Bæjarráð

Farið yfir málefni slökkviliðs.

Lagt fram minnisblað sviðsstjóra framkvæmdasviðs vegna framkvæmda við Kvíabólsstíg.

Lagt fram minnisblað um samantekt á kostnaði við endurbætur á Skólavegi á Fáskrúðsfirði og nágrenni götunnar.

Umræða um umsókn um stoframlag frá ríkissjóði til byggingar íbúða í Fjarðabyggð f.h. Brákar hses. og jafnframt um veitingu stofnframlags frá Fjarðabyggð.
Bæjarráð felur fjármálastjóra að undirbúa umsókn og leggja fyrir bæjarráð að nýju.

Framlögð viðbót við svari vegna fyrirspurnar Ragnars Sigurðssonar vegna greiddrar húsaleigu á árinu 2021 til þriðja aðila.

Erindi frá Kvikmyndasýningarfélag Austurlands og Vinum Valhallar á Eskifirði varðandi viðhald á Valhöll Eskifirði í tengslum við fjáröflun vegna kaupa á sýningarkerfi.
Bæjarráð vísar erindi til framkvæmdasviðs til úrvinnslu en á áætlun ársins er gert ráð fyrir viðhaldi á húsnæðinu. Jafnframt vísað til kynningar í eigna-, skipulags- og umhverfisnefnd.

Lagður fram samningur við Bókaútgáfuna Hóla vegna ritunar á sögu Fáskrúðsfjarðar auk minnisblaðs um ritun sögu sveitarfélagsins.
Bæjarráð samþykkir að saga Fáskrúðsfjarðar verði gefin út á árinu 2022 og felur bæjarstjóra að undirrita samning um útgáfu hennar. Bæjarstjóra og bæjarritara falið að skoða fjármögnun kostnaðar til að ljúka ritun sögunnar.

Framlagt minnisblað um innleiðing á 50skills ráðningarkerfi sem áformað er að leysi af H3 ráðningarkerfi.
Bæjarráð samþykkir að fela bæjarstjóra að undirrita samning um innleiðingu á kerfinu.

Vísað frá eigna-, skipulags- og umhverfisnefnd til afgreiðslu bæjarráðs lóðarumsókn þar sem sótt er um lóð undir fjárhús við Kirkjubólseyri 2 í Norðfirði.
Bæjarráð samþykkir að úthluta lóðinni.

Vísað frá eigna-, skipulags- og umhverfisnefnd til afgreiðslu bæjarráðs ósk um lóð við hlið Strandgötu 98a undir Friðþjófshús, sem nú stendur á lóðinni við Strandgötu 88 á Eskifirði. Breyting á deiliskipulagi Hlíðarenda þar sem gert er ráð fyrir þjónustu- og íbúðarhúsalóð við Strandgötu 98b hefur verið samþykkt.
Bæjarráð samþykkir að úthluta lóðinni.

Félags- og vinnumarkaðsráðuneytið leitar til sveitarfélagana um þátttöku í móttöku flóttamanna en þátttakan getur verið sniðin að stærð og getu hvers sveitarfélags. Þess er óskað að áhugasöm sveitarfélög hafi samband við ráðuneytið.
Bæjarráð tekur vel í erindið og fylgist vel með þróun mála til lausnar á vanda flóttamanna. Vísað til kynningar félagsmálanefndar og afgreiðslu og svara hjá fjölskyldusviði.

Innviðaráðuneytið hefur birt í Samráðsgátt drög að frumvarpi til laga um breytingu á sveitarstjórnarlögum, nr. 138/2011. (Íbúakosningar á vegum sveitarfélaga) - Umsagnarfrestur er til 15.mars.
Lagt fram til kynningar.

Birgir Jónsson hefur sagt sig frá nefndastörfum í íþrótta- og tómstundanefnd Fjarðabyggðar. Salome Rut Harðardóttir tekur sæti Birgis sem aðalmaður en hún hefur verið varamaður nefndarinnar. Þá tekur Arndís Bára Pétursdóttir sæti varamanns í nefndinni.

Lagt fram til kynningar bréf Lionshreyfingarinnar er varðar styrkbeiðni í tengslum við samstarf Lions og Blindrafélagsins í nafni Rauðu Fjaðrarinnar vegna leiðsöguhunda.
Bæjarráð samþykkir að styrkja Rauðu Fjöðrina um 50.000 kr. Tekið af liðnum óráðstafað.

Lögð fram til kynningar skýrsla um reynslu og viðhorf kjörinna fulltrúa í bæjar- og sveitarstjórnum á Íslandi sem unnin var af Stofnun stjórnsýslufræða og stjórnmála við Háskóla Íslands.

Fundargerð stjórnar Samtaka orkusveitarfélaga frá 11. febrúar lögð fram til kynningar.

Fundargerð stjórnar sambandsins frá 25. febrúar lögð fram til kynningar.

Fundargerð eigna- skipulags- og umhverfisnefndar frá 7. mars lögð fram til afgreiðslu.

Fundargerð fræðslunefndar frá 9. mars lögð fram til afgreiðslu.

Fundargerð barnaverndarnefndar frá 10. mars lögð fram til umfjöllunar.

Bæjarráð sem stjórnkerfisnefnd tók til umfjöllunar tillögur bæjarstjóra að breytingum á stjórnsýslu sveitarfélagsins.
Bæjarráð samþykkir tillögur bæjarstjóra og felur honum úrvinnslu breytinganna og kynningu hennar meðal starfsmanna.