Bæjarráð

Fulltrúar Ráðríks sátu þennan lið fundarins í fjarfundi og fóru yfir vinnu við úttekt á málaflokki íþrótta- og tómstundamála.
Stefnt er að skilum vinnu í næstu viku.

Framlagt erindi frá Brú lífeyrissjóði ásamt minnisblaði er varðar breytingar á réttindaákvæðum Lífeyrissjóðs Neskaupstaðar. Um er að ræða tvær breytingar sem lagðar eru fyrir bæjarstjórn og starfsmannafélag til samþykktar.
Bæjarráð samþykkir fyrir sitt leyti breytingarnar og vísar staðfestingu til afgreiðslu bæjarstjórnar.

Framlagður tölvupóstur frá Heilbrigðisráðuneytinu um að breytingar og endurnýjun á húsnæði Uppsala falli undir málefni Framkvæmdasjóðs aldraðra en ekki framkvæmdaáætlun ráðuneytisins.
Bæjarráð getur ekki tekið undir skilgreiningu Heilbrigðisráðuneytisins. Bæjarstjórn hefur engu að síður staðfest uppsögn á samningum um hjúkrunarheimilin í Fjarðbyggð og vísar bæjarráð málinu til frekari viðræðna þar að lútandi við ráðuneytið.

Lagðar fram greinargerðir og álit lögmanna vegna Eyrarstígs 1 Reyðarfirði.
Bæjarstjóri fór yfir vinnslu málsins.

Framlagt kauptilboð í íbúð að Nesbakka 21 í Neskaupstað, 5 til 6 herbergja - íbúð á 2. hæð, merkt 0204.
Bæjarráð felur fjármálastjóra að gera gagntilboð.

Lagt fram minnisblað bæjarstjóra vegna sýnileika sveitarfélagsins.
Bæjarráð felur atvinnu- og þróunarstjóra og upplýsingafulltrúa að setja sig í samband við fyrirtæki í Fjarðabyggð með verkefnið og hvernig þau geta nýtt sér það.

Umræður um stöðu almenningssamgangna.
Bæjarráð felur bæjarstjóra að vinna að málinu áfram.

Umræða um stöðu safnanefndar.
Bæjarráð samþykkir að safnanefnd verði lögð niður og verkefni hennar sameinuðu verkefnum menningar- og nýsköpunarnefndar. Bæjarstjóra falið að útfæra breytingar. Vísað til kynningar í menningar- og nýsköpunarnefndar og safnanefnd. Vísað til bæjarstjórnar til afgreiðslu.

Fundargerð stjórnar sambandsins frá 29.september lögð fram til kynningar.

Farið yfir stöðu á vinnu við fjárhagsáætlun ársins 2021 og 3ja ára áætlun 2022 - 2024.
Vísað til áframhaldandi vinnu við fjárhagsáætlunargerðina.

Farið yfir stöðu vinnu við fjárhagsáætlun 2021 fyrir málaflokka atvinnumála og sameiginlegs kostnaðar.

Formaður gerir grein fyrir vinnu við starfs- og fjárhagsáætlun málaflokka menningar- og nýsköpunarnefndar.
Vísað til áframhaldandi fjárhagsáætlunargerðar.

Formaður gerir grein fyrir vinnu við starfs- og fjárhagsáætlun málaflokka barnaverndarnefndar.
Vísað til áframhaldandi vinnu við fjárhagsáætlunargerðina.

Formaður gerir grein fyrir vinnu við starfs- og fjárhagsáætlun málaflokka íþrótta- og tómstundamála.
Vísað til áframhaldandi vinnu við fjárhagsáætlunargerðina.

Bæjarráð samþykkir að Jón Björn Hákonarson bæjarstjóri taki sæti Karls Óttar Péturssonar fyrrverandi bæjarstjóra í eftirfarandi stjórnum og samstarfsverkefnum.
Strætisvagnar Austurlands
Breiðdalssetur
Háskóla Austurlands
Þá taki bæjarritari sæti varamanns í Breiðdalssetri.

Fundargerð framkvæmdaráðs hjúkrunarheimilanna nr. 19 lögð fram til afgreiðslu.

Fundargerð félagsmálanefndar nr. 137 lögð fram til afgreiðslu.

Fundargerð menningar- og nýsköpunarnefndar nr. 31 lögð fram til afgreiðslu.