Bæjarráð

Framlagt sem trúnaðarmál yfirlit yfir rekstur málaflokka, launakostnað og fjárfestingaryfirlit ásamt deildayfirliti fyrir allt árið 2021.

Lagt fram minnisblað frá hagdeild Sambands íslenskra sveitarfélaga um hækkun lífeyrisskuldbindinga á árinu 2021.

Lagt fram til kynningar bréf Eftirlitsnefndar með fjármálum sveitarfélaga þar sem kynntar eru áherslur nefndarinnar á árinu 2022 um eftirlit með fjármálum sveitarfélaga.

Lögð fram svör við fyrirspurnum Ragnars Sigurðssonar.

Lögð fram fundargerð frá opnun tilboða í viðbyggingu leikskólans Dalborgar en þrír aðilar gera tilboð í verkið í 7 tilboðum.
Bæjarráð vísar tilboðum til eigna-, skipulags- og umhverfisnefndar og felur framkvæmdasviði að yfirfara tilboðin og leggja fyrir bæjarráð að nýju.

Framlagt bréf Náttúrufræðistofnunar Íslands um viðhald á húsnæði borkjarnasafns Náttúrufræðistofnunar Íslands í Breiðdal.
Bæjarstjóra falið að ræða við Náttúrufræðistofnun.

Framlögð tillaga um samstarf Fjarðabyggðar og Austurbrúar vegna umsóknar til Byggðastofnunar vegna sértækra verkefna sóknaráætlanasvæða.
Bæjarráð samþykkir þátttöku í verkefninu og felur atvinnu- og þróunarstjóra að vera tengiliður sveitarfélagsins við verkefnið.

Lögð fram drög að umsögn atvinnu- og þróunarstjóra um þingsályktunartillögu um vernd og orkunýtingu landsvæða.

Bæjarstjóri og atvinnu- og þróunarstjóri kynntu auglýsingu Fiskeldsissjóðs fyrir árið 2022 um úthlutun styrkja til uppbyggingar innviða þar sem fiskeldi í sjókvíum er stundað.

Lögð fram tillaga að umsögn vegna frumvarps um bann við olíuleit og olívinnslu í Íslenskri efnahagslögsögu.

Atvinnuveganefnd Alþingis sendir til umsagnar frumvarp til laga um um breytingu á lögum um stjórn fiskveiða (veiðistjórn sandkola og hryggleysingja), 349. mál.
Atvinnu- og þróunarstjóra falið að veita umsögn.

Fundargerð forvarnar- og öryggisnefndar frá 24. febrúar, lögð fram til kynningar.

Umræða um afnot stjórnmálaflokka af húsnæði í eigu sveitarfélagsins.
Vísað til bæjarstjóra og bæjarritara að uppfæra reglur sveitarfélagsins sem fjalla um framlög til stjórnmálasamtaka sem bjóða fram til sveitarstjórnarkosninga.

Ráðherra mennta- og barnamála hefur samþykkt að fresta gildistöku barnaverndarlaga til haustsins. Jafnframt verður skipaður starfshópur með aðkomu ráðuneytisins og Barna- og fjölskyldustofu sem leggur fram tillögur að skipan barnaverndarþjónustu og umdæmisráða.
Vísað til fjölskyldusviðs.

Vísað frá eigna-, skipulags- umhverfisnefnd til afgreiðslu bæjarráðs lóðarumsókn þar sem sótt er um lóðina við Ásveg 16 á Breiðdalsvík undir einbýlishús. Svæðið er ódeiliskipulagt. Samkvæmt aðalskipulagi er umrætt svæði innan skilgreindrar íbúðabyggðar þar sem gert er ráð fyrir nýbyggingum sem falla að nýtingu, yfirbragði og þéttleika núverandi byggðar.
Bæjarráð samþykkir úthlutun lóðarinnar.

Vísað frá eigna-, skipulags- og umhverfisnefnd til afgreiðslu bæjarráðs lóðarumsókn um lóðina við Ásveg 30 á Breiðdalsvík undir einbýlishús. Svæðið er ódeiliskipulagt. Samkvæmt aðalskipulagi er umrætt svæði innan skilgreindrar íbúðabyggðar þar sem gert er ráð fyrir nýbyggingum sem falla að nýtingu, yfirbragði og þéttleika núverandi byggðar.
Bæjarráð samþykkir úthlutun lóðarinnar.

Vísað frá eigna-, skipulags- og umhverfisnefndar til afgreiðslu bæjarráðs lóðarumsókn þar sem sótt er um lóðina við Blómsturvelli 51 á Norðfirði undir einbýlishús. Svæðið er ódeiliskipulagt. Samkvæmt aðalskipulagi er umrætt svæði innan skilgreindrar íbúðabyggðar þar sem gert er ráð fyrir nýbyggingum sem falla að nýtingu, yfirbragði og þéttleika núverandi byggðar.
Bæjarráð samþykkir úthlutun lóðarinnar.

Fundargerð eigna- skipulags- og umhverfisnefndar frá 24. febrúar lögð fram til afgreiðslu.

Fundargerð hafnarstjórnar frá 22. febrúar lögð fram til afgreiðslu.

Fundargerð menningar- og nýsköpunarnefndar frá 21. febrúar lögð fram til afgreiðslu.

Fundargerð íþrótta- og tómstundanefndar frá 14. febrúar lögð fram til afgreiðslu.