Bæjarráð

Kynnt drög að ársreikningi Fjarðabyggðar fyrir árið 2021. Endurskoðendur Fjarðabyggðar sátu fundinn í fjarfundi og gerðu grein fyrir vinnu sinni. Ársreikningur verður tekin til umfjöllunar á næsta fundi bæjarráðs.

Framlögð drög að reglum ásamt minnisblaði um launuð námsleyfi fyrir starfsmenn leikskóla Fjarðabyggðar lagðar fram til samþykkis í samræmi við samþykkt bæjarráðs.
Bæjarráð samþykkir reglurnar fyrir sitt leyti og vísar þeim til staðfestingar bæjarstjórnar. Mannauðsstjóra falið að uppfæra reglur með vísan til umræðu á fundi.

Framlagðar til afgreiðslu drög að uppfærðum reglum um námstyrki fyrir starfsmenn og stofnanir Fjarðabyggðar.
Bæjarráð samþykkir reglurnar fyrir sitt leyti og vísar þeim til staðfestingar bæjarstjórnar.

Fram haldið umræðu um tilboða í viðbyggingu leikskólans Dalborgar en þrír aðilar gerðu tilboð í verkið í sjö tilboðum. Bæjarráð vísaði tilboðum til framkvæmdasviðs með beiðni um að tilboð yrðu yfirfarin og lögð fyrir bæjarráð að nýju. Lögð fram samantekt sviðsstjóra framkvæmdasviðs.
Bæjarráð samþykkir að ganga til samninga við Launafl á grundvelli tillagna sem koma fram í minnisblaði og felur bæjarstjóra undirritun verksamnings. Vísað til kynningar í eigna- skipulags- og umhverfisnefnd.

Lagðar fram yfirlýsingar um að Fjarðabyggð samþykki að veita stofnframlög vegna tveggja verkefna sem verði færð til Brákar hses sem byggja á umsókn Fjarðabyggðar um stofnframlög. Um er að ræða tvær íbúðir á Eskifirði og fjórar íbúðir í Neskaupstað sem almennar leiguíbúðir fyrir tekjulága. Heildarupphæð stofnframlaga Fjarðabyggðar er um 22,1 milljón króna. Ef af framkvæmdum verður munu stofnframlögin koma til greiðslu á þessu ári eða næstu tveimur árum.
Bæjarráð samþykkir að veitt verði stofnframlög sbr. minnisblað um verkefni til byggingar sex íbúða. Fjármögnun vísað til gerðar viðauka við fjárhagsáætlun ársins ef stofnframlagið verður samþykkt.

Listasmiðja Norðfjarðar sækir um styrk til geiðslu faseignaskatts vegna Þiljuvalla 11 í Neskaupstað í samræmi við reglur Fjarðabyggðar um styrkveitingar til greiðslu fasteignaskatts.
Bæjarráð samþykkir að veita styrk sbr. reglur um styrkveitingar til greiðslu fasteignaskatts.

Lagt fram aðalfundarboð í Netorku hf. en aðalfundurinn fer fram 29. mars nk.
Fjármálastjóra falið að fara með umboð sveitarfélagsins á aðalfundinum.

Lagt fram aðalfundarboð Sparisjóðs Austurlands sem verður haldinn 6. apríl kl. 14:00 í Safnahúsinu í Neskaupstað.
Bæjarráð felur Jóni Birni Hákonarsyni bæjarstjóra að fara með umboð Fjarðabyggðar á aðalfundinum.

Fundargerð hafnarstjórnar frá 15. mars lögð fram til afgreiðslu.