Bæjarráð

Lagt fram sem trúnaðarmál rekstraryfirlit málaflokka og framkvæmda fyrir janúar - október auk skatttekna og launakostnaðar fyrir janúar - nóvember. Jafnframt lögð fram samantekt fjármálastjóra á launakostnaði sem tilheyrir rekstri framkvæmdasviðs.

Lagður fram viðauki 6 við fjárhagsáætlun Fjarðabyggðar fyrir árið 2020.
Bæjarráð samþykkir viðaukann og vísar honum til afgreiðslu bæjarstjórnar.

Vísað frá eigna-, skipulags- og umhverfisnefnd minnisblaði og tillögu fjármálastjóra og verkefnastjóra veitna um breytingu á gjaldskrá hitaveitunnar á Eskifirði á árinu 2021. Breytingin felst í nýrri aðferð við mælingu og verðlagningu á heitu vatni. Nefndin samþykktir fyrir sitt leyti að breyta gjaldskránni þannig að við bætist gjald samkvæmt vatnsmæli fyrir hverja kílóvattastund (kWh).
Bæjarráð samþykkir breytingar á gjaldskrá og hún taki gildi þann 1. janúar 2021. Breytingar verða kynntar íbúum á nýju ári.

Framlagt álit samgöngu- og sveitarstjórnarráðuneytisins er varðar notkun fjarfundabúnaðar og miðlun efnis hans í stað opinna funda bæjarstjórnar. Ráðuneytið mælir með miðlun funda í beinu streymi frá fundum til að uppfylla ákvæði sveitarstjórnarlaga.

Framlagt minnisblað sviðsstjóra fjölskyldusviðs um skipulag starfssemi fjölskyldusviðs. Vísað til umfjöllunar í stjórnkerfisnefnd.

Framlagt erindi Sambands sveitarfélaga á Austurlandi um skipan í svæðisskipulagsnefnd í framhaldi af sameiningu sveitarfélaga á Austurlandi. Óskað er eftir skipan tveggja aðal- og varamanna frá Fjarðabyggð. Jafnframt er óskað eftir staðfestingu Fjarðabyggðar á endurskoðuðum starfsreglum sem taka mið af sameiningu sveitarfélaga á Austurlandi sem og breytingar er snúa að utanumhaldi vinnunnar framundan.
Bæjarráð samþykkir að fulltrúar Fjarðabyggðar verði Eydís Ásbjörnsdóttir og Valur Sveinsson en til vara verði Ívar Dan Arnarson og Gunnar Jónsson. Staðfestingu á endurskoðuðum starfsreglum vísað til bæjarstjórnar.

Framlagt bréf SvAust frá 9. desember sl. er varðar endurnýjun samninga SvAust við sveitarfélögin vegna starfsársins 2021.
Bæjarráð samþykkir að framlengja samning og felur bæjarstjóra að undirrita samning um framlengingu út árið 2021.

Lögð fram drög að samningi milli Fjarðabyggðar, Verkmenntaskóla Austurlands, atvinnuvega- og nýsköpunarráðuneytisins og mennta- og menningarmálaráðuneytisins um rekstur FabLab - stafrænnar smiðju - í Fjarðabyggð.
Bæjarráð samþykkir samninginn og felur bæjarstjóra undirritun hans en fjármögnun er í gegnum fræðslumál.

Lagt fram kauptilboð í fasteignina Grímseyri 6 á Fáskrúðsfirði ásamt verðmati fasteignasala.
Bæjarráð samþykkir að taka kauptilboði í húsnæðið. Fjármálastjóra falið að semja við kaupanda um afnot þjónustu- og framkvæmdamiðstöðvar til skamms tíma. Bæjarstjóra falið að undirrita skjöl og gögn vegna sölu eignarinnar.

Framlagt minnisblað fjármálastjóra vegna kauptilboðs í fasteignir bæjarins á Eskifirði og í Neskaupstað en bæjarráð fól fjármálastjóra að fara betur yfir kauptilboðið með tilboðsgjafa og leggja fyrir bæjarráð að nýju.
Bæjarráð samþykkir að ganga til viðræðna við tilboðsgjafa um sölu íbúðanna Fjármálastjóra falið að hefja samningaviðræður við tilboðsgjafa og leggja fram samning um söluna fyrir bæjarráð að loknum viðræðum.

Framlagt kauptilboð í íbúð að Hrauntúni 8 í Breiðdal.
Bæjarráð samþykkir kauptilboð í eignina. Bæjarstjóra falið að undirrita skjöl og gögn vegna sölu eignarinnar.

Framlagt kauptilboð í íbúð að Hrauntúni 12 í Breiðdal.
Bæjarráð hafnar tilboði en fyrir liggur hærra tilboð í eignina.

Framlagt kauptilboð í fasteignina Hrauntún 12 á Breiðdalsvík.
Bæjarráð samþykkir kauptilboð í eignina. Bæjarstjóra falið að undirrita skjöl og gögn vegna sölu eignarinnar.

Framlagt aðalfundarboð Tónlistarmiðstöðvar Austurlands árið 2020. Fundur verður haldinn 22. desember nk.
Bæjarráð felur bæjarritara að fara með umboð Fjarðabyggðar á aðalfundinn.

Framlagður tölvupóstur frá Heilbrigðisstofnun Austurlands þar sem óskað er eftir afnotum af skólabyggingum sveitarfélagsins til bólusetningar vegna faraldurs.
Bæjarráð samþykkir að leggja til skólabyggingar Fjarðabyggðar til bólusetningar vegna faraldursins.

Fundargerð fræðslunefndar nr. 93 frá 9.desember, lögð fram til umfjöllunar.

Fundargerð eigna- skipulags- og umhverfisnefndar nr. 277 frá 7. desember, lögð fram til umfjöllunar.

Fundargerð íþrótta- og tómstundanefndar nr. 82 frá 9. desember, lögð fram til umfjöllunar.