Bæjarráð

Beiðni Jólasjóðsins um árlegan styrk til sjóðsins. Bæjarráð samþykkir að styrkur til sjóðsins verði með sambærilegum hætti og fyrir síðustu jól.

Framlagt minnisblað bæjarritara um lokafrágang og uppsetningu á hljóðkerfum í félagsheimilunum Egilsbúð, Valhöll og Skrúði og fjármögnun þeirra.
Lagt er til að lokið verði frágangi og uppsetningu hljóðkerfanna í félagsheimilunum Skrúði og Valhöll og fjármögnun framkvæmdanna mætt af liðnum óráðstafað 21690 að hámarki 2,0 m.kr. Þá renni fjármagn sem liggur á liðnum nýir íbúar 21550 að fjárhæð 2,0 m.kr. í liðinn óráðstafað 21690, en því fjármagni verður ekki ráðstafað á árinu. Bæjarráð samþykkir tillögu í minnisblaði og vísar málinu til fjármálastjóra til gerðar viðauka.

Framlögð drög að kaupsamningi og afsal um Sæberg 1 í Breiðdal.
Gamla Kaupfélagið, kt. 450595-2179, selur og afsalar eigninni til Fjarðabyggðar.

Lögð fram lóðarumsókn Hallgríms Axels Tulinius, dagsett 28. október 2020, þar sem sótt er um lóðina við Blómsturvelli 38 á Norðfirði undir einbýlishús. Eigna-, skipulags- og umhverfisnefnd hefur samþykkt, fyrir sitt leyti, að úthluta lóðinni og vísar umsókninni til bæjarráðs til endanlegrar afgreiðslu.
Bæjarráð samþykkir að úthluta lóðinni.

Lögð fram lóðarumsókn Ólafar Þorgerðar Þorgeirsdóttur, dagsett 20.október 2020, þar sem sótt er um lóðina við Blómsturvelli 41 á Norðfirði undir einnar hæðar einbýlishús.
Eigna-, skipulags- og umhverfisnefnd hefur samþykkt, fyrir sitt leyti, að úthluta lóðinni og vísar umsókninni til bæjarráðs til endanlegrar afgreiðslu.
Bæjarráð samþykkir að úthluta lóðinni.

Framlagt minnisblað starfshóps um sumaropnun leikskóla en óskað er eftir framlengingu starfstímabils hópsins, þar sem ekki hefur reynst unnt að leggja fram tillögur innan umboðstíma sem var 15.maí sl.
Bæjarráð samþykkir að framlengja starfstíma hópsins til 30.nóvember nk.

Umhverfis- og samgöngunefnd Alþingis sendir til umsagnar tillögu til þingsályktunar um þjóðaratkvæðagreiðslu um framtíð Reykjavíkurflugvallar, 39. mál. Frestur til að veita umsögn er til 19. nóvember. Bæjarráð minnir á fyrri bókanir um málið og vísar þingsályktuninni til bæjarritara til skoðunar.

Fundargerð 890.fundar stjórnar sambandsins frá föstudeginum 30. október lögð fram til kynningar.

Erindi Íbúasamtaka Fáskrúðsfjarðar er varðar húsnæði þjónustumiðstöðvar á Fáskrúðsfirði. Borist hefur fyrirspurn um kaup á húsnæði þjónustumiðstöðvar á Fáskrúðsfirði. Óskað hefur verið eftir umsögnum frá hafnarstjórn og eigna- skipulags- og umhverfisnefnd vegna málsins, áður en frekari ákvarðanir verða teknar. Ekki stendur til að skerða þjónustu á Fáskrúðsfirði þrátt fyrir að verið sé að skoða framkomna fyrirspurn. Stefna sveitarfélagsins hefur verið að fækka eignum og samnýta betur, m.a. húsnæði þjónustumiðstöðva og hafna, sbr. það sem gert hefur verið á Norðfirði og Reyðarfirði. Málið verður tekið fyrir að nýju í bæjarráði þegar umsagnir fastanefnda liggja fyrir.

Fundargerð eigna, skipulags- og umhverfisnefndar nr. 274 frá 2.nóvember lögð fram til umfjöllunar.