Bæjarráð

Framlagður tölvupóstur Beu Meijer í tengslum við uppsögn svæðisfulltrúa Rauða krossins á Austurlandi.
Bæjarráði var ekki kunnugt um uppsögnina og þær breytingar sem henni fylgja. Starf svæðisfulltrúa er mjög mikilvægt fyrir Austurland og hefur sveitarfélagið átt gott samstarf við Rauða Krossinn í gegnum tíðina.
Bæjarráð felur bæjarstjóra og sviðsstjóra fjölskyldusviðs að ræða við Rauða Krossinn um málið enda er það óviðunandi að ekki sé svæðisfulltrúi á Austurlandi. Vísað til félagsmálanefndar.

Framlögð greining frá Rannsóknum og ráðgjöf sem unnin var í júní 2020 um niðurstöður og greiningar á straumi ferðamanna til Íslands. Kynnt og vísað til menningar- og nýsköpunarnefndar.

Framlagt bréf Hreggviðs Sigurþórssonar f.h. íbúa við Lambeyrarbraut, er varðar óánægju þeirra með hönnun og útfærslu ofanflóðavarna við Lambeyrarána.
Fundað hefur verið með íbúum við götuna og athugasemdum þeirra komið á framfæri við hönnuði framkvæmdanna. Áfram verður athugasemdir íbúanna komið á framfæri við hönnuði. Athugasemdum komið á framfæri við eigna,- skipulags- og umhverfisnefnd.

Framlagt bréf Sverris Mar Albertssonar og Grétu Garðarsdóttur um ágang sauðfjár í þéttbýli.
Bæjarráð hefur áður tekið fyrir málefni sauðfjár í þéttbýlum sveitarfélagsins. Málið hefur verið í umfjöllun og vinnslu hjá umhverfis- og skipulagssviði og framkvæmdasviði til að bregðast við ágangi sauðfjár í þéttbýlinu. Sviðsstjóra umhverfis- og skipulagssviðs og umhverfisstjóra falið að svara erindi og vinna að málinu. Vísað til eigna-, skipulags- og umhverfisnefndar til umfjöllunar.

Lagður fram til undirritunar ársreikningur Hitaveitu Fjarðabyggðar fyrir árið 2019.
Bæjarráð staðfestir ársreikning Hitaveitu Fjarðabyggðar 2019 og undirritar.

Lagður fram til undirritunar ársreikningur Eignarhaldsfélagsins Hrauns ehf. fyrir árið 2019.
Stjórnarmenn undirrita ársreikning Eignarhaldsfélagsins Hrauns ehf. fyrir árið 2019 og staðfesta hann.

Jón Björn Hákonarson vék af fundi við umfjöllun og afgreiðslu dagskrárliðar. Pálína Margeirsdóttir mætir á fund við umfjöllun og afgreiðslu dagskrárliðar.
Lagt fram nýtt tilboð Raföldu ehf. í fasteignina Nesgötu 5 í Neskaupstað, Sigfúsarhús.
Bæjarráð samþykkir tilboðið og felur bæjarstjóra undirritun og frágang skjala vegna kaupanna.

Framlagður tölvupóstur frá Goðaborg ehf. er varðar sérstakan byggðakvóta í Breiðdal.
Bæjarráð felur atvinnu- og þróunarstjóra að vinna málið áfram.

Fundargerð fræðslunefndar nr. 87 lögð fram til afgreiðslu.