Bæjarráð

Framlagt erindi frá Ferðafélagi Fjarðamanna þar sem óskað er eftir 500.000 kr. styrk vegna byggingar skálavarðahúss í Vöðlavík.
Bæjarráð samþykkir að veita félaginu styrk fyrir umbeðinni fjárhæð. Tekið af liðnum óráðstafað 21-690.

Lagt fram kauptilboð frá Emil Guðfinni Hafsteinssyni í fasteignina Kirkjumel á Norðfirði.
Bæjarráð hafnar tilboði en hærra tilboð hefur boðist í eignina.

Lagt fram kauptilboð Stefaníu Fjólu Elísdóttur og Alejandro Guillen Mellado í fasteignina Kirkjumel á Norðfirði.
Bæjarráð samþykkir að taka kauptilboði í eignina og felur bæjarstjóra að undirrita skjöl vegna sölu eignarinnar.

Framlagt erindi framkvæmdastjóra Goðaborgar þar sem óskað er eftir úrbótum á götum í Breiðdal auk þess sem spurst er fyrir um stöðu verkefnisins Breiðtorg á Breiðdalsvík.
Bæjarráð vísar erindi til eigna-, skipulags- og umhverfisnefndar til skoðunar.

Framlagt erindi framkvæmdastjóra Goðaborgar er varðar byggingu á íbúðarhúsnæði í Breiðdal.
Bæjarráð hefur verið að vinna að uppbyggingu leiguhúsnæðis í Fjarðabyggð í samstarfi við Húsnæðis- og mannvirkjastofnun og er stefnt að uppbyggingu leiguhúsnæði í Fjarðabyggð og þar á meðal í Breiðdal.

Lögð fram viljayfirlýsing um uppbyggingu leiguíbúða í Fjarðabyggð milli Fjarðabyggðar, Húsnæðis- og mannvirkjastofnunar, Leigufélagsins Bríetar ehf. og Búðinga ehf. til styrkingar leiguíbúðamarkaðsins í sveitarfélaginu.
Bæjarráð samþykkir viljayfirlýsinguna og felur bæjarstjóra undirritun hennar.

Lagður fram samningur við East Coast Rental ehf. um aðstöðusköpun að Sævarenda 2 á Stöðvarfirði vegna uppbyggingar á þjónustumiðstöð við fiskeldisiðnaðinn á Íslandi.
Bæjarráð samþykkir samninginn fyrir sitt leyti og vísar honum til staðfestingar í hafnarstjórn.

Framlagt erindi frá Íbúasamtökum Reyaðrfjarðar er varðar sundlaug á Reyðarfirði.
Bæjarráð hefur áður tekið málið til umfjöllunar en framkvæmdir geta ekki hafist við endurbætur fyrr en nýtt íþróttahús er fullbúið og það getur leyst af hólmi eldra hús.

Framlagt erindi frá Samvinnufélagi útgerðarmanna í Neskaupstað sem hyggst færa Stefánslaug að gjöf heitan pott og glervegg í tilefni af 90 ára afmæli félagsins. Félagið mun jafnframt standa straum að kostnaði við uppsetningu á hvoru tveggja.
Bæjarráð þakkar samvinnufélaginu fyrir höfðinglega gjöf og felur framkvæmdasviði að annast útfærslu uppsetningar í samvinnu við félagið og forstöðumann Stefánslaugar.

Farið yfir skipan einstaklinga í kjörstjórnir vegna sveitarstjórnarkosninganna 14. maí nk. en ný kosningalög hafa leitt til vandamála við skipan þeirra vegna aukins áskilnaðar um hæfi kjörstjórnarmanna.
Bæjarstjóra falið umhald og vinnsla málsins en tillaga um skipan kjörstjórna verður lögð fyrir bæjarstjórn 5. maí nk.

Framlagt aðalfundarboð Fiskiræktar- og veiðifélags Norðfjarðarár. Tilnefna þarf fulltrúa á aðalfund Fiskiræktar- og veiðifélags Norðfjarðarár sem haldinn verður 27. apríl í Safnaðarheimili Norðfjarðarkirkju.
Bæjarráð felur bæjarritara að sækja fundinn með fullt og ótakmarkað umboð.

Framlagt aðalfundarboð Fiskmarkaðs Austurlands sem verður haldinn 25. apríl nk. kl. 12:00 að Strandgötu 14 Eskifirði.
Bæjarráð felur bæjarstjóra að fara með fullt og ótakmarkað umboð á fundinum.

Fundargerð samtaka orkusveitarfélaga frá 1. apríl lögð fram til kynningar.

Fundargerð fræðslunefndar frá 20. apríl sl. lögð fram til afgreiðslu.