Bæjarráð

Framlagt sem TRÚNAÐARMÁL yfirlit yfir rekstur málaflokka og framkvæmdir janúar - nóvember 2019 auk launakostnaðar og skatttekjur janúar - desember 2019.
Yfirlitið kynnt.

Framlagt minnisblað íþrótta- og tómstundafulltrúa sem trúnaðarmál um fjárhagsleg málefni Knattspyrnufélags Fjarðabyggðar.
Bæjarráð felur bæjarstjóra að vinna að málinu áfram og vísar erindi til eigna-, skipulags- og umhverfisnefndar.

Framlagt minnisblað íþrótta- og tómstundafulltrúi um gervigrasið í Fjarðabyggðarhöllinni. Fyrir liggur úttekt á Fjarðabyggðarhöllinni sem gerð var af Knattspyrnusambandi Íslands. Helstu niðurstöður eru þær að gervigrasið á leikvellinum er talið óviðunandi.
Bæjarráð vísar erindi til umfjöllunar í eigna- skipulags- og umhverfisnefnd. Erindið verður tekið að nýju fyrir í bæjarráði.

Lögð fram sem trúnaðarmál vinnustaðagreining fyrir Fjarðabyggð. Farið yfir helstu niðurstöður.

Framlagðar niðurstöður jafnlaunagreiningar fyrir sveitarfélagið. Gögn eru merkt sem trúnaðarmál. Jafnlaunagreining kynnt.

Vísað frá menningar- og nýsköpunarnefnd til afgreiðslu bæjarráðs kostnaði vegna sumaropnunar sem er ekki á fjárhagsáætlun menningarmála 2020.
Bæjarráð vísar fjármögnun vegna opnunartíma bókasafna til fjármagns sem veitt er að liðnum sumarlaun starfsmanna.

Fram lagt að nýju bréf Náttúruverndarsamtaka Austurlands, dagsett 18. nóvember 2019, þar sem óskað er eftir styrk vegna sérstaklega mikils umfangs á 50 ára afmælisári NAUST.
Bæjarráð samþykkir að styrkja Náttúruverndarsamtökin um 50.000 kr. Tekið af liðnum óráðstafað 21 690.

Boðað er til morgunverðarfundar Landsvirkjunar og greiningarfyrirtækisins CRU sem fjallar
um stöðuna á raforku- og álmörkuðum á Íslandi og erlendis.
Framlagt og kynnt en fundi er streymt af vefnum.

Framlögð drög að þremur reglugerðum um fiskeldi, fiskeldissjóð og útboði eldissvæða.
Vísað til bæjarstjóra og atvinnu- og þróunarstjóra til yfirferðar og gerðar umsagnar.

Aðgerðarhópur ráðuneytanna hefur óskað eftir upplýsingum frá landshlutasamtökum og sveitarfélögum um stöðu innviða.
Bæjarráð Fjarðabyggðar leggur þunga áherslu á það við ríkisvaldið að farið verði í heilstæða greiningu á innviðum landsins og því sem fór úrskeiðis í illviðri því sem gekk yfir landið í desember síðastliðnum. Á grundvelli þeirrar greiningar þarf svo að ráðast strax í endurbætur á flutningskerfi raforku, varafli og öryggisfjarskiptum með hagsmuni heildarinnar að leiðarljósi og að allir íbúar landsins sitji við sama borð hvað varðar grundvallar lífskjör. Í því samhengi birtist einnig nauðsyn þess að raforkuframleiðsla og dreifing raforku sé í opinberri eigu og slakað verði á hagnarkröfum til að fyrirtækin geti byggt upp varaafl og haldið úti mannskap um allt land til að takast á við erfiðar aðstæður því áðurnefnt óveður er ekki einsdæmi. Slík veður hafa komið áður og munu koma aftur í framtíðinni.
Bæjarráð samþykkir að fela atvinnu- og þróunarstjóra og sviðsstjóra framkvæmdasviðs að taka saman og senda greinargerð um innviði í Fjarðabyggð.

Framlagt fundarboð frá Hallormsstaðaskóla um framtíð skólans sem haldinn 21. janúar nk. er boðað til fundar með stofnaðilum að Hússtjórnarskólanum á Hallormsstaðaskóla (nú Hallormsstaðaskóla) kl. 16.30 -18.00 á Hótel Héraði.
Bæjarráð samþykkir að senda fulltrúa.

Um nokkurt skeið hefur verið unnið að opnun á ábendingakerfi fyrir starfsemi sveitarfélagsins.
Kerfið er formlega opnað þar sem formaður bæjarráðs sendir ábendingu til sveitarfélagsins og bæjarstjóri tekur við ábendingu.

Fundurgerð hafnarstjórnar frá 7. janúar 2020 tekin til umfjöllunar

Fundargerð menningar- og nýsköpunarnefndar frá 7. janúar sl. tekin til afgreiðslu.