Bæjarráð

Farið yfir og rætt um áhrif nýrra laga um samþættingu þjónustu í þágu farsældar barna.

Framlagt minnisblað starfshóps sem bæjarráð skipaði 22. nóvember sl. um málefni leikskólanna í Fjarðabyggð.
Vísað til bæjarstjóra til skoðunar. Málið lagt fram að nýju í bæjarráði.

Framlögð til staðfestingar yfirlýsing milli Húsnæðis- og mannvirkjastofnunar, Sambands íslenskra sveitarfélaga og Fjarðabyggðar vegna uppgjörs skuldbindinga vegna félagslegs leiguhúsæðis í Breiðdal.
Bæjarráð samþykkir uppgjör skuldbindinganna.

Framlagt til kynningar samþykki Húsnæðis- og mannvirkjastofnunar um úthlutun stofnframlags ríkis auk byggðaframlags til Fjarðabyggðar f.h. óstofnaðs hses. félags. Framlagið er til byggingar á fimm íbúðum á grundvelli laga um almennar íbúðir nr. 52/2016. Bæjarráð felur bæjarstjóra ásamt fjármálastjóra að vinna málið áfram.

Lagt fram minnisblað um fyrirkomulag verkefnisins um brothættar byggðir - Stöðvarfjörður og aukið hlutfall stöðu verkefnastjóra í verkefninu.
Bæjarráð samþykkir að leggja verkefninu brothættar byggðir til aukið hlutfall til að fylgja m.a. eftir fyrra verkefni sem var unnið í Breiðdal ásamt því að styðja frekar við verkefnið á Stöðvarfirði. Bæjarstjóra falið að útfæra og ganga frá samningi við Austurbrú um aukið hlutfall. Kostnaði vísað til gerðar viðauka.

Stjórn Leigufélagsins Bríetar hefur samþykkt að ganga til viðræðna um kaup á 4 íbúðum að Dalbarði á Eskifirði, 2 íbúðum að Hlíðarbrekku á Fáskrúðsfirði og 2 íbúða í Neskaupstað á sambærilegum skilmálum og við kaup á íbúðum að Réttarholti og Leynimel.
Bæjarráð samþykkir að íbúðir séu lagðar inn í Bríet leigufélag. Bæjarstjóra falið að undirrita skjöl og ganga frá samkomulagi þar um.

Framlögð tilkynning frá Miðflokki um breytta skipan íþrótta- og tómstundanefndar þar sem Hörður Sigmundsson tekur sæti varamanns áheyrnarfulltrúa í nefndinni í stað Einars Birgis Kristjánssonar. Einar Birgir tekur sæti Guðrúnar Stefánsdóttur sem áheyrnarfulltrúa í nefndinni en hún hefur flutt búferlum úr sveitarfélaginu.

Framlög fundargerð aðalfundar Skólaskrifstofu Austurlands vegna aðalfundar 2021.

Fundargerð íþrótta- og tómstundanefndar frá 22. desember lögð fram til staðfestingar.