Bæjarráð

Lagt fram sem trúnaðarmál yfirlit yfir rekstur málaflokka og fjárfestingar fyrir janúar - júní og skatttekjur og launakostnað fyrir janúar - júlí 2021.

Tekið fyrir að nýju í bæjarráði erindi frá Vinum Valhallar um frekari stuðning við núverandi hlutverk félagsheimilisins Valhallar á Eskifirði.
Bæjarstjóri fundaði með Vinum Valhallar um málefni Valhallar og kynnti efni hans.
Bæjarstjóra falið að leggja fyrir uppfærð drög að samningi við Vini Valhallar.

Lagt fyrir minnisblað upplýsingafulltrúa með niðurstöðum úr verðfyrirspurn vegna Almenningssamganga í Fjarðabyggð 2021 - 2022.
Bæjarráð samþykkir að taka tilboði Ís-Travel í akstur á leið 1, Neskaupstaður - Fáskrúðsfjörður - Neskaupstaður en hafnar tilboði í leið 2, Breiðdalur - Fáskrúðsfjörður - Breiðdalur. Bæjarstjóra falið að taka upp viðræður um þá leið. Bæjarstjóra falið að undirrita samning um akstur á leið 1. Kostnaði er vísað til gerðar viðauka við fjárhagsáætlun 2021.

Framlagður ársreikningur Eignarhaldsfélagsins Hrauns ehf. fyrir árið 2020.
Bæjarráð samþykkir ársreikning fyrir sitt leyti.

Óskað eftir tilnefningu Fjarðabyggðará aðal- og varamanni í stjórn Breiðdalsseturs á aðalfundi 21. 8. nk.
Bæjarráð samþykkir að Jón Björn Hákonarson bæjarstjóri verði aðalmaður í stjórn og Hákon Hansson varamaður. Bæjarstjóri fer með umboð Fjarðabyggðar á aðalfundinum.

Framlögð tillaga að breytingu á gjaldskrá þar sem breyting verður á gjaldi fyrir máltíðir barna til samræmis við starfs- og fjárhagsáætlun fræðslumála fyrir árið 2021.
Bæjarráð samþykkir með 2 atkvæðum að gjaldskráin taki breytingum frá og með 1. september 2021. Ragnar Sigurðsson greiðir atkvæði á móti.

Framlögð tillaga um að fella niður gjaldskrá þar sem breyting verður á gjaldi fyrir máltíðir barna til samræmis við starfs- og fjárhagsáætlun fræðslumála fyrir árið 2021.
Bæjarráð samþykkir með 2 atkvæðum að gjaldskráin falli niður frá og með 1. september 2021. Ragnar Sigurðsson greiðir atkvæði á móti.

Vísað frá eigna-, skipulags- og umhverfisnefnd lóðarumsókn Kolbeins Guðnasonar, dagsett 3. ágúst 2021, þar sem sótt er um lóðina við Búðarmel 9a-b á Reyðarfirði undir parhús.
Bæjarráð samþykkir úthlutun lóðarinnar.

Vísað frá eigna-, skipulags- og umhverfisnefnd lóðarumsókn Kolbeins Guðnasonar, dagsett 3. ágúst 2021, þar sem sótt er um lóðina við Búðarmel 7a-b á Reyðarfirði undir parhús.
Bæjarráð samþykkir að úthluta lóðinni.

Vísað frá eigna-, skipulags- og umhverfisnefnd umsókn Eimskip Íslands ehf, dagsett 9. ágúst 2021, þar sem óskað er eftir stækkun lóðar fyrirtækisins að Egilsbraut 6 á Norðfirði til samræmis við lóð nyrðri hluta hússins eða um 800 m2. Samþykki hafnarstjórnar vegna stækkunar lóðarinnar liggur fyrir.
Bæjarráð samþykkir úthlutun lóðarinnar.

Fundargerð eigna-, skipulags- og umhverfisnefndar frá 13. ágúst s.l. lögð fram til samþykktar.
Bæjarráð samþykkir í umboði bæjarstjórnar fundargerð eigna-, skipulags- og umhverfisnefndar.

Fundargerð hafnarstjórnar frá 11. ágúst lögð fram til samþykktar.
Bæjarráð samþykkir í umboði bæjarstjórnar fundargerð hafnarstjórnar.