Bæjarráð

Kynntar niðurstöður vinnustaðagreiningar sem trúnaðarmál.

Farið yfir stöðu framkvæmda- og viðhaldsverkefna á árinu 2020 með tilliti til áætlana.

Lögð fram til kynningar gögn frá Sambandi íslenskra sveitarfélaga um stafræna þróun sveitarfélaga og kostnaðarhlutdeild Fjarðabyggðar í starfrænu ráði sambandsins.
Bæjarráð samþykkir að taka þátt í verkefninu að því gefnu að önnur sveitarfélög taki þátt í því.

Bókun sveitarstjórnar Bláskógabyggðar vegna áforma um stofnun þjóðgarðs á miðhálendinu.
Bæjarráð Fjarðabyggðar tekur undir með sveitastjórn Bláskógarbyggðar um nauðsyn þess að jafn umfangsmikil aðgerð eins og stofnun miðhálendisþjóðgarðs er verður að vera tekin í sátt við nærsamfélagið og sveitarfélögin sem þar eiga land undir. Hvetur bæjarráð Fjarðabyggðar stjórnvöld til þess að vanda til verka í þessum efnum og ná áðurnefndri sátt áður en lengra er haldið með mál þetta.

Stefnt er að því að halda Tæknidag fjölskyldunnar í áttunda sinn laugardaginn 2. október 2021 í Íþróttahúsinu í Neskaupstað. Verkmenntaskóli Austurlands óskar eftir að fá afnot af íþróttahúsinu og styrk sem nemur leigu og ræstingarkostnaði.
Bæjarráð samþykkir beiðnina eins og liðin ár.

Framlagt aðalfundarboð Héraðsskjalasafns Austfjarða sem haldinn verður 11. desember 2020 kl. 13:00 á Egilsstöðum.
Bæjarráð felur Gunnari Jónssyni að fara með fullt og ótakmarkað umboð sveitarfélagsins á fundinum.

Umræður um tilboð sem borist hefur í átta íbúðir Fjarðabyggðar á Eskifirði og í Neskaupstað.
Bæjarráð felur fjármálastjóra að fara betur yfir kauptilboðið með tilboðsgjafa og leggja fyrir bæjarráð að nýju.

Lagt fram verðmat löggilds fasteignasala á eigninni að Grímseyri 6 Fáskrúðsfirði.
Bæjarráð samþykkir að fasteignin að Grímseyri 6 verði auglýst til sölu. Jafnframt er framkvæmdasviði falið að tryggja óbreytta starfsemi þjónustu- og framkvæmdamiðstöðvar vegna sölunnar.

Rætt um stöðu mála.