Bæjarráð

Anna-Lena Jeppsson, verkefnisstjóri hjá CIP, sat þennan lið fundarins og fór yfir stöðu mála vegna vinnu við grænan orkugarð í Fjarðabyggð. Anna-Lena gerði m.a. grein fyrir nokkrum verkefnum sem eru í gangi víðsvegar um heiminn og tímalínu verkefnisins hér heima.

Lagt fram sem trúnaðarmál frá fjármálastjóra, yfirlit yfir rekstur og fjárfestingar Fjarðabyggðar fyrir janúar - nóvember auk yfirlits yfir launakostnað og skatttekjur fyrir janúar - desember.

Magnús Jóhannesson hefur verið skipaður formaður svæðisráðs sem hefur það hlutverk að vinna að gerð strandsvæðisskipulags fyrir Austfirði sbr. lög um skipulag haf- og strandsvæða, nr. 88/2018.

Umræða í framhaldi af vinnu starfshóps sem bæjarráð skipaði 22. nóvember sl. um málefni leikskólanna í Fjarðabyggð. Bæjarstjóri fór yfir stöðu málsins. Tillögur verða lagðar fyrir næsta fund bæjarráðs.

Lagt fram minnisblað slökkviliðsstjóra er varðar útboð á vegum Ríkiskaupa vegna kaupa á slökkvibifreið. Bæjarráð felur slökkviliðsstjóra og fjármálastjóra að taka þátt í útboði og leggja niðurstöðu þess fyrir bæjarráð að nýju.

Allsherjar- og menntamálanefnd Alþingis sendir til umsagnar frumvarp til laga um almannavarnir (almannavarnastig o.fl.), 181. mál. Ef senda á umsögn skal hún hafa borist undirrituð eigi síðar en í lok dags 3. febrúar nk. Vísað til bæjarstjóra og slökkviliðsstjóra til skoðunar.

Fundargerð sambandsins frá 14.janúar lögð fram til kynningar.

Lagt fram bréf Sveins Einarssonar eiganda og stjórnanda Haka ehf. er varðar snjómokstur í Neskaupstað. Bæjarráð felur bæjarstjóra að ræða við bréfritara.