Bæjarráð

Auglýsingartími vegna deiliskipulagsins Eskifjörður - miðbær er liðinn. Engar athugasemdir bárust. Eigna-, skipulags- og umhverfisnefnd hefur samþykkt, fyrir sitt leyti, deiliskipulagið Eskifjörður - miðbær, uppdráttur, skýringaruppdráttur, greinagerð og umhverfisskýrsla, dagsett í mars 2020. Málsmeðferð verði í samræmi við 42. gr. skipulagslaga nr. 123/2010. Bæjarráð samþykkir deiliskipulagið Eskifjörður - miðbær í umboði bæjarstjórnar.

Gera þarf óverulega breytingu á deiliskipulagi Naust 1 vegna nýrrar lóðar við Naustahvamm 64. Eigna-, skipulags- og umhverfisnefnd hefur samþykkt að gera óverulega breytingu á deiliskipulagi Naust 1 og felur sviðstjóra umhverfis- og skipulagssviðs að vinna málið. Bæjarráð, í umboði bæjarstjórnar, samþykkir breytingu á deiliskipulagi Naust 1.

Bæjarstjóri fór yfir þær aðgerðir sem sveitarfélagið hefur gripið til á síðustu vikum.

Lagðar fram til kynningar þrjár síðustu fundargerðir aðgerðastjórnar á Austurlandi vegna COVID19. Fundargerðirnar eru frá 14. júlí, 21. júlí og 4. ágúst.

Umræða vegna kvartana sem borist hafa vegna ágangs sauðfjár í þéttbýli. Bæjarráð felur framkvæmdasviði og fjallskilastjóra að bregðast við ágangi sauðfjár í þéttbýli með því að smala saman fé og flytja út fyrir þéttbýlismörk.

Beiðni Blakdeildar Þróttar um samning. Íþrótta- og tómstundafulltrúi sat þennan lið fundarins. Bæjarstjóra falið að fara yfir málið og leggja að því loknu minnisblað fyrir bæjarráð.

Fundargerð barnaverndarnefndar, nr. 118 frá 28.júlí, lögð fyrir bæjarráð til staðfestingar í umboði bæjarstjórnar.