Bæjarráð

Samþykkt hefur verið að semja við MVA um verkið nýr vatnstankur í Fannardal, á grundvelli tilboðs þeirra.
Lagt er til, eins og fram kemur í minnisblaði, að samið verði við MVA um byggingu beggja áfanga verksins og að greiðsla fyrir seinni áfangann falli til á árinu 2021. Eigna-, skipulags- og umhverfisnefnd hefur samþykkt að farið verði í verkið á þessum forsendum og seinni áfangi verði tekinn af fjárfestingaráætlun 2021. Bæjarráð staðfestir ákvörðun nefndarinnar.

Lagður fram til staðfestingar verksamningur við MVA ehf. um byggingu vatnstanks með stækkun í Fannardal. Bæjarráð staðfestir verksamnning.

Framlagt tilboð í húseignina Kirkjutíg 7 á Eskifirði. Húsið er selt til flutnings en það var keypt vegna ofanflóðavarna þar sem til stóð að rífa húsið ef það seldist ekki. Bæjarráð hefur áður samþykkt tilboðið í tölvupóstsamskiptum og staðfestir nú endanlega framlagt tilboð og felur bæjarstjóra afgreiðslu málsins.

Bréf Þórhöllu Ágústsdóttur og Viðars Guðmundssonar er varðar endurbætur á heimreiðinni að Hofi í Norðfjarðarsveit, sem gera þarf í framhaldi af framkvæmdum á vegum bæjarins. Bæjarráð hefur yfirfarið málið og felur sviðsstjóra framkvæmdasviðs að fylgja málinu eftir við bréfritara.

Framlagt bréf frá Jóni Karli Helgasyni, kvikmyndagerðarmanni, vegna upptöku á framkvæmdum við sundlaugina á Reyðarfirði. Bæjarráð hefur áður samþykkt að farið verði í framkvæmdir við laugina vorið 2021 og felur forstöðumanni stjórnsýslu að ræða við bréfritara á þeim forsendum.

Engin tilboð bárust í jarðvegsskipti vegna byggingar íþróttahúss á Reyðarfirði. Þar sem engin tilboð bárust í jarðvegsskipti fyrir nýtt íþróttahús á Reyðarfirði, felur bæjarráð sviðsstjóra framkvæmdasviðs að koma verkinu til framkvæmda sem byggð er á hönnunargögnum og kostnaðaráætlun.

Lögð fram til kynningar verkefnalýsing um skoðun og úttekt á fyrirkomulagi rekstrar Fjarðabyggðar í málaflokki íþrótta- og æskulýðsmála. Bæjarráð samþykkir að fara í úttekt og skoðun á rekstri íþrótta- og æskulýðsmála hjá Fjarðabyggð og felur bæjarstjóra að semja við Ráðrík ehf. um verkið samkvæmt framlagðri verkefnalýsingu. Kostnaður tekinn af liðnum óráðstafað.

Fundargerð eigna- skipulags- og umhverfisnefndar, nr. 265 frá 13. júlí 2020, samþykkt með þremur atkvæðum í umboði bæjarstjórnar.