Bæjarráð

Vísað frá menningar- og nýsköpunarnefnd tillögum nefndarinnar að rammaúthlutun vegna ársins 2022 til bæjarráðs. Bæjarráð vísar minnisblaði til fjárhagsáætlunargerðar 2022.

Lögð fram að nýju samantekt á tillögum nefnda og sviðsstjóra um breytingar á römmum vegna fjárhagsáætlunar ársins 2022. Bæjarráð samþykkir framlagða tillögu um breytingar á römmum vegna fjárhagsáætlunar 2022 og felur fjármálastjóra nánari útfærslu þeirra. Bæjarráð mun jafnframt yfirfara fjárhagsramma að nýju fyrir komandi fjárhagsáætlunarvinnu haustsins.

Lögð fram staðfesting á ráðstöfun Fjarðabyggðar úr gjafasjóði Jóns Einars Einarssonar til uppbyggingar á þjónustu við aldraða í Breiðdal. Bæjarráð samþykkir ráðstöfun úr gjafasjóði samkvæmt tillögu í minnisblaði.

Lögð fram úttekt Húsnæðis- og mannvirkjastofnunar á starfsemi slökkviliðs Fjarðabyggðar. Bæjarráð vísar úttektinni til slökkviliðsstjóra með beiðni um að aðgerðaáætlun verði lögð fyrir bæjarráð á komandi hausti.

Lögð fram til kynningar skýrsla EFLU vegna myglutjóns í Breiðablik.
Skýrslu er vísað til umfjöllunar í eigna-, skipulags- og umhverfisnefnd en unnið er að kostnaðargreiningu og forgangsröðun framkvæmdanna af hálfu framkvæmdasviðs.

Fundargerð stjórnar Sambandsins íslenskra sveitarfélaga nr. 899 lögð fram til kynningar.

Fundargerð menningar- og nýsköpunarnefndar frá 14. júní lögð fram til afgreiðslu.

Fundargerð íþrótta- og tómstundanefndar frá 14. júní lögð fram til afgreiðslu.