Bæjarráð

Framlagt sem trúnaðarmál yfirlit yfir rekstur málaflokka og fjárfestingar janúar - mars auk skatttekna og launakostnaðar janúar - apríl.

Lagt fram bréf reikningsskila- og upplýsinganefndar vegna breytinga á reglugerð nr. 1212/2015 um reikningsskil byggðasamlaga sem sveitarfélög eru með beina ábyrgð á.
Bæjarráð felur fjármálastjóra umhald málsins og leggja fram viðauka til nýrrar bæjarstjórnar.

Framlagðar upplýsingar um sveitarfélagaskólann sem býður í samstarfi við Háskólann í Reykjavík upp á sérsniðin námskeið fyrir kjörna fulltrúa í sveitarstjórnum og nefndum. Námskeiðin eru á rafrænu formi.
Bæjarráð samþykkir þátttöku í sveitarfélagaskólanum fyrir kjörna fulltrúa í bæjarstjórn og nefndum.

Framlagt bréf Jóhönnu Lárusdóttur og Margrétar Sigfúsdóttur þar sem óskað er eftir að ærslabelgur verði settur upp í Mjóafirði.
Bæjarráð getur ekki orðið við beiðni en lýsir áhuga á að koma að málinu verði á því framhald.

Framlagt bréf Verkmenntaskóla Austurlands um gjaldfrjáls afnot af íþróttahúsinu í Neskaupstað fyrir Tæknidag fjölskyldunnar sem haldinn verður í áttunda sinn laugardaginn 1.október nk.
Bæjarráð samþykkir að styrkja tæknidaginn sem nemur afnotum af íþróttahúsinu með sama hætti og undanfarin ár.

Bæjarstjóri vék af fundi við umfjöllun og afgreiðslu dagskrárliðar.
Fram lagður tölvupóstur frá Lf-fasteignasölu þar óskað er eftir afstöðu Fjarðabyggðar til að nýta forkaupsrétt að fasteigninni að Naustahvammi 20 á Norðfirði.
Bæjarráð samþykkir að falla frá forkaupsrétti á fasteigninni vegna þessarar sölu.

Áhrif nýrrar jafnréttislöggjafar á sveitarfélög.
Í lögunum um stjórnsýslu jafnréttismála er í 13. gr. fjallað um skyldur sveitarfélaga.Um er að ræða töluverðar breytingar frá lögum nr. 10/2008. Áætlanir sveitarfélaga í jafnréttismálum skulu nú taka til markmiða og aðgerða til að koma í veg fyrir mismunun, ekki eingöngu vegna kyns sbr. lög nr. 150/2020, heldur einnig sbr. lög um jafna meðferð óháð kynþætti og þjóðernisuppruna nr. 85/2018 og lög um jafna meðferð á vinnumarkaði óháð kynþætti, þjóðernisuppruna, trú, lífsskoðun, fötlun,skertri starfsgetu, aldri, kynhneigð, kynvitund, kyneinkennum og kyntjáningu nr.86/2018. Þá hefur einnig verið gerð sú breyting að ekki er lengur kveðið á um skipunsérstakra jafnréttisnefnda heldur skal sveitarstjórn fela byggðaráði eða annarri fastanefnd sveitarfélagsins að fara með jafnréttismál.
Bæjarráð samþykkir að vísa endurskoðun jafnréttisstefnu til nýrrar félagsmálanefndar.

Málið lagt fram sem trúnaðarmál

Vísað frá eigna-, skipulags- og umhverfisnefnd til afgreiðslu bæjarráðs lóðarumsókn HRMS Byggingar ehf. um lóðina við Stekkjartún 4, á Reyðarfirði undir einbýlishús.
Bæjarráð samþykkir að úthluta lóðinni.

Vísað frá eigna-, skipulags- og umhverfisnefnd til afgreiðslu bæjarráðs lóðarumsókn HRMS Byggingar ehf. um lóðina við Stekkjartún 6 á Reyðarfirði undir einbýlishús.
Bæjarráð samþykkir að úthluta lóðinni.

Vísað frá eigna-, skipulags- og umhverfisnefnd til afgreiðslu bæjarráðs lóðarumsókn Straumbrots ehf. um lóðina við Hjallaleiru 2 á Reyðarfirði undir atvinnuhúsnæði.
Bæjarráð samþykkir úthlutun lóðarinnar.

Vísað frá eigna-, skipulags- og umhverfisnefnd til afgreiðslu bæjarráðs lóðarumsókn Nestaks ehf.um lóðina við Naustahvamm 58 undir atvinnuhúsnæði.
Bæjarráð samþykkir að úthluta lóðinni.

Vísað frá eigna-, skipulags- og umhverfisnefnd til afgreiðslu bæjarráðs lóðarumsókn um Miðdal 16 á Eskifirði undir einbýlishús.
Bæjarráð samþykkir að úthluta lóðinni.

Vísað frá eigna-, skipulags- og umhverfisnefnd til afgreiðslu bæjarráðs lóðarumsókn Búðinga ehf. um lóðina við Sólheima 7 á Breiðdalsvík undir parhús.
Bæjarráð samþykkir að úthluta lóðinni.

Umhverfis- og samgöngunefnd Alþingis sendir til umsagnar frumvarp til laga um stefnumótandi byggðaáætlun fyrir árin 2022-2036, 563. mál. Umsögn berist eigi síðar en 1. júní. Þingskjalið er hægt að sækja á vef Alþingis: https://www.althingi.is/altext/152/s/0799.html

Framlagt erindi Samband íslenskra sveitarfélaga um skipan fulltrúa til að sitja landsþing Sambands íslenskra sveitarfélaga. Kosnir verða fjórir landsþingsfulltrúar og jafn margir til vara, til næstu fjögurra ára.
Vísað til kosningu fulltrúa í nefndir og ráð sveitarfélagsins sbr. 62. gr. samþykkta Fjarðabyggðar.

Fundargerð stjórnar sambandsins frá 27. apríl sl. lögð fram til kynningar.

Fundargerð eigna- skipulags- og umhverfisnefndar frá 12. maí lögð fram til staðfestingar.

Fundargerð fræðslunefndar frá 11. maí lögð fram til staðfestingar.

Fundargerð íþrótta- og tómstundanefndar frá 9. maí lögð fram til staðfestingar.

Fundargerð félagsmálanefndar frá 10. maí lögð fram til staðfestingar.

Fundargerð öldungaráðs frá 7. apríl lögð fram til staðfestingar.

Fundargerð öldungaráðs frá 5. maí lögð fram til staðfestingar.

Fundargerð barnaverndarnefndar frá 12. maí lögð fram til staðfestingar.