Bæjarráð

Framlagt bréf Samkeppniseftirlitsins á samkeppnisaðstæðum í smásölu raforku.
Bæjarráð felur fjármálastjóra að skila umbeðnum upplýsingum og gögnum til Samkeppniseftirlitsins.

Framlagt sem trúnaðarmál yfirlit um rekstur málaflokka og framkvæmdir janúar - febrúar 2020, skatttekjur og launakostnað janúar - mars 2020.

Frá fundi bæjarráðs er vísað tillögu um að skipaður verði starfshópur sem fjalli um framtíðaruppbyggingu tjaldsvæðanna í Fjarðabyggð. Framlögð drög erindisbréfs.
Bæjarráð samþykkir erindisbréfið og fulltrúar hópsins verði Eydís Ásbjörnsdóttir formaður, Ívar Dan Arnarsson, Kristinn Þór Jónasson, Rúnar Már Gunnarsson, sviðsstjóri umhverfis- og skipulagssviðs og atvinnu- og þróunarstjóri. Jafnframt verði kallaðir til samráðs fulltrúar íbúasamtaka eftir atvikum.

Fjallað um stækkun Leikskólans Dalborgar. Tillaga um að framlengt verði verkefni hóps starfsmanna sem falið var að vinna þarfa- og kostnaðargreiningu vegna stækkunar Leikskólans Dalborgar. Framlögð drög erindisbréfs.
Bæjarráð samþykkir erindisbréfið og að hópinn skipi bæjarstjóri formaður, sviðsstjóri framkvæmdasviðs, formaður fræðslunefndar, fræðslustjóri og leikskólastjóri.

Framlögð til kynningar fundargerð Almannavarnarnefndar frá 8. apríl sl.
Þar er m.a. farið fram á samþykki sveitarstjórna um að sá kostnaður sem varð til í kjölfar fundar nefndarinnar frá 15.10.2019 verði greiddur sem hlutfall af íbúafjölda hvers sveitarfélags.
Bæjarráð samþykkir þátttöku í kostnaði við rekstur almannavarnarnefndar en hann nemur liðlega 2,9 m.kr.og vísar kostnaði til gerðar viðauka.

Framlögð til kynningar fundargerð stjórnar Náttúrustofu Austurlands frá 2. apríl sl.

Fundargerð barnaverndarnefndar nr.114 frá 16. apríl lögð fram til umfjöllunar og afgreiðslu