Bæjarráð

Lagt fram minnisblað verkefnisstjóra á framkvæmdasviði um kostnað við að gera við sundlaugina í Íþróttahúsi Reyðarfjarðar. Lagðir fram minnispunktar vegna fundar bæjarstjóra með tilteknum stjórnendum sem tengjast rekstri sundlaugarinnar. Bæjarráð felur bæjarstjóra að taka saman minnisblað um málið og hvaða leið sé best að fara í málinu.

Framlögð tillaga Brúar lífeyrissjóðs um að endurgreiðsluhlutfall á árinu 2020 vegna réttindasafns Lífeyrissjóðs Neskaupstaðar verði 71%.
Bæjarráð samþykkir framkomna tillögu og vísar henni til staðfestingar bæjarstjórnar.

Lögð fram til kynningar skýrsla Mannvits um ástand og mögulegar aðgerðir vegna þaks Fjarðabyggðarhallarinnar. Bæjarráð óskar eftir frekari skýringum á lið nr. 6 í úrbótakafla, jafnframt nánari útfærslu á frágangi stafna og kyndingu. Skýrslunni, ásamt athugasemdum bæjarráðs, er vísað til eigna-, skipulags-, og umhverfisnefndar.

Framlögð drög að stefnumörkun lögreglunnar á Austurlandi fyrir árið 2020.
Á fund bæjarráðs mættu Inger L. Jónsdóttir, lögreglustjóri á Austurlandi, og Kristján Ólafur Guðnason, yfirlögregluþjónn, og kynntu drögin. Umræða tekin í bæjarráði sem lýsir ánægju með stefnumörkun lögreglunnar.

Vísað til fyrri samþykktar bæjarráðs frá 1. ágúst 2019 þar sem lögð voru fyrir tilboð ViaPlan og Eflu í úttekt á almenningssamgöngum. Lagt fram minnisblað bæjarstjóra vegna Almenningssamgangna í Fjarðabyggð. Upplýsinga- og kynningarfulltrúi fór yfir málið.
Bæjarráð felur upplýsinga- og kynningarfulltrúa að fara yfir forsendur málsins og leggja það fyrir að nýju.

Framlagt erindi Umhverfis- og samgöngunefndar Alþingis til umsagnar tillögu til þingsályktunar um heimild sveitarfélaga til að innheimta umhverfisgjöld. Tillagan felur samgöngu- og sveitarstjórnarráðherra að meta hvort og hvernig unnt sé að veita sveitarfélögum heimild til að innheimta umhverfisgjöld.
Lagt fram til kynningar og vísað til eigna-, skipulags-, og umhverfisnefndar.

Framlagt bréf Utanríkisráðuneytis um skipan starfshóps um efnahagsþróun á norðurslóðum sem ætlað er að greina heildstætt mögulegan efnahagsuppgang sem gæti orðið á norðurslóðum. Starfshópurinn gefur hagsmunaaðilum kost á að koma sjónarmiðum sínum á framfæri.
Bæjarráð felur atvinnu- og þróunarstjóra ásamt bæjarstjóra að yfirfara erindið.

Fyrir bæjarráði liggur beiðni frá Hákoni Guðröðarsyni, f.h. QueerNes hátíðinni, um að halda tónleika í Stefánslaug að kvöldi 10. apríl næstkomandi. Bæjarráð samþykkir beiðnina.

Framlagður samstarfssamningur við Institute for Positive Health (IPH) vegna samstarfs HSA við heilsueflandi sveitarfélög á Austurlandi.
Bæjarráð samþykkir framlagðan samstarfssamning og felur bæjarstjóra undirritun. Bæjarráð vísar samningnum til kynningar í fastanefndum fjölskyldusviðs.

Framlagt sameiginlegt bréf frá stjórnum Blæs og Dalahallarinnar þar sem óskað er eftir fundi með fulltrúum sveitarfélagsins, bæjarstjórn, bæjarráði og bæjarstjóra.
Bæjarráð felur bæjarstjóra að boða fund með stjórnunum og bæjarráði.

Framlögð stefna Lögmannsstofunnar Sævar Þór & Partners vegna strands Green Freezer ásamt dómskjölum. Lagt fram til kynningar, bæjarráð felur bæjarstjóra umhald málsins.

Framlögð til kynningar stefna Gísla H Hall vegna uppsagnar starfsmanns úr starfi.
Bæjarráð felur bæjarstjóra að vinna að málinu áfram með Jóni Jónssyni lögmanni.

Framlögð til kynningar fundargerð stjórnar Sambands íslenskra sveitarfélaga frá 31. janúar 2020.

Við forúttekt jafnlaunavottunar sem fór fram í lok nóvember 2019 komu fram nokkrar athugasemdir við kerfið sem nauðsynlegt er að bæta áður en hægt er að fara í vottun. Mannauðsstjóri kom á fund bæjarráðs og fór yfir athugasemdir og úrbætur. Bæjarráð samþykkir tillögur mannauðsstjóra.

Lögð fram auglýsing um byggðakvóta fiskveiðiárið 2019-2020. Bæjarráð samþykkir auglýsingu.

Beiðni um styrk til að mæta álögðum fasteignaskatti fyrir árið 2020 vegna Ungmennafélaganna Leiknis og Austra, Golfklúbbs Byggðarholts, Golfklúbbs Norðfjarðar (golfskáli 1 og 2) og Hestamannafélagsins Blæs (Dalahöllin).
Bæjarráð samþykkir að veittur sé styrkur til samræmis við beiðni. Vísað til styrkjaliðar málaflokks íþróttamála.

Lögð fram tilkynning Jens Garðars Helgasonar um framlengt leyfi frá störfum í bæjarstjórn til 1. júní 2020.

Petra Lind Sigurðardóttir tekur sæti sem aðalmaður og varaformaður í barnaverndarnefnd í stað Eydísar Ásbjörnsdóttur. Eydís Ásbjörnsdóttir mun taka sæti varamanns í stað Sigurjóns Valmundarsonar í barnaverndarnefnd.

Fundargerð hafnarstjórnar frá 6. febrúar sl. tekin til afgreiðslu.