Bæjarráð

Framlagt yfirlit frá fjármálastjóra um rekstur málaflokka og fjárfestingar janúar - ágúst og launakostnað og skatttekjur janúar - september 2020. Gögn lögð fram sem trúnaðarmál.

Farið yfir stöðu vinnu við gerð fjárhagsáætlunar ársins 2021. Unnið verður áfram við gerð áætlunarinnar.

Fjármálastjóri fór yfir lántöku ársins 2020 auk mögulega skuldbreytingu á lánum við Lánasjóð sveitarfélaga.
Bæjarráð felur fjármálastjóra að leita eftir fjármögnun að fjárhæð 700 m.kr. hjá Lánasjóði sveitarfélaga vegna uppgreiðslu fimm tilgreindra lána að fjárhæð 662 m.kr.. Jafnframt að leita tilboða fjármögnunar vegna samþykktar í viðauka fjárhagsáætlunar 2020 að fjárhæð 500 m.kr. auk skoðunar á framtíðarlántöku.

Vísað frá félagsmálanefnd starfs- og fjárhagsáætlun nefndarinnar til umfjöllunar bæjarráðs. Vísað til áframhaldandi vinnu við fjárhagsáætlunargerð 2021.

Vísað frá barnaverndarnefnd til bæjarráðs fjárhagsáætlun málaflokksins til umfjöllunar. Vísað til áframhaldandi vinnu við fjárhagsáætlunargerð 2021.

Vísað frá menningar- og nýsköpunarnefnd til bæjarráðs fjárhagsáætlun menningarmálaflokks til umfjöllunar. Vísað til áframhaldandi vinnu við fjárhagsáætlunargerð 2021.

Vísað frá eigna-, skipulags- og umhverfisnefnd til bæjarráðs innra vinnuskjal sviðsstjóra framkvæmdasviðs um fyrirhugaðar fjárfestingar og þær framkvæmdir sem unnið hefur verið að á árinu ásamt yfirliti yfir fjárfestingarverkefni.
Vísað til áframhaldandi vinnu við fjárhagsáætlunargerð 2021. Jafnframt mun bæjarráð taka umfjöllun um forgangsröðun og fyrirkomulag einstakra framkvæmda á næstu fundum.

Farið yfir rekstur málaflokksins sameiginlegur kostnaður og málaflokka sem heyra undir bæjarráð. Vísað til áframhaldandi vinnu við fjárhagsáætlunargerð 2021.

Lögð fram tillaga að breytingu á samþykkt um stjórn Fjarðabyggðar og fundarsköp bæjarstjórnar þar sem safnanefnd hefur verið lögð niður og hlutverk hennar falið menningar- og nýsköpunarnefnd.
Bæjarráð samþykkir breytingarnar fyrir sitt leyti og vísar þeim til afgreiðslu bæjarstjórnar.

Framlagt breytingar á erindisbréfi menningar- og nýsköpunarnefndar vegna niðurlagningar safnanefndar.
Bæjarráð samþykkir breytingarnar fyrir sitt leyti og vísar þeim til afgreiðslu bæjarstjórnar.

Farið yfir stöðu málsins.
Bæjarráð felur bæjarstjóra að svara erindi eiganda Eyrarstígs 1 í samráði við lögmann sveitarfélagsins.

Vísað frá eigna-, skipulags- og umhverfisnefnd minnisblaði sviðsstjóra umhverfis- og skipulagssviðs um leigu æðarvarps í Seley en nefndin leggur til að leiga varpsins verði boðin út. Bæjarráð samþykkir að æðarvarp í Seley verði boðið út.

Vísað frá eigna-, skipulags- og umhverfisnefnd til afgreiðslu bæjarráðs fyrirkomulagi snjómoksturs. Eigna-, skipulags- og umhverfisnefnd hefur staðfest áður samþykktar verklagsreglur. Nefndin samþykkir jafnframt tillögu framkvæmdasviðs að breytingu á þjónustuflokkum í snjómokstri gatna á Norðfirði, Eskifirði og á Reyðarfirði.
Bæjarráð samþykkir þjónustuflokkun og verklagsreglur að teknu tilliti til athugasemda sem komu fram á fundi og felur bæjarstjóra undirritun þeirra.

Vísað frá eigna-, skipulags- og umhverfisnefnd til afgreiðslu bæjarráðs, minnisblaði starfshóps um viðbyggingu við Leikskólann Dalborg Eskifirði.
Bæjarráð hefur vísað minnisblaði til fjárhagsáætlunargerðar og mun jafnframt taka umræðu um forsendur viðbyggingarinnar.

Beiðni bókasafnanna í Fjarðabyggð um 360.000 kr. aukafjárveitingu til kaupa á nýjum bókum á árinu 2020.
Bæjarráð samþykkir að veita viðbótarfjármagni af liðnum óráðstafað 21 690 til bókasafna sbr. beiðni.

Vísað frá menningar- og nýsköpunarnefnd til afgreiðslu bæjarráðs breytingum á stofnsamningi byggðasamlagsins.
Bæjarráð vísar málinu til bæjarstjóra til skoðunar.

Framlögð til kynningar fundargerð 3. fundar stjórnar Náttúrustofu Austurlands á árinu 2020.

Boðað er til aðalfundar Samtaka orkusveitarfélaga sem haldinn verður í fjarfundi 29. október 2020, kl. 13:00.
Bæjarráð felur Jóni Birni Hákonarsyni bæjarstjóra að fara með umboð Fjarðabyggðar á aðalfundinum.

Framlagt erindi allsherjar- og menntamálanefndar Alþingis þar sem til umsagnar er frumvarp til laga um stjórnsýslu jafnréttismála, 15. mál.
Bæjarráð vísar frumvarpi til skoðunar hjá sviðsstjóra fjölskyldusviðs.

Framlagt erindi allsherjar- og menntamálanefnd Alþingis til umsagnar er frumvarp til laga um breytingu á ýmsum lögum vegna laga um kynrænt sjálfræði (breytt kynskráning), 21. mál.
Bæjarráð vísar frumvarpi til skoðunar hjá sviðsstjóra fjölskyldusviðs.

Framlögð beiðni frá Kajakklúbbnum Kaj þar sem óskað er eftir að Þórsskúr á Neseyri verði afsalað til klúbbsins en Kajakklúbburinn hefur haft hann til afnota vegna starfsemi sinnar um árabil og fékk honum afsalað þegar átti að rífa hann vegna byggingar nýs leikskóla á Neseyri.
Bæjarráð samþykkir að Þórskúrnum verði afsalað til Kajakklúbbsins og felur bæjarstjóra að ganga frá og undirrita skjöl vegna sölu eignarinnar.

Fundargerð eigna- skipulags- og umhverfisnefndar nr. 272 lögð fram til afgreiðslu.

Fundargerð eigna- skipulags- og umhverfisnefndar nr. 273 lögð fram til afgreiðslu.

Fundargerð menningar- og nýsköpunarnefndar nr. 32 lögð fram til afgreiðslu.

Fundargerð íþrótta- og tómstundanefndar nr. 80 lögð fram til afgreiðslu.

Fundargerð félagsmálanefndar nr. 138 lögð fram til afgreiðslu.

Fundargerð framkvæmdaráðs hjúkrunarheimilanna nr. 20 lögð fram til afgreiðslu.

Fundargerð barnaverndarnefndar nr. 122 lögð fram til afgreiðslu.