Bæjarráð

Framhald frá síðasta fundi bæjarráðs.
Endurskoðendurnir Magnús Jónsson og Sigurjón Örn Arnarsson frá KPMG fóru yfir stöðu á vinnslu ársreiknings Fjarðabyggðar og stofnana fyrir árið 2021.
Ársreikningur verður lagður fram til fyrri umræðu í bæjarstjórn 31. mars nk.

Þennan lið fundarins sátu forstjóri Alcoa Fjarðaáls og upplýsingafulltrúi fyrirtækisins og fóru yfir málefni fyrirtækisins.

Framhald umræðu um afnot stjórnmálaflokka af húsnæði í eigu sveitarfélagsins en máli var vísað frá bæjarráði til bæjarstjóra og bæjarritara til uppfærslu á reglum sveitarfélagsins sem fjalla um framlög til stjórnmálasamtaka sem bjóða fram til sveitarstjórnarkosninga.
Bæjarráð felur bæjarstjóra að uppfæra 2. gr.
Reglunum er vísað til staðfestingar bæjarstjórnar.

Umræða um fyrirkomulag sveitarstjórnarkosninga 2022 og utankjörfundaratkvæðagreiðslu.
Bæjarstjóra falið að ræða við sýslumann um fyrirkomulag utankjörfundaratkvæðagreiðslunnar.

Framlögð beiðni Félags áhugafólks um fornleifarannsóknir á Stöðvarfirði, um aukið fjármagn á árinu 2022.
Bæjarráð felur bæjarstjóra að ræða við bréfritara og leita leiða til að tryggja verkefninu aukið fjármagn frá ríki. Málið tekið fyrir að nýju í bæjarráði.

Vísað frá íþrótta- og tómstundanefnd til afgreiðslu bæjarráðs minnisblaði um verkefnið Fjölþætt heilsuefling fyrir eldri borgara sem Janus heilsuefling slf. býður upp á. Lögð fram drög að samningi frá Janusi heilsuefling slf.
Bæjarráð samþykkir samninginn og felur bæjarstjóra undirritun hans.

Atvinnuveganefnd Alþingis sendir til umsagnar tillögu til þingsályktunar um eignarhald í laxeldi, 419. mál. Umsagnarfrestur er til 1. apríl.
Vísað til atvinnu- og þróunarstjóra til skoðunar.

Framlagt bréf Eignarhaldsfélags Brunabótafélags íslands þar sem vakin er athygli á Styrktarsjóði EBÍ en umsóknarfrestur í sjóðinn er til loka apríl.
Vísað til kynningar hjá sviðsstjórum.

Vísað frá eigna-, skipulags- og umhverfisnefnd til afgreiðslu bæjarráðs lóðarumsókn þar sem sótt er um lóðina við Búðarmel 5a-b undir parhús.
Bæjarráð samþykkir úthlutun lóðarinnar.

Jens Garðar Helgason bæjarfulltrúi Sjálfstæðisflokksins, hefur beðist lausnar frá störfum í bæjarstjórn Fjarðabyggðar.

Magni Þór Harðarson hefur óskað eftir leyfi sem varabæjarfulltrúi og frá öllum nefndarstörfum, þ.m.t. formennsku í menningar- og nýsköpunarnefnd, til loka kjörtímabilsins.
Birta Sæmundsdóttir mun taka við formennsku í menningar- og nýsköpunarnefnd og Hjördís Helga Seljan Þóroddsdóttir tekur sæti varamanns. Sigurður Ólafsson tekur við formennsku í starfshópi um Íslenska Stríðsárasafnið og Birta Sæmundsdóttir tekur einnig sæti í starfshópnum.

Fundargerð eigna- skipulags- og umhverfisnefndar frá 21. mars lögð fram til afgreiðslu.

Fundargerð fræðslunefndar frá 23. mars lögð fram til afgreiðslu.

Fundargerð íþrótta- og tómstundanefndar frá 21. mars lögð fram til afgreiðslu.