Bæjarráð

Trúnaðarmál.
Ársreikningur Fjarðabyggðar og stofnana fyrir árið 2019 lagður fram sem trúnaðarmál ásamt drögum að endurskoðunarskýrslu sem jafnframt er trúnaðarmál.
Bæjarráð vísar ársreikningi fyrir Fjarðabyggð og stofnanir árið 2019 til fyrri umræðu í bæjarstjórn 16. apríl nk. Ársreikningur verður undirritaður á fundi bæjarráðs fimmtudaginn 16. apríl nk. fyrir bæjarstjórnarfund.

Farið yfir framkvæmdir Vegagerðarinnar næstu misseri á Austurlandi.
Fyrirhugaðar framkvæmdir næstu ára hafa verið frumhannaðar.
Bæjarráð Fjarðabyggðar leggur þunga áherslu á að flýtt verði hönnun Suðurfjarðarvegar og þar sérstaklega hönnun framkvæmda fyrir botni Reyðarfjarðar, Fáskrúðsfjarðar og Stöðvarfjarðar. Sérstaklega verði horft til hönnunar á nýjum brúm sem leysa af einbreiðar brýr á vegakaflanum þannig að þær komist til framkvæmda á næstu misserum.
Bæjarráð óskar eftir fundi með forstjóra Vegagerðarinnar til að fylgja málinu eftir.

Vísað frá eigna-, skipulags- og umhverfisnefnd til afgreiðslu bæjarráðs stofnun lóðar undir spennistöð í landi Helgustaða. Fyrirhugað er að rafvæða með landtengingu sjókvíar fyrirtækisins úti fyrir ströndinni sbr. bréf Laxa Fiskeldi ehf, dagsett 26. mars 2020.
Bæjarráð samþykkir að lóð í landi Helgustaða verði stofnuð og felur umhverfis- og framkvæmdasviði að vinna að stofnun lóðarinnar.

Umræða tekin um skipulag- og framtíðaruppbyggingu tjaldsvæða.
Bæjarráð samþykkir að skipaður verði starfshópur sem fjalli um framtíðaruppbyggingu tjaldsvæðanna í Fjarðabyggð.
Bæjarráð felur bæjarritara að setja upp erindisbréf fyrir starfshópinn og tekur málið upp á næsta fundi bæjarráðsins.

Framlagt bréf frá Lánasjóði Sveitarfélaga til allra sveitarstjórna. Þar kemur m.a. fram að nýr fundardagur aðalfundar sjóðsins verði tilkynntur þegar samkomubanni vegna Covid-19 faraldursins hefur verið aflétt.

Fundargerð eigna-, skipulags- og umhverfisnefndar frá 7. apríl lögð fram til umfjöllunar og afgreiðslu.

Fundargerð félagsmálanefndar frá 7. apríl sl. lögð fram til umfjöllunar og afgreiðslu.