Bæjarráð

Framlögð skýrsla frá Ráðrík ehf. um íþróttamannvirki í Fjarðabyggð og tillögur um reksturs málaflokks íþróttamála.
Skýrslunni vísað til umfjöllunar í íþrótta- og tómstundanefnd og til sviðsstjóra fjölskyldusviðs til úrvinnslu.

Farið yfir stöðu vinnu við fjárhagsáætlun 2021-2024. Lagðar fram spár um hagþróun frá Sambandi íslenskra sveitarfélaga og Þjóðhagsstofnun auk minnisblaðs fjármálastjóra.
Vísað til áframhaldandi vinnu við fjárhagsáætlun 2021. Fjármálastjóra og bæjarstjóra falið að rýna reksturinn og niðurstöður úr tillögum nefndanna.

Framlagðir samningar vegna kaupa Orkusölunnar á framleiðsluhluta í samræmi við kaupsamning frá 18. desember 2019.
Bæjarráð samþykkir samninga og felur bæjarstjóra undirritun gagna vegna sölu eignarinnar.

Framlagt gagntilboð vegna sölu á Nesbakka 21, 2. hæð í Neskaupstað.
Bæjarráð samþykkir gagntilboðið og felur bæjarstjóra að undirrita skjöl vegna sölu eignarinnar.

Farið yfir fjárheimildir í einstökum málaflokkum, slökkviliðsstjóri sat þennan lið fundarins. Vísað til áframhaldandi vinnu við gerð fjárhagsáætlunar.

Framlagt erindi frá Framkvæmdasýslu ríkisins um útboð 21261, Ofanflóðavarnir Eskifirði - Lambeyrará. Tillaga Framkvæmdasýslunnar er að niðurstaða viðræðna um samningskaup verði tekið. Jafnframt lagt fram bréf frá Ofanflóðasjóði um töku tilboðs.
Bæjarráð samþykkir að tilboðinu verði tekið.

Lagðar fram upplýsingar um mat á stöðu húsnæðisins að Sólheimum 3 í Breiðdal.
Bæjarráð samþykkir að ekki séu forsendur fyrir því að leigja íbúðina í því ástandi sem hún er og leigusamningi er því sagt upp. Húsnæði verði sett í framhaldi í sölu í því ástandi sem það er.

Bréf Skipulagsstofnunar frá 5.október sl., til svæðisskipulagsnefndar Austurlands, er varðar gerð svæðisskipulags fyrir Austurland í ljósi breyttra aðstæðna eftir sameiningu sveitarfélaga á Austurlandi.
Skipulagsstofnun hefur að hluta til hafnað að greiða kostnaðarframlag úr skipulagssjóði á þeim forsendum að skipa þurfi nýja svæðisskipulagsnefnd og hefja skipulagsferli að nýju.
Lagt fram til kynningar.

Vísað frá eigna-, skipulags- og umhverfisnefnd til afgreiðslu bæjarráðs lóðarumsókn Róberts Óskars Sigurvaldasonar og Grétars Helga Geirssonar, dagsettri 18. september 2020, þar sem sótt er um lóðina við Stekkholt 10 á Fáskrúðsfirði undir parhús sem sambyggt yrði húsi á lóðinni við Stekkholt 8.
Eigna-, skipulags- og umhverfisnefnd hefur auk þess samþykkt að gerð sé óveruleg breyting á deiliskipulagi þannig að gert verði ráð fyrir parhúsi á lóðunum.
Bæjarráð samþykkir að úthluta lóðinni.

Vísað frá eigna-, skipulags- og umhverfisnefnd til afgreiðslu bæjarráðs lóðarumsókn Róberts Óskars Sigurvaldasonar og Grétars Helga Geirssonar þar sem sótt er um lóðina við Stekkholt 8 á Fáskrúðsfirði undir parhús sem sambyggt yrði húsi á lóðinni við Stekkholt 10.
Eigna-, skipulags- og umhverfisnefnd hefur auk þess samþykkt að gerð sé óveruleg breyting á deiliskipulagi þannig að gert verði ráð fyrir parhúsi á lóðunum.
Bæjarráð samþykkir að úthluta lóðinni.

Aðalfundur Heilbrigðiseftirlits Austurlands verður haldinn miðvikudaginn 28. október nk. á Borgarfirði Eystri eða í fjarfundi ef aðstæður krefjast.
Bæjarráð felur Jóni Birni Hákonarsyni bæjarstjóra að fara með umboð Fjarðabyggðar á aðalfundinum.

Breyting á nefndaskipan Miðflokksins í menningar- og nýsköpunarnefnd.
Magnea María Jónudóttir tekur sæti aðalmanns í menningar- og nýsköpunarnefnd og Anna Þórhildur Kristmundsdóttir tekur sæti varamanns í nefndinni.

Farið yfir stöðu málsins.
Bæjarstjóra falið að vinna áfram að málinu og bæjarráð mun skoða gögn frekar fyrir næsta fund.

Fundargerð eigna- skipulags- og umhverfisnefndar frá 5. október sl. lögð fram til afgreiðslu.

Fundargerð fræðslunefndar frá 7. október sl. lögð fram til afgreiðslu

Fundargerð hafnarstjórnar frá 6. október sl. lögð fram til afgreiðslu

Fundargerð barnaverndarnefndar nr. 119, 120 og 121, lagðar fram til upplýsinga.