Bæjarráð

Framlagt yfirlit fjármálastjóra um rekstur Fjarðabyggðar á árabilinu 2014 - 2021.

Framlagður til kynningar framlengdur samningur um rekstur Norðfjarðarflugvallar fyrir árin 2022 og 2023.
Bæjarráð samþykkir samning fyrir sitt leyti.

Lögð fram samantekt fjármálastjóra á breytingum á fasteignamati í Fjarðabyggð milli áranna 2022 og 2023, auk áætlunar um álagningu fasteignagjalda að óbreyttum álagningarreglum.
Vísað til fjárhagsáætlunargerðar.

Lagt fram minnisblað um búnað kjörinna fulltrúa og hugmyndir að útfærslu á búnaðarkaupum.
Bæjarráð samþykkir tillögu í minnisblaði.

Lagt fram minnisblað frá atvinnu- og þróunarstjóra, verkefnastjóra Fjarðabyggðarhafna og fjármálastjóra, um ferð þeirra á ráðstefnu um vetni í Rotterdam.

Lagt fram til kyningar minnisblað atvinnu- og þróunarstjóra um umsóknir og afgreiðsla Ferðamálstofu vegna Framkvæmdasjóðs ferðamannastaða 2022.

Framlagður rökstuðningur matvælaráðuneytis vegna afgreiðslu umsókna Fjarðabyggðar um styrk til innviðauppbyggingar vegna þjónustumiðstöðvar og heimasíðu.
Bæjarráð Fjarðabyggðar lýsir yfir undrun sinni á rökstuðningi Fiskeldissjóðs vegna umsókna sveitarfélagsins í sjóðinn á þessu ári. Miðað við úthlutun síðasta árs og þá þætti sem notaðir eru vegna úthlutana þá hefðu umsóknir Fjarðabyggðar átt að fá fleiri matsþætti viðurkennda. Styrkir þessi niðurstaða ennfrekar þá skoðun sveitarfélagsins að mikilvægt sé að koma gjaldtöku af fiskeldi í þann farveg að sveitarfélögin sem það hýsa innheimti hana beint og nýti til uppbyggingar innviða sinna án þess að rökstyðja þurfi það fyrir nefndum á vegum ríkisins og taka þátt í samkeppni við önnur sveitarfélög.

Athugasemdarfrestur við deiliskipulagið Dalur athafnasvæði er liðinn. Engar athugasemdir bárust.
Bæjarráð samþykkir deiliskipulagið í umboði umhverfis- og skipulagsnefndar og vísar því til staðfestingar bæjarstjórnar.

Aðalfundur Olíusamlags útvegsmanna í Neskaupstað svf. verður haldinn í Múlanum samvinnuhúsi Neskaupstað, miðvikudaginn 15. júní kl. 17:00.
Bæjarráð felur bæjarstjóra fullt og ótakmarkað umboð á fundinum.

Framlagt aðalfundarboð Sjóminjasafns Austurlands fyrir árið 2022. Aðalfundur er boðaður 22. júní nk.
Bæjarráð felur bæjarstjóra að fara með fullt og ótakmarkað umboð Fjarðabyggðar á fundinum.