Bæjarráð

Tekið upp að nýju erindi frá eigna-, skipulags- og umhverfisnefnd til bæjarráðs um viðfangsefni sem ástæða væri til að skoða við gerð lýsingar aðalskipulagsins. Sviðsstjóri umhverfis- og skipulagssviðs gerði grein fyrir vinnu við skipulagið.

Framlagt minnisblað um framkvæmdir við viðhald og endurbætur skrifstofu Fjarðabyggðar í tengslum við flutning og breytingar á starfsaðstöðum.
Kostnaði mætt af liðnum viðhald fasteigna í eignasjóði.

Framlögð drög að endurnýjun samnings við björgunarsveitir í Fjarðabyggð. Björgunarsveitirnar hafa samþykkt samninginn fyrir sitt leyti.
Bæjarráð samþykkir samninginn og felur bæjarstjóra undirritun hans.

Framlagður tölvupóstur Sambands sveitarfélaga Austurlandi um sameiginlegan fund fyrir SSA sem og þau sveitarfélög sem sendu inn sérstakar umsagnir um samgönguáætlun. Fundurinn er milli kl. 15:00 - 16:00 þann 5. febrúar nk.
Bæjarráð samþykkir að fulltrúi Fjarðabyggðar verði Jón Björn Hákonarson forseti bæjarstjórnar.

Lagt fram til kynningar erindi Seyðisfjarðarkaupstaðar vegna ofanflóða og framkvæmda við ofanflóðavarnir.
Bæjarráð ítrekar fyrri ályktanir sínar um mikilvægi ofanflóðavarna og að hraða beri þeim sem kostur er.

Framlögð drög afsals þar sem Ríkissjóður Íslands afsalar flugstöðvarbyggingu Norðfjarðarflugvallar til Fjarðabyggðar.
Bæjarráð samþykkir að taka yfir flugstöðvarbygginguna og felur bæjarstjóra undirritun afsals.

Framlögð drög að samningi milli Isavia ohf. og Fjarðabyggðar um rekstur Norðfjarðarflugvallar.
Bæjarráð felur bæjarstjóra að vinna málið áfram og leggja fyrir að nýju.

Lagt fram bréf frá Húsnæðis- og mannvirkjastofnunnar um gerð húsnæðisáætlunar Fjarðabyggðar eða endurskoðun núverandi áætlunar á árinu 2020.
Vísað til frekari skoðunar og úrvinnslu hjá fjármálastjóra og atvinnu- og þróunarstjóra.

Framlagt bréf Samkeppniseftirlits vegna sölu Fjarðabyggðar á sölustarfsemi Rafveitu Reyðarfjarðar til Orkusölunnar í samræmi við 1. mgr. 17.gr. samkeppnislaga nr. 44/2005. Samkeppniseftirlitið óskar upplýsinga og sjónarmiða Fjarðabyggðar vegna sölunnar.
Bæjarráð felur bæjarstjóra og fjármálastjóra að svara erindi eftirlitsins.

Vísað frá eigna-, skipulags- og umhverfisnefnd til kynningar í bæjarráði drögum að svörum til landeiganda Óseyrar í Stöðvarfirði varðandi lausagöngu fjár á jörðinni, lausagöngu fjár í Stöðvarfirði og lausagöngu fjár í Fjarðabyggð.
Bæjarráð felur bæjarstjóra að svara erindi.

Umræða tekin um úthlutun byggðakvóta og reglur þar að lútandi. Fjallað um jafnræðisreglu við úthlutun.
Bæjarstjóra ásamt og atvinnu- og þróunarstjóra falið að fara yfir málið og leggja fyrir að nýju.

Framlagt fundarboð kynningarfundar um friðlýsingu Gerpissvæðisins í Tónlistarmiðstöðinni á Eskifirði þann 6. febrúar kl. 20:00 og þann 11. febrúar í Reykjavík.
Bæjarráð felur bæjarstjóra að mæta á fundinn fyrir hönd Fjarðabyggðar sem landeiganda. Vísað til eigna-, skipulags- og umhverfisnefndar.

Fundargerð eigna- skipulags- og umhverfisnefndar frá 27. janúar sl. lögð fram til afgreiðslu.

Fundargerð fræðslunefndar frá 29. janúar sl. lögð fram til afgreiðslu.