Bæjarráð

Lögð fram drög að tillögu til bæjarstjórnar um fjárhagsáætlun Fjarðabyggðar fyrir árin 2021 - 2024.
Drög að fjárhagsáætlun Fjarðabyggðar og stofnana 2021 til 2024 vísað til fyrri umræðu í bæjarstjórn.
Bókun frá Sjálfstæðisflokki.
Sjálfstæðisflokkurinn samþykkir framlagningu fjárhagsáætlunar Fjarðabyggðar fyrir árin 2021 til 2024 til 1. umræðu með þeim fyrirvara að unnið verði áfram í frekari aðhaldsaðgerðum í rekstri á milli umræðna.

Lögð fram til kynningar skjöl vegna lántöku hjá Lánasjóði sveitarfélaga að upphæð 700 m.kr. sem samþykkt var á fundi bæjarráðs 26. október 2020.

Framlagður viðauki nr. 5 við fjárhagsáætlun Fjarðabyggðar fyrir árið 2020 um breytingar vegna endurfjármögnunar.
Bæjarráð samþykkir viðaukann fyrir sitt leyti og vísar honum til staðfestingar bæjarstjórnar.

Gjaldskrá fasteignagjalda 2021 og reglur um afslátt til eldri borgara og örorkulífeyrisþega 2021. Afsláttur er framreiknaður m.v. breytingar á launavísitölu og meðalbreytingu fasteignamats íbúðarhúsnæðis.
Bæjarráð samþykkir álagningarstuðla fasteignagjalda 2021 og reglur um afslátt til eldri borgara og örorkulífeyrisþega 2021 og vísar þeim til staðfestingar bæjarstjórnar. Jafnframt vísar bæjarráð vinnu við útfærslu á álagningu vatnsgjalds til ársins 2021.

Ákvörðun um álagningarstuðul vatnsveitu í gjaldskrá í tengslum við ákvörðun um álagningarstuðul fasteignagjalda.
Bæjarráð staðfestir að álagningarstuðull vatnsgjalds verði 0,294 % af húsmati

Ákvörðun um álagningarstuðul fráveitu í gjaldskrá í tengslum við ákvörðun um álagningarstuðul fasteignagjalda.
Bæjarráð staðfestir að holræsagjald verði 0,275 % af húsmati.

Gjaldskrá Fjarðabyggðarhafna 2021 lögð fram til umfjöllunar og afgreiðslu bæjarráðs.
Bæjarráð staðfestir gjaldskrá Fjarðabyggðahafna og taki gjaldskrá gildi 1. janúar 2021.

Framlagt bréf Meta ehf. þar sem óskað er eftir viðræðum um kaup á húsnæði þjónustumiðstöðvar á Fáskrúðsfirði.
Bæjarráð vísar erindi til umsagnar í eigna-, skipulags- og umhverfisnefnd og hafnarstjórn. Erindið tekið fyrir að nýju í bæjarráði sem finnst áhugavert að skoða erindið en stefnt að því að starfsemi þjónustu- og framkvæmdamiðstöðvar verði óbreytt á Fáskrúðsfirði.

Framlagt bréf knattspyrnudeildar Austra, þar sem óskað er aðkomu bæjarins að akstri á æfingar á Reyðarfjörð.
Bæjarráð vísar erindi til sviðsstjóra fjölskyldusviðs til úrvinnslu og samræmingar á íþróttaakstri.

Framlagt minnisblað upplýsingafulltrúa er varðar uppgjör á markaðsátaki Fjarðabyggðar sumarið 2020.
Vísað til menningar- og nýsköpunarnefndar.

Umhverfis- og samgöngunefnd Alþingis sendir til umsagnar frumvarp til laga um fjarskipti, 209. mál. Ef veita á umsögn þarf hún að berast eigi síðar en 5.nóvember.
Vísað til bæjarritara til skoðunar.

Velferðarnefnd Alþingis sendir til umsagnar frumvarp til laga um um skrá yfir störf hjá sveitarfélögum sem heimild til verkfalls nær ekki til, 206. mál. Ef veita á umsögn þarf hún að berast eigi síðar en 13. nóvember.
Vísað til bæjarritara til skoðunar.

Fundargerð hafnarstjórnar nr. 251 lögð fram til afgreiðslu.