Bæjarráð

Framlagt erindi og kynning frá Bjargi íbúðafélagi hses um viðræður um úthlutun lóðar og veitingu stofnframlags vegna byggingar leiguíbúða. Bæjarráð felur fjármálastjóra að ræða við Bjarg.

Framlengja þarf skipunartíma starfshóps um framtíðarsýn Íslenska Stríðsárasafnsins. Bæjarráð samþykkir að framlengja skipunartíma ráðsins til 21. apríl. Bæjarráð samþykkir jafnframt að formaður bæjarráðs taki sæti í starfshópnum.

Lögð fram lóðarumsókn Nestaks ehf, dagsett 29. september 2021, þar sem sótt er um lóðirnar við Strandgötu 18a og 18b á Norðfirði undir einbýlishús. Eigna-, skipulags- og umhverfisnefnd hefur samþykkt, fyrir sitt leyti, að úthluta lóðunum og vísar umsókninni til bæjarráðs til endanlegrar afgreiðslu. Bæjarráð samþykkir að úthluta lóðunum.

Lögð fram umsókn Víkings Pálmasonar, dagsett 23. janúar 2022, þar sem sótt er um stækkun lóðar hans við Stekkjargötu 3 á Norðfirði. Lagt fram minnisblað sviðsstjóra umhverfis- og skipulagssviðs, dagsett 3. febrúar 2022, um stöðu skipulagsmála við Stekkjargötu 3 og 5. Eigna-, skipulags- og umhverfisnefnd hefur samþykkt, fyrir sitt leyti, stækkun lóðarinnar í samræmi við minnisblað og vísar umsókninni til bæjarráðs til endanlegrar afgreiðslu. Bæjarráð samþykkir stækkun lóðarinnar.

Lögð fram umsókn Jónu T. Ingimarsdóttur, dagsett 31. janúar 2022, þar sem óskað er eftir endurnýjun lóðarleigusamnings lóðar hennar að Nesgötu 36 á Norðfirði ásamt stækkun lóðarinnar til vesturs. Lögð fram tillaga að lóðarblaði.
Eigna-, skipulags- og umhverfisnefnd hefur samþykkt stækkun lóðar fyrir sitt leyti. Jafnframt samþykkir nefndin að lóðarleigusamningur verði endurnýjaður að fengnu samþykki bæjarráðs á stækkun lóðar. Endanlegri afgreiðslu er vísað til bæjarráðs. Bæjarráð samþykkir stækkun lóðarinnar.

Umræða í framhaldi af vinnu starfshóps sem bæjarráð skipaði 22. nóvember sl. um málefni leikskólanna í Fjarðabyggð. Lagt fram minnisblað bæjarstjóra um aðgerðir í starfsmannamálum leikskólanna. Fræðslunefnd tók undir tillögur í minnisblaði á fundi 9.febrúar. Bæjarráð samþykkir tillögur í minnisblaði og vísar málinu til staðfestingar í bæjarstjórn. Bæjarráð vísar málinu jafnframt til gerðar viðauka við fjárhagsáætlun.

Bjargfugl ehf., kt. 520202-2230, til heimilis í Reykjavík, hefur gert kauptilboð í bátinn Álf SH-414, skr.nr. 2830. Seljandi bátsins er Háaöxl ehf., kt. 580517-0130, til heimilis á Fáskrúðsfirði. Kaupverðið er greitt með peningum við kaupsamning.
Réttindi til veiða á grásleppu fylgja skipi en að öðru leyti fylgja engar aflaheimildir hverju nafni sem þær nefnast. Skipið og grásleppuleyfið er jafnframt selt á aflareynslu. Óskað er eftir að Fjarðabyggð falli frá forkaupsrétti að skipinu Álfi SH-414, skr.nr. 2830. Bæjarráð samþykkir að falla frá forkaupsrétti að Álfi. Vísað til staðfestingar í bæjarstjórn.

Víkin fagra ehf. sækir um styrk til greiðslu fasteignaskatts vegna bílasafns í Breiðdal í samræmi við reglur Fjarðabyggðar um styrkveitingar til greiðslu fasteignaskatts. Bæjarráð samþykkir að veita styrk.

Lagt fram erindi frá Flugfélagi Austurlands merkt trúnaðarmál. Bæjarstjóri fór yfir stöðu málsins. Bæjarráð felur bæjarstjóra að ræða við forsvarsmenn flugfélagsins í ljósi umræðu á fundinum.

Atvinnuveganefnd Alþingis sendir til umsagnar tillögu til þingsályktunar um endurskoðun á laga- og reglugerðaumhverfi sjókvíaeldis, 93. mál. Þess er óskað að undirrituð umsögn berist eigi síðar en 23. febrúar nk. Vísað til atvinnu- og þróunarstjóra með beiðni um gerð umsagnar sem send verði atvinnuveganefnd.

Umhverfis- og samgöngunefnd Alþingis sendir til umsagnar tillögu til þingsályktunar um áætlun um vernd og orkunýtingu landsvæða, 332. mál. Ef senda á umsögn þarf hún að hafa borist eigi síðar en 25. febrúar. Atvinnu- og þróunarstjóra, í samráði við bæjarstjóra, falið að senda umsögn.

Kjörnefnd Lánasjóðs sveitarfélaga auglýsir eftir framboðum í stjórn Lánasjóðsins. Tilnefningar þurfa að hafa borist fyrir kl. 12:00 miðvikudaginn 9.mars.

Fundargerð stjórnar sambandsins frá 4.febrúar lögð fram til kynningar.

Fundargerð eigna- skipulags- og umhverfisnefndar frá 7. febrúar lögð fram til staðfestingar.

Fundargerð fræðslunefndar frá 9. febrúar lögð fram til staðfestingar.

Fundargerð félagmálanefndar frá 8. febrúar lögð fram til staðfestingar.

Fundargerð öldungaráðs frá 14. desember lögð fram til staðfestingar.

Fundargerð öldungaráðs frá 24. janúar lögð fram til staðfestingar.

Fundargerð barnarnverndarnefndar frá 10.febrúar lögð fram til staðfestingar.