Bæjarráð

Lagðar fram teikningar af viðbyggingu við Leikskólann Dalborg Eskifirði, þar sem gert er ráð fyrir útboði viðbyggingar sem yrði fullbúin að utan.
Eigna-, skipulags- og umhverfisnefnd hefur samþykkt breytt útboðsfyrirkomulag. Endanlegri ákvörðun um útboð er vísað til afgreiðslu bæjarráðs. Bæjarráð samþykkir breytt útboðsfyrirkomulag og felur sviðsstjóra framkvæmdasviðs áframhaldandi vinnslu málsins.

Minnisblað mannauðsstjóra er varðar uppfærslur á Jafnlaunahandbók sveitarfélagsins. Bæjarráð staðfestir breytingar á handbókinni.

Lagður fram samningur um veitingasölu í skíðaskálanum í Oddsskarði.
Veitingarekstur skíðasvæðisins í Oddsskarði var boðinn út í október.
Ein umsókn barst um reksturinn og uppfyllti umsækjandi þau skilyrði sem sett voru fram í útboðinu. Unnið hefur verið að samningi við þjónustuaðilann og er hann lagður fram til samþykktar. Bæjarráð samþykkir samning um veitingasölu í skíðaskálanum í Oddsskarði.

Atvinnu- og nýsköpunarráðuneytið veitti sveitarfélögum frest til 21.janúar til að senda ráðuneytinu tillögur um sérreglur vegna úthlutunar byggðakvóta til byggðarlaga fiskveiðiárið 2021/2022. Lagt fram minnisblað atvinnu- og þróunarstjóra. Fjarðabyggð hefur verið veittur aukinn frestur til 4. febrúar, til að skila inn tillögum til ráðuneytisins. Bæjarstjóra og atvinnu- og þróunarstjóra falið að funda með samningsaðilum og ganga frá reglu til ráðuneytisins að því loknu.

Lagt fram endurskoðað og yfirfarið tilboð MVA ehf. í byggingu Frystihúsbryggju á Eskifirði. Hafnarstjórn samþykkti á fundi 25.janúar, að ganga til samninga við MVA ehf. sem var eini bjóðandi í verkið. Hafnarstjórn vísar máli til bæjarráðs til staðfestingar. Bæjarráðs samþykkir að ganga til samninga á grundvelli fyrirliggjandi endurskoðaðs tilboðs og breytinga á tilhögun verksins. Bæjarráð felur sviðsstjóra og bæjarstjóra að annast frágang og undirritun samninga.

Lagt fram erindi frá Flugfélagi Austurlands merkt trúnaðarmál. Bæjarstjóra falið að ræða við bréfritara og leggja málið fyrir bæjarráð að nýju.

Stjórn samtaka sjávarútvegssveitarfélaga boðar til Sjávarútvegsfundar, þriðjudaginn 22. febrúar 2022, frá klukkan 13:00 til 15:00. Fundurinn verður haldinn sem fjarfundur.

Efnahags- og viðskiptanefnd Alþingis sendir til umsagnar tillögu til þingsályktunar um úttekt á tryggingavernd í kjölfar náttúruhamfara, 12. mál. Vísað til bæjarstjóra og forstöðumanns stjórnsýslu til skoðunar.

Fundargerð hafnarstjórnar frá 25.janúar lögð fram til umfjöllunar.

Fundargerð eigna- skipulags- og umhverfisnefndar, frá 24.janúar lögð fram til umfjöllunar.