Bæjarráð

Farið yfir verkefni og starfsemi fjölskyldusviðs og helstu áherslur.

Framlögð samantekt fjármálastjóra á hugmyndum um breytingu á álagningu vatnsgjalds í Fjarðabyggð í samræmi við ákvörðun bæjarráðs 28. október sl.
Til skoðunar er breytingar á álagningu vatnsgjalds í Fjarðabyggð. Bæjarráð vísar samantekt fjármálastjóra til vinnslu við fjárhagsáætlun 2021.

Framlagður viðauki 2 við fjárhagsáætlun Fjarðabyggðar fyrir árið 2020. Viðaukinn er vegna framlaga til hjúkrunarheimila, fasteignakaupa og snjómoksturs. Heildaráhrifin eru til kostnaðarauka um 71,5 m.kr. í Aðalsjóði og verður viðaukanum mætt með lækkun eigin fjár Aðalsjóðs og lækkun handbærs fjár.
Bæjarráð samþykkir viðaukann fyrir sitt leyti og vísar honum til staðfestingar bæjarstjórnar.

Framlagt minnisblað um stöðu vinnslu á moltu í framhaldi af beiðni bæjarráðs um stöðu málaflokksins.
Bæjarráð telur fulla ástæðu að skoða framtíð jarðgerðar í sveitarfélaginu og felur framkvæmdasviði að skoða málið áfram í tengslum við endurskoðun á sorphirðu í Fjarðabyggð. Erindi og áframhaldandi vinnslu vísað til eigna-, skipulags- og umhverfisnefndar og bæjarstjóra.

Framlagt bréf frá Umhverfisstofnun þar sem beðið er um tilnefningu í samstarfshóp vegna undirbúnings friðlýsingar á Gerpissvæðinu. Tilnefning þarf að berast fyrir 7. maí nk.
Bæjarráð tilnefnir Jón Björn Hákonarson sem fulltrúa Fjarðabyggðar í samstarfshópinn.

Framlagt minnisblað um skipan persónuverndarfulltrúa Fjarðabyggðar en samningur við núverandi fulltrúa rennur út í maí.
Mannauðsstjóri fer með persónuverndarmál hjá sveitarfélaginu.
Bæjarráð felur bæjarstjóra ásamt mannauðsstjóra að ganga frá umhaldi persónuverndarmála sveitarfélagsins til framtíðar.

Framlagt minnisblað um áhrif breytinga takmarkana sóttvarnalæknis frá og með 4. maí á starfsemi bæjarskrifstofu og nefndarstörf.
Farið yfir þjónustu og starfsemi hjúkrunarheimilanna í faraldrinum. Jafnframt farið yfir framkvæmdir og viðbrögð sveitarfélagsins vegna efnahagslegra áhrifa faraldursins.
Bæjarfulltrúar hafa á síðustu dögum verið að fá fyrirspurnir varðandi ástand og fjölda leiksvæða í Fjarðabyggð. Fyrir liggur að gerð var áætlun fyrir leiksvæði í Fjarðabyggð, sem hægt er að nálgast á heimasíðu sveitarfélagsins, sem vinna á eftir. Á fjárhagsáætlun núverandi árs var tekið frá fjármagn til að fara í hluta af þeirri uppbyggingu og einnig þarf að fara í viðhald á leikvöllum og verður það gert nú í sumarbyrjun. Þá er einnig verið að fara yfir hugsanlega flýtingu á framkvæmdum í tengslum við viðspyrnu vegna Covid-19 faraldursins og eru leikvellir hluti af því.
Bæjarráð leggur áherslu á við framkvæmdasvið sveitarfélagsins að sem fyrst verði farið í uppbyggingu á leiksvæðum sem ákveðin hafa verið ásamt viðhaldi nú í vor.

Framlögð til kynningar fundargerð stjórnar Sambands íslenskra sveitarfélaga frá 24. apríl 2020.

Fundargerð eigna-, skipulags- og umhverfisnefndar frá 27. apríl 2020 lögð fram til afgreiðslu.