókun sína um samgönguáætlun.

Umhverfis- og samgöngunefnd Alþingis sendir til umsagnar tillögu til þingsályktunar um fimm ára samgönguáætlun fyrir árin 2020 - 2024, 434. mál og tillögu til þingsályktunar um samgönguáætlun fyrir árin 2020 - 2034, 435. mál. Undirrituð umsögn berist eigi síðar en 10. janúar. Bæjarráð ítrekar fyrri bókun sína um samgönguáætlun.

Lögð fram beiðni Matvælastofnunar um umsögn vegna umsóknar Laxa fiskeldis ehf á 3.000 tonna framleiðslu á lagi í Reyðarfirði. Lagt fram minnisblað atvinnu- og þróunarstjóra, umhverfisstjóra og sviðsstjóra umhverfis- og skipulagssviðs vegna beiðnar Matvælastofnunar dagsett 13. desember 2019.
Eigna-, skipulags- og umhverfisnefnd hefur samþykkt, fyrir sitt leyti, að svar Fjarðabyggðar verði byggt á niðurstöðu minnisblaðs. Bæjarráð samþykkir framlagða umsögn.

Menningar- og nýsköpunarnefnd er sammála um að framlengja ekki núgildandi samningi milli Fjarðabyggðar, SSA og Tónlistarmiðstöðvar Austurlands. Lögð fram til kynningar drög að samningi milli SSA og menningarstofu Fjarðabyggðar. Menningar- og nýsköpunarnefnd hefur samþykkt að nýr samningur verði milli Menningarstofu Fjarðabyggðar og SSA, en óskar eftir að gerðar verði smávægilegar breytingar á efni samnings og felur bæjarráði að ganga frá endanlegum samningi. Menningar- og nýsköpunarnefnd hefur jafnframt falið formanni nefndarinnar, bæjarstjóra og bæjarritara að vinna málið áfram og funda með formanni sóknarnefndar Eskifjarðarkirkju. Bæjarráð samþykkir fyrirliggjandi samning milli SSA og menningarstofu og felur bæjarstjóra undirritun hans.

Fundargerð hafnarstjórnar nr. 233 frá 9.desember 2019, lögð fram til umfjöllunar.

Fundargerð landbúnaðarnefndar nr. 25 frá 5.desember 2019, lögð fram til umfjöllunar.

Fundargerð öldungaráðs nr. 2 frá 12.desember 2019, lögð fram til umfjöllunar.

Fundargerð menningar- og nýsköpunarnefndar nr. 20 frá 16.desember 2019, lögð fram til umfjöllunar.

Fundargerð safnanefndar nr. 13 frá 27.nóvember 2019, lögð fram til umfjöllunar.

Fundargerð eigna- skipulags- og umhverfisnefndar nr. 249 frá 16.desember 2019, lögð fram til umfjöllunar.

Fundargerð barnaverndarnefndar nr. 111 frá 9.desember 2019, lögð fram til umfjöllunar.